أسال سؤال للعضو اللي بعدك !

[رُوح]

لما أكره شي
مستحيل أسويه لازم أعاند
لأن إذا قلت أكره شي ما أحب أحد يناقشني فيه
وحتى لما أحب شي أعاند وما أحب أحد يتدخل بأشيائي



آخر مرة ضربتوا حد ..؟ شنو كان السبب ؟

[كيان]

بنت اخوي قبل اسبوعين
ما احب الضرب بس مافاد فيّها بقطتها سايستها مافيها
حيله قلت انا تغبني ورعه وانا بنت ابوي قبصتها قبيصه صغيره
بردت قلبي :587::587:


نفسسو :587:

[رُوح]

محد رد إلا كيان الشعور
> شكلكم جايبين العيد :d

ما أذكر أني كنت شريرة وأضرب إلا بطفولتي
ومع أخوي فقط
كنا نلعب مع بعض ولما يسوي حركة أو يقول كلمة تنرفزني
أمسك أقرب شي حتى لو حجر و أرميه عليه
كنت عصبية جداً وردة فعلي سريعة
بس من حسن حظه ما كنت أعرف أصوب ويهرب مني ويضحك
وبعدين عادي نرجع نلعب ولا كأنه صار شي

بس الحين أنا أكثر وحدة أرفع ضغطه بدون ما أسوي شي
وما يقدر على شخصيتي الصعبة
أصلاً مو أي حد يعرف يتعامل معاي مدري ليش



موقف تذكرونه حتى الآن من أيام الطفولة ؟

[المعتفس]

كنت أفكر القمر هو الله
استغفرالله

نفسه

[المهاجر]

كم مره رحت مكه

[alwafa]

،’









مره بس’
ربي يرزقنــــــــــــــــي ,




شو شي الي ما تحبــــــــــــهه , ؟

[المعتفس]

الكوره والتلفزون


نفسه

[رُوح]

الكورة والتلفزيون ومواقع التواصل كلها
بالذات الواتس اب والقروبات اللي فيه
والتفكير الوسخ والسب خاصة اللي يكون بألفاظ بذيئة
والسهر والتأجيل
الإختلاط والملابس الغير محتشمة والغزل الفاحش
والصوت العالي والهواش والعصبية

وكثيير أشياء حتى لو كنت أسوي بعضها





شي تحبونه ؟

[3mjeed]

الهلال ��

وش نقاط الضعف عندك؟

[alwafa]

،’











أمي و ابوي و أغلى ناسي ’ :r-q-7:


.
.



شي تخاف منه , ؟:confues_1:

[رُوح]

الناس اللي ما أتقبلهم لما ينشبون فيني :r-q-7:



نفسه ؟

[المعتفس]

ماخاف من شي


كم صار لك في المنتديات ؟

[3mjeed]

:98e1ef1e89:

وش هواياتك ؟

[المعتفس]

المنتديات

نفسه

[رُوح]

التأمل أكثر شي




أكثر شي استفدتوه من المنتديات ؟

[المعتفس]

صراحة ماستفدت شي
لأن غرضي منها التسلية مو التعلم

نفسه

[3mjeed]

الوناسه اللي فيه


كم درجة الحراره عندكم؟

[المعتفس]

فوق الثلاثين

نفسه

[رُوح]

25
للأسف حر




درجة الجدية من عشرة ؟

[الجوهرة]

٩ونص


اخر هدف حققته ؟

[رُوح]

قفلت منتدى كنت أكره طريقة إدارة المدير له
قلت يارب يتقفل وتقفل على طول :ff1 (171):


نفسه ..؟

[alwafa]

،’











أخر هدف ليسن و خذته ه ’


.
.


قولو لنا عن شي سويتو و انتو صغار ,
و للحين في بالكم , ؟ شي يضحك طبعا , :54:

[رُوح]

مرة كنا ف بيت ناس
وكانوا بيحطون العشاء وكذا
وكل حد يساعد
وأنا قلت خلني أقوم أساعدهم بعد 😁
عطوني صينية فيها كاسات وشلتها
ومشيت ولما وصلت لين الباب وجيت أبي أفتح الباب
طاحت الكاسات وانكسرت 🥺
كنت شوي وببكي من الفشلة 😭💔
قلت ياليتني جالسة ف مكاني أحسن 🥲


وبس

نفسه ..؟

[المهاجر]

مره كنه معزومين في بيت اخ من اخوانا
السورين شامي مسوي لنا غدا محاشي
ونترقب على احر من الجمر طبعا احظر
كل المقبلات وحاب صينية المحاشي
ماشاء الله فل ويوم دخل الميلس لابس
داشة نوم دخل مع دخوله ردن الدشداشه
دخلت بقبضة الباب على سرعه ������
طبعا الله لايوريكم كل كوسايا راحت بديره
ووقع على الارض ومسكين تفشل موقف
شبعنا ضحك والله ماأنساه

نفسه

[رُوح]

رديت


إذا فقدت شغفك شنو تسوي عشان ترجعه ..؟

[المعتفس]

ماارجعه ..العادة أخليه على راحته لين يرجع من نفسه
هذا إذا رجع

نفسه

[رُوح]

أجرب أسوي أي شي جديد



تعبرون بالكلام أكثر ولا بالأفعال ؟

[المعتفس]

على حسب الموقف

نفسه

[كيان]

80 ٪ بالافعآل تعبيري :ff1 (49)::ff1 (49):
نفسو

[رُوح]

بالأفعال أكثر



آخر حلم شفتوا كان حلو ولا مو حلو ؟

[المعتفس]

