روح من النور وكرسي الاعتراف

[الولهان عبدالله]

روح من النور وكرسي الاعتراف

كرسي الإعتراف الرمضاني

السلام عليكم ورحمة الله وبركــــــــاته....
هـل هلالك رمضـان قـبل أيـام معدودات وراح يكــون فيهـ
كرسي الأعتراف
الطريقة نستضيـف ضيف على هذا الكـرسـي من أعضـاء منتدانا الغالي
الأسئلة وهـي
:
س1_ اسمك ؟؟
س2_كم عمرك؟؟
س3_رايك في رمضان هذي السنه ؟؟
س4_أذكر لنا قصة او موقف حدث لك في رمضان؟؟
س5_اكثر اكله تحبها في رمضاان ؟؟
س6- وش تفضل فطورك مع الاهل ولا برووحك ؟؟
س7ـ هل تدخلون المطبخ في رمضان؟؟أم تدعين العمل على امك و أخواتك؟؟
س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟
س9- هالسنه ناوي تختم القران؟؟
س10_وش العصير أو المشروب اللي تحب تشربه في رمضان؟؟
س11_انت من الناس اللي يزيد وزنهم في رمضان؟؟
س12_تقضي النهار كله نوم ؟ أو عادي تقضيه وانت صاحي؟؟
س13_الصيام يتعبك؟؟
س14_تتابع المسلسلات الرمضانية؟؟
س15_تفرح برمضان أكثر أو بالعيد أكثر؟؟



ملاحظه :

[ كل عضو يكون من إختيآري , وبتكون مدة الاستضافه يومين اذا تأخر العضو ]

أرجو من الأعضاء تقديم أساله للعضو المرشح

طبعا العضو راح يجاوب على أسإلتي الموجودة في الاعلى ثم يجاوب على اسإلة الأعضاء

سيتم ترشيح عضو لكرسي الاعتراف كل يوم الساعة الرابعة او الخامسة عصرا

اليوم الأول لكرسي الرمضاني مع
روح من النور

نبض غلاك ,مسترٍيَحٍ آلُبآلُ ,متأمل و 3 آخرون معجبون بهذا

المعتفس ,عبير ,رُوحٌ منِ النُّور

الموضوع الأصلي: روح من النور وكرسي الاعتراف || الكاتب: الولهان عبدالله || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

v,p lk hgk,v ,;vsd hghujvht hgk,v

[رُوح]

يسعد مساكم
وكل عام وأنتم بخير جمعياً
والله يتقبل منا ومنكم صالح الأعمال ✨


شكراً على اختياري واستضافتي عبدالله 😊

وإن شاء الله لي عودة للرد ع الأسئلة 👍🏻

وحياكم أستقبل أسئلتكم 💕

الولهان عبدالله ,المعتفس معجبون بهذا

[رُوح]

بسم الله .. نبدأ الأجوبة 😊

	س1_ اسمك ؟؟

روح بنت النور 💕
> أخاف أنخطف لو قلت إسمي الحقيقي

	س2_كم عمرك؟؟

ثلاثينية
> بعدي في بداية الثلاثين 😇

	س3_رايك في رمضان هذي السنه ؟؟

جميل الحمدلله
والجديد فيه أني عرفتكم
وعرفت ناس طيبين ف الواقع بعد ما كنت أعرفهم من قبل 😊
يعني هالسنة رمضاني مع ناس جدد وحلوين 👌🏻💕

	س4_أذكر لنا قصة او موقف حدث لك في رمضان؟؟

أذكر كنا منتقلين لبيتنا الجديد في رمضان
وما كنا مسويين فطور لأن بعده ما كان في غاز
و قررنا نطلب من برى
وأنا وأختي الصغيرة كنا نفكر شو نبي نفطر وشو اللي فخاطرنا
بعدين صديق أخوي قال لأخوي فطوركم علينا
وهو اللي جاب الفطور كله وما طلبنا من برى
والأكل اللي جابه كله نفس اللي نحبه
ونفس الشي اللي كان ف خاطرنا أنا وأختي الصغيرة
كأنه يدري مع أنه ما يدري > جابه على ذوقنا 👍🏻

