روح من النور وكرسي الاعتراف

[رُوح]

آهلين مديرتنا الحلوة رانيا

	المشكلة على كثر ماياكلها على راسه مايتوب

هههههه أنا أقول خلووه عادي يسوي جوو ف المنتدى

	روح منورة كرسي الاعتراف

تسلمين هذا نورج 💕

	خبرينا كيف وصلتي هنا ؟

وصلت عن طريق قوقل ما وصلتني دعوة ولا شي كنت أبحث ولقيت هالمنتدى بالصدفة
والصدفة الثانية الحلوة أني لقيت طقاقة أم عنبر هنا وهي كانت معاي فالمنتدى الأول

	اش يميز غلاك عن باقي المنتديات ؟

أنتِ
> مديرة كلج حركات ومميزة

الصراحة اللي يميز غلاك
أول شي الإدارة طبعاً
أحلى إدارة شفتها وأحسكم قريبين من الأعضاء وتسمعونهم وتهتمون لكلامهم وهالشي حلو
وبعد الهدوء اللي في المنتدى عجبني وأنه مافي مشاكل عكس المنتديات الثانية
هنا حتى مشاكلكم ومضارباتكم حلوة وتضحك ما تنرفز
والأعضاء أحسهم مألوفين وكلهم مبدعين ما شاء الله عليهم وأحس في بينهم تفاهم

	ايش ينقص غلاك عن باقي المنتديات ؟ اشياء ودك تكون موجودة هنا ؟

حالياً مافي شي ببالي كل شي أبيه موجود الحمدلله
بس شي واحد فقط أتمنى يكون موجود
وهو أيقونة تصغير الصور
بتسهلون علينا كثير لو أضفتوها 👍🏻

وبس

شكراً على التواجد و الأسئلة الحلوة 😊🌸

A B E E R ,طقاقة أم عنبر ,رآنيا و 1 آخرون معجبون بهذا

متأمل

[أميرة الغيم]

لو حطوك وزير التعليم
بتعطبنا اجازة برمضان؟

A B E E R ,متأمل ,رُوحٌ منِ النُّور معجبون بهذا

[رُوح]

	المشاركة الأصلية كتبت بواسطة سمآآآء

	لو حطوك وزير التعليم بتعطبنا اجازة برمضان؟

آهلين سماء

بشوف رايي الأكثرية
إذا أكثرهم يبوون إجازة بعطيهم إجازة
وين المشكلة 😊!

أهم شي بعد الإجازة يرجعون متحمسين ونشيطين
مو كسلانين

إذا رجعوا كسلانين بغير رايي 🙂


شكراً على السؤال 🌸💕

A B E E R ,طقاقة أم عنبر ,سمآآآء معجبون بهذا

[‏متأمل]

سؤال يسدح نفسه

لهجتك تختلف عن باقي احبابنا في الامارات
ولولا انك ذكرتي بانك اماراتية ضنيتك سعودية
فما السر في ذلك ؟

رُوحٌ منِ النُّور ,سمآآآء معجبون بهذا

[أميرة الغيم]

لنها كانت بمواقع كثير سعودية
تعلمت اللهجه
ههههههه وحده ملقوووفة cb7:
تجاوب

متأمل ,رُوحٌ منِ النُّور معجبون بهذا

[رُوح]

	المشاركة الأصلية كتبت بواسطة متأمل

	سؤال يسدح نفسه لهجتك تختلف عن باقي احبابنا في الامارات ولولا انك ذكرتي بانك اماراتية ضنيتك سعودية فما السر في ذلك ؟

لازم أحكي قصة حياتي عشان تفهم

شوف أول شي أنا أبوي الله يرحمه كان أصله عماني
بس عاش عمره في الإمارات
وأمي الله يرحمها كانت مو إماراتية ولا عربية
أمي أصلها من الهند
بس عاشت عمرها في الإمارات وكانت تتكلم عربي عادي
> أدري ما توقعتوا هالشي بس هذي الحقيقة =)

المهم أني من عرفت نفسي وأنا إماراتية
ولهجة قبيلتنا تختلف عن اللهجة الإماراتية
وحتى مو نفس اللهجة العمانية غير شوي
لأن اللهجات تختلف حتى لو بنفس الدولة
مثلكم أنتو السعوديين عندكم لهجات مختلفة

يعني في البيت مع أهلي أتكلم بلهجة غير
ومع الناس أتكلم باللهجة الإماراتية اللي تعرفونها

وفي المنتدى غير وصرت أتكلم سعودي
لأني مشاركة ف منتدى سعودي من فترة طويلة
وانعديت منكم وصرت لا إرادياً أتكلم مثلكم
حتى هنا ب هالمنتدى مرات أقلب سعودية بعدين أنتبه للكلام

وأصلاً أحب أتعلم لهجات مختلفة يعني عادي

ف ل هالسبب تحس أن لهجتي غير
> مكس خرافي وصعب ما تحصلون مثلي اثنين ههههه

وبس =)

طقاقة أم عنبر ,متأمل معجبون بهذا