مو حلو

وش تغديت

[كيان]

من ثلآث ايام كان حلو بشكل مو طبيعي مريح مره


نفسوو:82:

[كيان]

مو حلو

وش تغديت



تغديت ساندوتش دجاج

متى وقت قهوتك المعتاده ؟ وايش نوعها ؟

[المعتفس]

اكره القهوة ومااحب اصاحب اللي يقدسون اوقاتها

وطحتي من عيني صراحه مصوره وكاتبة ومبين انك بنت قبايل
واخر شي بالفم المليان تقولين تغديت سندوتش
راحوا نسوان قبل والله


مشروبك البارد المفضل؟

[كيان]

اللهم صلّ على النبي رجعت اتأكد انا وش كاتبه قهوه والا حاجه ثانيه :84::84:
من ملذات الحياة القهوه :82:


خساره طحت من عينك لو داريه كان قلت لك سليق مع مرقة لحم :84::84:

دبل شوت ايس شيكن

نفسسو

[المعتفس]

^
هاشف وش مشروبها:m1:


مشروبي
برتقال كبس


كيف عرفت المنتدى ؟

[كيان]

^
مشروب الناس العباقره :d
شف مشروبك انت اتوقع لو جدي فهد عايش ماكان ذا مشروبه

حنيت لـ ايام المنتديات وبديت ابحث وادخل واشوف الاعضاء
وردودهم وجوهم واستقريت عليه:82::82:


زيوووه :82:

[رُوح]

كنت أدور شي
ولقيت هذا المنتدى بالصدفة وحسيت بالانتماء للمكان


نفسه ؟

[المعتفس]

الله يرحمه كيان
ماكنه كان ياكل البرتكان بقشوره
ولا مدمن حليب نياق

ماقول الا امحق خلف لخير سلف

ونسيت كيف جيت المنتدى ياروح


عمرك الكذبي ؟

[رُوح]

مرات أحسني 15
و إذا تفلسفت أحسني عجوز وعمري 100




نفسه ؟

[المعتفس]

٢٤


مركب تقويم اسنان ؟

[رُوح]

لا ولا مرة جربت التقويم
لأن أسناني مب ملخبطة


نفسه ؟

[المعتفس]

لا اعوذ بالله
كل اللي اشوفهم مركبينه يطلعون سعابيل وتفال اذا سولفوا
والا كل شوي يبلعون ريقهم


كم عندكم طفل في البيت واصغر طفل كم عمره ؟

[رُوح]

أنا ما تقبلت التقويم ولا حتى الفينير
الأسنان الطبيعة أجمل ومو تقليد

أخوي عنده بنتين صغار
وأختي عندها بنت وهي أصغر وحدة
عمرها سنة وكم شهر
بس مو دايماً يكونون ف بيتنا بس يجون زيارة


نفسه ؟

[كيان]

ماعندنا اطفال قعّدة بيتنا ب اولى جامعه :d:157:
وشو المكان اللي لو تروحه دايم ماتمل منه ابد ؟

[دائمًا عَزيز .]

المقهى .
- نفسه ؟

[رُوح]

المكتبة
ما أحس بالوقت لما أكون فيها
وأحب أتأمل الكتب والعناوين والأغلفة الحلوة



متى تنامون بالعادة ؟

[كيان]

بعد الفجر للآسسف


نفسَه :ff1 (54):

[المعتفس]

مالي وقت محدد

نفسه

[خفايآ روح~••]

والله الساعه البيولوجيه عندي مضروبه:ff1 (101):





طريقتك فِ جذب النوم ؟

[لمعة الماسه]

النوم مالي وقت معين
احيان بعد العشى الى نص الليل
واحيان الصباح
وكذا

اقلب بالجوال حتى انام


دعاء يساعدكم في قضاء حجاتكم (دعاء المعجزات)؟؟؟؟

[خفايآ روح~••]

حسبي الله لا إله الا هو عليه توكلت وهو رب العرش العظيم





نفسه

[المعتفس]

لا إله إلا أنت سبحانك إني كنت من الظالمين

ولا إله إلا الله توكلت على الله ولا حول ولا قوة إلا بالله



كيف طرا فبالك نكك قبل تختاره ؟

[نايف]

ابد لازق فيني من وانا طفل


نفسه

[خفايآ روح~••]

أحب الاسماء المركبه واللي تمثل جزء فيني




نفسه

[نايف]

خلاص جاوبت حلى هي:38:

اسهل سؤال ممكن تسأله برأيك

[رُوح]