	س5_اكثر اكله تحبها في رمضاان ؟؟

أكثر من أكله تعجبني يعني مافي شي محدد
بس أحب أي شي أسويه بنفسي

	س6- وش تفضل فطورك مع الاهل ولا برووحك ؟؟

مع الأهل طبعاً وأحب لما نتجمع كلنا
لأن مو كلهم يكونون موجودين برمضان

	س7ـ هل تدخلون المطبخ في رمضان؟؟أم تدعين العمل على امك و أخواتك؟؟

طبعاً نتعاون
والشغالة بعد تساعد
ومرات ما أسوي شي لأن خلاص يسوون عني
وما يكون في شي أسويه

	س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟

ما أذكر ما حسبت كم مرة
بس برمضان غالباً أختمه مرة وحدة
أحاول كل يوم أقرأ جزء أو جزئين لين أختمه

	س9- هالسنه ناوي تختم القران؟؟

نعم ، إن شاء الله

	س10_وش العصير أو المشروب اللي تحب تشربه في رمضان؟؟

أكثر شي اللبن وعصير البرتقال

	س11_انت من الناس اللي يزيد وزنهم في رمضان؟؟

لا ينقص شوي

	س12_تقضي النهار كله نوم ؟ أو عادي تقضيه وانت صاحي؟؟

لا ما أحب أنام في النهار سواء في رمضان أو غيره
يعني نادراً أنام ف النهار يمكن لو كنت تعبانة فقط

	س13_الصيام يتعبك؟؟

أول يومين أحس تعب شوي بس بعدين عادي أتعود

	س14_تتابع المسلسلات الرمضانية؟؟

ما أتابع ولا شي
والمسلسلات الخليجية أحسها نكد
يمكن لو في شي يضحك أو شي مفيد أتابع بس واحد مو أكثر
لكن هالسنة بعدي ما فتحت التلفزيون

	س15_تفرح برمضان أكثر أو بالعيد أكثر؟؟

رمضان له فرحته والعيد له فرحته


~

شكراً ع الأسئلة الحلوة 🌸✨

A B E E R ,طقاقة أم عنبر ,سمآآآء و 2 آخرون معجبون بهذا

متأمل ,المعتفس

[المعتفس]

أجوبة رائعة


ماتسطلين بعد الإفطار؟
والرياضة متى وقتها فيومك ؟وأي نوع من الرياضة ؟
تروحين تصلين في المسجد التراويح والا البيت ؟

رُوحٌ منِ النُّور ,متأمل معجبون بهذا

[‏متأمل]

	المشاركة الأصلية كتبت بواسطة المعتفس

	أجوبة رائعة ماتسطلين بعد الإفطار؟ والرياضة متى وقتها فيومك ؟وأي نوع من الرياضة ؟ تروحين تصلين في المسجد التراويح والا البيت ؟

التسطيل عندي والله
خلاص احسني منتهي
ولازم اخذ غطة قبل صلاة التراويح

>>> من قوة الصوم جاوب عن روح هههههه

المهم جاوبي يا اختاه هداك الله :)

ِ

المعتفس ,رُوحٌ منِ النُّور معجبون بهذا

[رُوح]

آهلين يالمعتفس

	ماتسطلين بعد الإفطار؟

مرات مو دايماً
لازم أشرب لبن أكتيفيا عشان ما أسطل
أكتيفيا اللي بالخوخ حلو جربوه يمكن يعجبكم
لأنه مفيد وما أحس بشعور التخمة لو شربته
وبعد الفطور بساعة أو ساعتين أشرب شاي أو قهوة

	والرياضة متى وقتها فيومك ؟وأي نوع من الرياضة ؟

في الأيام العادية الصبح أو بعد الظهر ف الجم
بس ساحبة ع الجم ومو ملتزمة ف الرياضة على طول
وأما نوع الرياضة كارديو ومقاومة أكثر شي مع أنه الجم فيه كل أنواع الرياضات
بس هذول أكثر شي

هالفترة برمضان بعد العشاء
المشي السريع أكثر شي و الجري مرات
والحين زودت النط
والمقاومة بس نادراً

	تروحين تصلين في المسجد التراويح والا البيت ؟

في البيت وفي المسجد على حسب
وفي العشر الأواخر دايماً ألتزم بالصلاة ف المسجد
أحس أحلى ف المسجد لما كلنا نصلي و ندعي مع بعض


شكراً على أسئلتك
نورت ✨

A B E E R ,طقاقة أم عنبر ,المعتفس معجبون بهذا