كنت أبي شي فيه نور
بس اسم نور يذكرني ب ممثلة تركية ما تعجبني
و أحب أسم روح
قلت بخليه روح من نور بدل نور
وأصلاً نور مكرر
لكن روح من نور ما أظن في غيري
و أول مرة أسجل ب هالإسم

~~~


أسهل سؤال .. كيفك ؟

أول إسم سجلتوا فيه في المنتديات ؟

[خفايآ روح~••]

صمت المشآعر
يَ قدددددمي :54:




نفسه

[لمعة الماسه]

لمعة الماسه

بصراحه
انا لك يابريق الماس انا الالماس وانتي لمعة الماسه

انهدت لي من شخص عزيز
ومن سنيييين انا لمعة الماسه

السؤال
ايش عشاكم
جيعانه وكسلانه

[المعتفس]

بروست ومطبق

نفسه

[لمعة الماسه]

ياسلام على مطبق ابو هلال
اعزمنا يابخيل

رسمت في المسابقه
بخاطري ارسم وماعندي كراسه والوان
ههههههههه

[المعتفس]

مو بالوان المسابقة

والمرة الجاية اعزمك على صورة مطبق ولا يهمك :m1:

نسيتي السؤال بسأل انا


بيت تحفظه

[لمعة الماسه]

تعصي الاله وانت تزعم حبه
هذا محال في القياس شنيع
لو كان حبك صادقا لاطعته
ان المحب لمن يحب مطيع:ff1 (244):

نفسه

[المعتفس]

مافبالي شي


وش اخذت منك المنتديات ووش اعطتك ؟

[رُوح]

الخيل والليل والبيداء تعرفني
والسيف والرمح والقرطاس والقلم

> من عرفت هالبيت وهو في بالي :ff1 (171):



جاوبت على سؤالك قبل

نقول نفسه ؟

[المعتفس]

ي شيخه تعلمي سواقة اول شي بعدين قولي الخيل ومدري ويش<تحطيم:m1:


اكثر محل تحب تتمشى فيه وتضيع وقتك ؟

[لمعة الماسه]

البيت

نفسه

[المعتفس]

الحرم النبوي

والاسواق الشعبية


عطرك المفضل ؟

[لمعة الماسه]

الفاتنه من العربيه للعود
اسكادا

نفسه

[رُوح]

هههه ترى يعجبني بس مو يمثلني
مدري أحب الأبيات اللي فيها شوية هياط
تضحكني
وحتى شعر عنترة لما يحارب وكذا


مافي عطر محدد
كل مرة أجرب شي جديد
بس أحب الروائح الهادية



نفسه ؟

[لمعة الماسه]

جاوبت



كلمات في قلبك لم تستطع ان تخرجها في واقعك
قولها هنا

[المعتفس]

عليكم من الله ماتستحقون

تسوي رياضه ؟

[لمعة الماسه]

طبعا

رياضة النوم والاكل والراحه:66:




نفسه

[رُوح]

أسوي رياضة فترة بعدين أسحب ع النادي
وبعدين أرجع وهكذا
لازم أغيب وأخليهم يفقدوني شوي :d



أكثر رياضة تحبونها ؟

[المعتفس]

الكيك بوكسنق والمواي تاي والباور لفتنق

حلمك

[رُوح]

أهم شي عندي أكون سعيدة وبس
والأحلام إذا تحققت يمكن تسعدني ويمكن ما تكون سبب سعادتي



نفسه ؟

[لمعة الماسه]

حلمي البس والدي تاج الوقار
وبيت جميييل في الجنه


في الدنيا
يشفي اولادي
نفسه

[المعتفس]

حققت كل احلامي


طبخه تتقنها ؟

[المعتفس]

سلامة اولادك لمعة شفيهم ؟
ونفس سؤالي

[رُوح]

أكثر شي يحبونه من طبخاتي
المجبوس ( الكبسة ) والبرياني و الكشري و الثريد
والدجاج بالكاري
هذول أكثر شي


أكثر أكلة تحبونها ؟

[لمعة الماسه]

الله يسلمك
طيف توحد
فرط حركه وتشتت في الانتباه
تاخر في التحصيل الدراسي
الحمد لله حتى يبلغ الحمد منتهاه


مبدعه في الحنيذ
الاكلات الجنوبيه بشكل عام
قدرت قادر


متى وقت الخلوه مع الله

مع السلامه

[المعتفس]

الله يسلمك
طيف توحد
فرط حركه وتشتت في الانتباه
تاخر في التحصيل الدراسي
الحمد لله حتى يبلغ الحمد منتهاه


مبدعه في الحنيذ
الاكلات الجنوبيه بشكل عام
قدرت قادر


متى وقت الخلوه مع الله

مع السلامه

فيه دكتور بيجي من امريكا للرياض متخصص فهالحالات تشافوا علي يده بفضل الله حالات كثيرة..باستأذن من رانيا وارسل لك رقم العيادة وهم يتواصلون معك واتس
واللله يكتب لهم الشفاء يارب

والخلوة مع الله مالها وقت


وين تسكن ؟

[كيان]

الله يشفيلك اولادك لمعه ويمتعك وياهم بأتم الصحة والعافية :رحيق:

الرياض الحبيبه :82:

نفسسسو

[رُوح]

الإمارات - رأس الخيمة

بتزورونا :d؟



في مرة جيتوا الإمارات ؟

[لمعة الماسه]

اللهم امين
الله يسعدكم ويتقبل دعواتكم

الخبر

نفسه

[المهاجر]

كثير
رخت عمره هالفتره

[رُوح]

لا ما رحت


إذا انقفل باب السيارة والمفتاح داخل
كيف تفتحونه ؟
وشو أول شي بتسوونه ؟

[خفايآ روح~••]

أكلم ابوي :d:11:



نفسه

[المهاجر]

احاول انا اكيد ان قدرت بطلت الباب
وان ماقدرة الدفاع المدني
والامور طيبه
ثلث الثلاثه كم؟؟

[المعتفس]

واحد :23:

تاكل الكرش والمصران ؟

[طُليْطل]

لا

تحب الحَمَام؟

[المعتفس]

لا

طيب الهامور كييف :d؟

[طُليْطل]

اووووه ، عض قلبي ولا تعض هاموري يامعتفس هههههههه

اين يكمن شغفك؟

[كيان]

لما امارس شيء احبه وكل فتره ومزاج لها شغف
فتره بالقراءه وفتره بالرياضه وفتره بالطبخ وفتره بالديكور والتغيير :82::82:


نفسس السؤال :82:

[alwafa]

•'









ما عاد به شغف ،:ff1 (141):


.
.




مكان ودك تروح له و ليش .؟

[المهاجر]

مكه اعتمر وارجع
مكان اشتقت لزيارته

[المعتفس]

مافيه

نفسه

[غربة روح]

مكه خاطري أعتمر ..


متى تحس إنك قاسي !

[المعتفس]

مابجيني هالاحساس مهما قسيت :m1:

نفسه

[لمعة الماسه]

ماتحب هذا الاحساس
فابتعد كل البعد عن اللي يوصلني القسوه

نفسه

[سافانا]

لايوجد حصانه لاحد
اشعر بالقسوه مع من يستثير هذا الشعور
لابد من القسوه في بعض الاحيان



نفس السؤال

[كيان]

لما انصدم من الشخص اللي اكون مستثنيته
عن الكل سوى علاقه او صداقه او صلة قرابة
ويبادل عطاي بجفا او يجيني منه اهمال او تقصير
او لما اكون بحاجة وجوده وما القاه
هنا اقسى وقسوتي شينه بعد ..


طموح من طموحات هالسنه حققته بتوفيق الله ؟

[alwafa]

،’










ما اطمح لـشي عسب احققها ’
اموري كلها مخلتنها على الله ,


.
.


اذا شفت شخص عزيز و غالي عليك معصب شو تسوي ,؟

[المهاجر]

احاول اهديه واقف معه لين يهدي
روحه :5_rateform:
نفس السؤال

[أرجوك!]

احاول اقعد معاه وافهم ليش معصب و اغير من جوه شوي




حسيت انك عاجز بيوم من الايام ؟

[المعتفس]

إيه

نفس السؤال

[خفايآ روح~••]

اي




كلمة أثرت فيك ؟

[لمعة الماسه]

كلمه بس

كلمات

نفسه

[alwafa]

•'












قالتها لمعه مب كلمة وحياتجج كلماتتت اد الدنيا ،
في الي غيرتني في الي گسرتني :60515:



.
.



اوصف شعورك هذي لحظـهه ب اغنيةة ،:bb2:

[المعتفس]

صوت مكنسة كهربائية داخل راسي

نفسه

[مسترٍيَحٍ آلُبآلُ]

صوت اهداف الهلال 4 للحين براسي خخخخخ


نفسسه

[مسترٍيَحٍ آلُبآلُ]

صوت اهداف الهلال 4 للحين براسي خخخخخ


نفسسه

[alwafa]

•'













هههههههههههه يا ذا الاهداف و اربع :c1412331e9:
.
.



روقـان الف ،
و افكر شو اسويي ،




.
.

اذا جتك فرصـهه تعيش مكان غير مكانك الحـالي
وين راح تعيش .؟ و اشمعنى هذا المكان .'؟

[المعتفس]

مافبالي ولا مكان

نفسه

[رُوح]

كوخ في قرية بعيدة
قريب منه يكون في نهر وشلال
وحوالينه أزهار
لأن أحب الهدوء والأماكن القريبة من الطبيعة




أكثر كلمة تقولها إذا عصبت ؟

[المعتفس]

كلام مو زين

نفسه

[رُوح]

ياربييي - استغفر الله بس - شنو هذا




أكثر كلمة تحب تسمعها ؟

[المعتفس]

احب لما اسمع اسم معتفس فكلام الناس
زي نومي معتفس ..حياتي معتفسه وكذا ..افرح واتمنى لهم المزيد

نفسه

[رُوح]

أي كلمة فيها اهتمام حقيقي
خاصة لما يعصبون ويهاوشوني
عشان أهتم بمستقبلي المشرق :d



تخططون ل الشي قبل ما تسوونه ولا بدون تخطيط ؟

[كيان]

ايي احب التخطيط بس بحدود المعقول فيه ناس انهيار ع تفاصيل التفاصيل
احب اجهز بسلاسه اشياء سهله ومرنه واقدر استمتع فيها

نفسسسه :رحيق:

[سافانا]

فيه امور لابد لها من تخطيط ودراسه جدوى

وفيه امور ماتحتاج تعقيد
التنفيذ فوري




سوال / ماذا تعرف عن عقيدة الصدمه ؟؟

[رُوح]

الصدمة تحولك لشخص ثاني ما يشبهك




تدققون في نوع الماي اللي تشربونه
ولا عادي أي شي ؟

[alwafa]

•'







اي ماي احصله اشربه ،
غلط انكم تدققون و تعودون على ماي معين .
باجر اذا م حصلتو راح تتوهقون ،
كل من ربييي
ليش في فرق ماشي فرق عنا الا ماي زمزم ،





،.


ودك تغيرك في شخصيتك ..؟ و ليش .؟

[آلهيمانة]

لاوالله شخصيتي عاجبتني ، لانه
عندي قناعة انه لازم يكون في حدود ف كل شي
سواء ف شخصيتك او اسلوبك ويا البشر بشكل عام ،
ف شخصيتي كذا ف مابي اغيرها ، اموري ف الروب ،


نفس السؤال ؟

[كيان]

.



لا ولله الحَمد :82::82:
اشتغلت على نفسي كثير واخذت دورات كثير
غغير دوراة الحياة المجانيه وتعلمت كثير ووصلت لمرحلة
بـ اتم القناعة عن كل صفه وميزه فيني .

نفسه سؤال حُللو امانةً :رحيق:

[خفايآ روح~••]

فيه بعض الامور ودي أغيرها للأحسن وأحاول ألقى الطريقة الصح :11:
وفِ المقابل فيه صفات كانت بشخصيتي وتغيرت بفعل مواقف وأمور حياتيه
وأعمل على أسترجاعها :11:




موقف أثر فيك رغم بساطته ؟

[لمعة الماسه]

اممممم
كثيره
اهمها البعد يعرفك قد ايش تحب عائلتك
نفسه

[المعتفس]

مااتذكر

نفسه

[أرجوك!]

مايحضرني شي




استعديتو لصيف ولا دخل عليكم فجائه هههه؟!

[المعتفس]

الحمدلله سعيد فيه
ذبحنا البرد ماصدقنا يخف

تحب الشتاء والا الصيف ؟

[أرجوك!]

الشتاء احلى لاني مااحب الاجواء الحاره




احلى شي تحبه في الطبيعه ؟!

[المعتفس]

نجوم الثريا

نفسه

[لمعة الماسه]

البحر ..الانهار..الاوديه

احب صوت المويا❤️

[المهاجر]

وانا احبه
ماهو صوت الحمام
وصوت الماء
وصوت الحصان

[أرجوك!]

صوت الحمام هديل
صوت الماء خرير
صوت الحصان صهيل




ماهو صوت الهواء ؟!

[المعتفس]

حفيف

ماهو لون الماء ؟

[المهاجر]

خرير
صوت الاسد

[المعتفس]

اقول وش لون الماء مو صوته :m1:

زئير


متى ناوي تنام ؟

[طُليْطل]

بعد الفجر .

جملة ترددها مؤخراً؟

[المعتفس]

مافيه شي اردده مؤخرا
نفسه

[كيان]

الحمدلله حمداً كثيرا

عندك طقوس لما اصحى والا كل يوم ع حسب مزاج النومه :ff1 (55):؟

[alwafa]

•'








بلى طقوس بلى حايـهه،
قومي سمي بالله و عقب خلصي امورج :ff1 (75):




.
.


تدري أنت ........ كملو نشوف وش في قلبكم لهم ههههه .؟

[خفايآ روح~••]

تدرين انتِ رحمه لي من ربي :11:


نفسو

[العيوق]

تدري وأدري بنتفرق > ما جا ببالها غير هذي ههههههههه


آخر شيء بحثت عنه في محرك البحث Google !؟

[المعتفس]

كلمة انجليزية

نفسه

[العيوق]

مجتمع غلاك ^_^



مقطع من أغنية تدندنه كثيرا في الآونة الأخيرة !؟

[المعتفس]

مااسمع أغاني

نفسه

[العيوق]

قلبك عامر بالإيمان هههههههههه


هات آيه قرانيه تأتي في ذهنك في الغالب ؟

[المعتفس]

وش صاير في الدنيا
عيوق تشارك في الالعاب وتنكت بعد :m1:
مو قصة ايمان ..بس اكرهها

الآية آيتين متصلة
وإذا قيل لهم لاتفسدوا في الأرض قالوا إنما نحن مصلحون*ألا إنهم هم المفسدون ولكن لايشعرون *
وأسأل الله أن لانكون منهم


كيف اخترت نكك ؟

[العيوق]

آميين اجمعين

بحثت عنه وحبيت معناه


نفسه

[المعتفس]

طرالي صدفه فوقت كنت معتفس فيه وسجلت به

حلل شخصيتك ؟

[العيوق]

الصادقه الأمينه .
> تبي تصدق صدق ماتبي تصدق بكيفك


متى تفضل الوحدة !؟

[رُوح]

إذا حسيت أنه محد فاهمني ومالي خلق أشرح
وإذا كنت أصبر وأستحمل وأسامح وأشوف العكس من الناس



نفسه ؟

[المعتفس]

لما أنفس

عشاكم ؟

[رُوح]

دياي مشوي ويا بطاط


شي ودك تسويه ل نفسك هالفترة ؟

[سافانا]

شي ودك تسويه ل نفسك هالفترة ؟



اروح المدينه المنور
لزياره المسجد النبوي
والسلام على رسول الله صلى عليه وسلم



سوالي

هل الزمان هو الذي تغير
ام الناس هى من تغيرت
نفوسهم
وقناعاتهم
وميولهم
وتصرفاتهم

هل نعيب الزمان ام العيب فينا ؟؟

[المهاجر]

ومادخل الزمان ياسيدتي
بنو البشر هم من تغيير


نفس السؤال

[سافانا]

يقول الشافعي

نعيب زماننا والعيب فينا وما لزماننا عيب سونا
ونهجو ذا الزمان بغير ذنب ولو نطق الزمان لنا هجانا
وليس الذئب. ياكل لحم ذئب
وياكل بعضنا بعض عيانا



والله سبحانه وتعالى يقول
ظهر الفساد في البر والبحر بما كسبت ايدي الناس
ليذيقهم بعض الذي عملو لعلهم يرجعون .


(( لعلهم يرجعون ))

نحن من تغير وتبدل ونسي

فل نرجع إلى الله
بالتوبه
بالدعاء
بالاستغفار
بالقيام

حتى يجعل لنا من هذا الضيق مخرج

وان لم يستجب احد بالعوده إلى الله
فعليك بخاصه نفسك ودع عنك امر العامه



اللهم
إنا نعوذ بنور وجهك الذي أشرقت له الظلمات
وصلح عليه أمر الدنيا والآخرة
من أن ينزل بنا غضبك
أو يحل علينا سخطك
لك العتبى حتى ترضى
فلا حول ولاقوة لنا إلا بك
إرحمنا
وتجاوز عنا
إنا موقنون .





سؤالي


كلمه اصمت
هل معناها اكبت
ام تمهل وفكر ؟؟

[المهاجر]

الصمت هو العلم الأصعب من علم الكلام وأحيانا يكون الصمت أفضل رد علي الكلام الذي يصعب تفكيره. وقالت الحكم القديمة قولا رائعا : أن الصمت أفضل إجابة رائعة لا يتقنها الآخرون. إذا كان الكلام من فضة فالسكوت من ذهب. كثيرا من الناس ندمت علي الكلام كثيرا وأيقنت أن الصمت من ذهب



في مثل يقول المايعرف الصقر يشويه
شسالفة هالمثل

[alwafa]

•'









المثل هذا طول لي بعمرك
عن النٌّاس تحسب صقر حاله من حال اي طير ،
و بالاصح انه غالي و ما غير عن طيور ،
مو حق شوي و غيره

ينقال هالمثل حق الي غير عن النـاس شخص اسبشل ،
يعني ما تعرف قيمـته و كذا مثل صقر
وشكرا
ما عرفت اوضح الصراحـهه ههههههه




.
.
.

اذا صار لك موقف مع شخص ،؟ بسرعه تنسى
ولا تاخذ فتره طويله ....؟

[خفايآ روح~••]

اتناسى الموقف والشخص .




لون تحبه ؟

[سافانا]

ا.




لون تحبه ؟




حبي للألون مثل اجواء جده
كل يوم شكل مختلف
والفتره هذي يجذبني اللون العنابي




سؤالي

ماذا يفعل لك ِالرجل ليؤكد لك ِانه يحبك
وماذا تفعلي انتي للرجل لتؤكدي
حبك له ؟؟


ماذا تفعل لك المرأه لتوكد لك انها تحبك
وماذا تفعل انت للمرأه لتؤكد حبك لها ؟؟

[سعود .]

هي /
أن تتقبلني كما أنا بحقيقتي
وان تبقى معي دوماً مهما كان

أنا/
أتقبلها كما هي
وتؤمن بي كسند لها .

نفسه .

[أميرة الغيم]

صراحه مدري
ماجربت
سؤالي
لو كان والديك امك وابوك يبونك تدخل تخصص ماتواطنه
وانت تبي شي بس هم مصممين
كيف تتصرف؟

[alwafa]

•'









بحـاول اقنعهم و ف النهايـةة ادخل تخصص انا الي اباه
انا الي راح ادرس و راح اتعلم و كذا ،

كل الي اسوي ادور شخص يحاول يفهمهم و يقنعهم معاي ،





العمر مره ......... كملو الجملةةة نشوف وش في بالكم ....؟

[خفايآ روح~••]

العمر مره فلا تترك أيامه تذهب فارغه .



نفسه

[نايف]

العمر مرة والقلوب البيض ماتبغى دليل
والناس إذا طابت نواياها تطيب وفوقها

لو كل من سمى {نبيل} يصير مثل اسمه {نبيل}
سميتها {ليلى} على ليلى وانا معشوقها

كذا كذا يا(حرفة التمويه في نعش القتيل)
يا صاحبي غمض عيونك وادفنه في موقها

وانا تعبت من:{الحجاج السمح والكف البخيل}
ولاعاد عندي حل أعالجها واخيط فتوقها

صحيح أنا ممكن اسويها واسوي المستحيل
لكن رجلي في هوى نفسي ماعاد اسوقها

وشلون ابرر موقفي واجزا جميلك بالجميل
وانا يديني في فم الحيه ورجلي فوقها




منو صاحب القصيده :d

[أرجوك!]

يووه اصعب سؤال ماعندي له اجابه ههههه > ومافيني ادور في قوقل ههههه زوووله ههههه



ريتويت لسؤال نايف ههههه

[خفايآ روح~••]

ضيدان بن قضعان :11::11:
الله عليك نايف




شاعرك المفضل ؟

[أرجوك!]

خالد الفيصل





اخر مانسخت ؟

[نايف]

ناسي والله :d

اخر مره نمت نومه طويله

[أرجوك!]

صراحتن ماذكر





موضه عاجبتك بس صعب تسويها ؟

[نايف]

مافيش صراحه
اللي يعجبني ومقتنع انه مايعارض قيم المجتمع اسويه


لو عرضت عليك تذكرة سفر
وين تتمنى تكون الوجهه

[فراشه]

اتمنى اسافر الى ماليزيا^^
لو خيروك
قهوه بارده او ساخنه؟

[نايف]

ساخنه


اكثر صفه ماتحبها في صديقك

[أرجوك!]

النفاق




اغرب موقف مر عليك ؟

[رُوح]

مرة رحت عيادة كان فيها الدكتور شايب مصري
وواضح عنده خبرة في الحياة وهو يتكلم ويسولف
قال أكيد في ناس بيغاروا منك وبيحسدوك صح
قال انتبهي لا ياخذوك ويرموك في غيابة الجب
وقال لو حد ضربك حتعملي أيه > قلت مدري
قال أضربيهم لا تسكتي
استغربت من كلامه وتحذيره لي
وبس


أسوء شي صار بحياتك ؟

[لمعة الماسه]

وفاة والدي

نفسه

[رُوح]

^ الله يرحمه ويغفر له

أسوء شي ما أقدر أقوله
أما ثاني أسوء شي
وفاة أبوي قدام عيني بعد ما كنا نتكلم بشوي
ووفاة أمي بعد قدام عيني وما قدرت أساعدها
لأني ما كنت أعرف شو أسوي



أحلى شي صار بحياتكم ؟؟

[خآبت ظنوٰني]

رزقت بطفله اصبحت كل حياتي
الله يحفظج لي ي روح ماماتج


نفسه؟

[رُوح]

الله يحفظها ويخليها لج


كثيرة الأشياء الحلوة
بس أحلى شي بعده ما صار



متى تكونون مستعدين تضحون بأي شي ؟

[المعتفس]

عند محاولة المساس بكرامتي

نفسه

[رُوح]

لما الموضوع يخص أشيائي اللي أحبها



أحلى وأقرب نك نيم لشخصيتكم سجلتوا فيه بمنتدى
غير النك نيم الحالي ؟

[لمعة الماسه]

قطرات الحب

نفسه

[رُوح]

" لمعة طيف " كان النك نيم الأقرب لي
بس خلاص طار مع المنتدى لما انحذف
وما سجلت فيه بمكان ثاني
لكن كنت أحبه واخترته بنفسي




شو نمط شخصيتكم ؟
> أقصد النمط حسب اختبار mbti

[لمعة الماسه]

طلعت شخصيتي
الوسيييط


بصراحه تجربه حلوه اشكرك عليها
مره حبيييت اني اكتشف من اكون



نفسه

[المعتفس]

مااعرف

عشاكم

[رآنيا]

جبنة

-

نفسه

[المعتفس]

سلته يمنية وملوح
وصحن فيه جرجير وليمون
وقفلت بببسي هع

اكثر شي يعجبك فنفسك ؟

[رآنيا]

كل شي :528:

-

نفسه

[المعتفس]

مااحس فيه شي يعجبني بس احبني


من اخر وحد زعلك ؟

[رآنيا]

الاختبار :ff1 (215):

-

اخر شخص كلمته

[المعتفس]

كاشير المطعم

نفسه

[رآنيا]

غلو

-

فبالك مشروع ودك تسويه

[المعتفس]

لا

ممكن تنظلم وتسكت ؟

[كيان]

لا طبعاً


نفسه

[رُوح]

مرات أسكت بس الله ياخذ حقي
حتى لو ما سويت شي


نفسه ؟

[المعتفس]

لا

تشخر وانت نايم ؟

[رُوح]

مدري لأني أكون نايمة
بس مرات لما أكون نايمة وأنا تعبانة
أختي تقولي أسمع صوت أنين وتصحيني


نفسه ؟

[المعتفس]

لا مااشخر


تاكل الرز بيدك والا بملعقه ؟

[رُوح]

أكثر شي بالشوكة
ومرات بيدي إذا مع ناس ياكلون بيدهم


نفسه ؟

[المعتفس]

كيف تاكلين الرز بالشوكه ؟^

[رُوح]

عادي يستوي آكله بالشوكة
ليش أحسك مستغرب ؟ :ff1 (71):



تحبون الكيك ؟

[المهاجر]

نحب الكيك نعم لكن احيانا

نحب البسبوسه اكثرر
تحبون النوم المبكر

[ندى الصباح]

نعم بس هو فين

ما هي الدولة اللي لا يمكن تسافر لها ابدا ؟؟

[مسترٍيَحٍ آلُبآلُ]

هاييتي


اكثر حيوان اليف تحبه

[رُوح]

ما جربت إلا القطط وأسماك الزينة وحبيتهم
أول ما كنت أقرب من القطط أخاف يعوروني بأظافرهم
بس لما شفتهم لطيفين وينشبون فيني تقبلتهم عادي



نفسه ؟

[نايف]

الببغاء

مرحله دراسيه كانت الاجمل بحياتك

[رُوح]

الإعدادية والثانوية



مادة تكرهونها ؟

[نايف]

النحو والصرف :ff1 (142):

ماده تحبها

[كيان]

الادب



حاجه اذا سويتها تغير مزاجك للآحسن

[نايف]

اذا شربت بلاك كوفي احس امخمخ

نفسه

[المعتفس]

اذا تسوقت فمحلات الرياضة

وش تغديت

[رُوح]

تبولة وبطاطا حرة




لونكم المفضل ؟

[الجوهرة]

الاسود


شيء مستحيل تستغني عنه :ff1 (43):

[لمعة الماسه]

مافيه شي مستحيل استغنى عنه
كل شي في الدنيا قابل للاستغناء

الا ديني وتوحيدي
اسأل الله ان يثبت قلبي على توحيده

نفسه

[alwafa]

•'










عادي كل شي استغنى عنــهه ،




.
.



مثل تحب تردده كثير .؟!

[رُوح]

ليس كل ما يلمع ذهباً


تتواصلون مع الطبيعة كل فترة ؟
يعني مثلاً تمشون على الشاطئ أو في حديقة ولا ؟

[خآبت ظنوٰني]

هي

نفسه

[شذى الهلالية]

ايوه امشي كثير بالحديقه


المدينه الاقرب لقلبك؟

[نايف]

الرياض


نفسه

[الجوهرة]

اكيد معشوقتي الرياض :11:



نفسه :ff1 (83):

[alwafa]

•'











راس الخيمـةةة ،







شي ودك تسوي هالحظـهه ،؟

[المعتفس]

انام

بكره عندي تدريب قاسي ولازم اشبع نوم


نفسه

[رآنيا]

ارقد غلو بالقوة :354:

-

تخطيطك لبكرة

~

[المعتفس]

شغلانه اكتب تخطيطي
بس الزبدة نادي وبعدين تماشي

نفسه

[رآنيا]

مدرسة - روضة - تحفيظ - اختبار - نوم

:confues_1:

شي شاغل تفكيرك

~

[المعتفس]

عجبتني لعبة الإكيدو يارانيا
باضيفها للألعاب اللي أمارسها
والله حلوة وتصلح للحريم خاصه لأن مايلزمها بدن قوي
وتعتمد على كيف تستغل قوة خصمك وطاقته وتحولها لنقطة ضعف فيه
بكره أول يوم لي فيها ..ومتحمس لها مره
وشاغله تفكيري الحين

تسجلين معي ؟

[رآنيا]

اول مرة اسمع فيها ورحت ابحث عنها
ما اظن فيه للحريم صح ؟
اذا التايكوندو رغم انها منتشرة قاعدة ادور على مركز مناسب مالقيت
كلها مجرد اعلانات واذا رحت تسأل قالو متوقفين

-

ودي اسجل :ff1 (65):

-

ايش هي الرياضة اللي ممكن تمارسها في البيت بدون متابعة وتصحيح من المدرب ؟

~

[المعتفس]

المدرب لازم بنسبة كبيرة في الرياضات القتالية
بس إذا مافيه تعلمي الحركات من النت وحاولي تطبقين على عيالك وزوجك وخواتك بدون تئذيهم

بس فيه انديه فمكه
واذا فلوسك واجد تقدرين تجيبيهم البيت


اخر كتاب قرأته ؟

[رُوح]

كتاب حالات نادرة 5
فيه قصص باقيلي قصة وحدة وأخلصه



نفسه ؟

[المعتفس]

ماقرأت شي

وش تعشيت ؟

[رُوح]

نسيت أتعشى توني أتذكر من سؤالك


متى تنامون ؟

[المعتفس]

اباطلع اكل زعتر واحط راسي بعدها

تصبحون على خير

واخلي السؤال للي بعدي

[لمعة الماسه]

وقت النوم مافيه وقت محدد
متى جاني النوم نمت

نفسه

[المعتفس]

نفس جوابك لمعه

شي ماتستغني عنه فيومك غير الجوال ؟

[رآنيا]

اشياء كثيرة

نفسه

[رُوح]

المكيف


شي يسبب لك قلق وتوتر ؟

[سافانا]

ا شي يسبب لك قلق وتوتر ؟


شي يسبب ليا قلق وتوتر

في لحظه ضعف تمر بعض الافكار
هذي الافكار تسبب ليا توتر لحظي
وهذا طبع بشري لايمكن القضاء عليه
انما يمكنني ضبطه ومنع تمادي هذا الشعور
هذي حدود قدراتي كبشر
اذا فكرت بالرحيل عن عائلتي الصغيره وهذا امر وارد
القبور ليست للكبار فقط او المرضى
القبور يسكنها الجميع بدون اسباب او مقدمات
هذا الشعور يقتلني للحظات
ولكن
ايماني بالله كفيل بأن يعيد الامور لوضعها الطبيعي





سؤالي

لاتليق مشاعر الحب إلا بالنساء
هل هذا منطق صحيح ؟؟

[لمعة الماسه]

طبعا لا
وبعدين وينك عن قصص العرب مثل مجنون ليلى
وفيه قصص حب كثيره بعيده عن عشق المرأه للرجل والعكس
حب الاب لاولاده
حب الرجل لامه وبنته واخته
حب الرجل لصديقه
كلها تشمل كلمة الحب
واذا قلنا الرجل مايحب يعني مافيه احساس
بالعكس يكون رجل حساس وحنون اكثر بدرجات من امراءه
وهذا من الواقع نعيشه

يمكن انتي تقصدي ان المراءه اكثر رقه وحنيه
الاغلب على المراءه كذا وهذي طبيعه خلقها الله ليهيأها ان تكون ام وتصبر على تربية ابنائها وتحن عليهم

يارب وصلت فكرتي بالوجه السليم

ونقووووول نفسه

[المعتفس]

غير صحيح
لأن مشاعر الحب تليق حتى بالحيوانات
وشفنا من حب الحيوانات اللي يفوق حب البشر من ذكر وأنثى
الشاهد .. الحب والوفاء والإخلاص مهي حصر على جنس ولا خلق


أكثر شي يستفزك ؟

[رُوح]

كلمة " وش عرفك "
يعني الناس اللي عبالهم هم اللي يعرفون كل شي وغيرهم لا
المشكلة أكون صح بس مستهينين فيني


نفسه ؟

[المعتفس]

يستفزني اللي يقراله كم كتاب ويجلس يتفلسف علينا
مسوي انه ختم الدنيا وفهمها خلاص وحكيم زمانه
وهو الوحيد اللي يعرف كل شي




غداكم

[رُوح]

هذا اللي أقصده
لأن أنا أقرأ بس ما أحس أني أعرف كل شي
وأحس أني لازم أتعلم أكثر
لكن لما أكون متأكدة وواثقة من شي يستفزني اللي يقول وش عرفك


رز صيني بالدجاج
> بس ما حبيته



برنامج تابعتوه وعجبكم ؟

[المعتفس]

ماتابع برامج

نفسه

[رُوح]

برنامج لحظة حلوو
بس ما تابعت كل الحلقات



تحبون الطلعات ولا ؟

[لمعة الماسه]

ومن مايحب الطلعات
تغيري نفسيتك والروتين وجو البيت الكئيب

نفسه

[المعتفس]

احب الطلعات للسوق بس شرط معي فلوس واشتري
ماحب اتفرج بدون فلوس :m1:


اكثر شي تحس بمتعتك فيه ؟

[رُوح]

التأمل
خاصة لما أكون ملصقة راسي ف شباك السيارة أو الطيارة
ويكون الطريق طويل والمناظر حلوة


نفسه ؟

[المعتفس]

التمارين الرياضية العنيفة

أكثر شي تلاقي نفسك فيه ؟