أسال سؤال للعضو اللي بعدك !

[متأمل]

ايوا الفوضوي المبدع :72:

مدري احسني مثل انشتاين فوضوي لكن مبدع :ff1 (30):

ادري ما راح تصدقون بس انا كذا :d


المهم

اذا هجرت انسان هل يهزك الحنين اليه ؟

[رُوح]

إذا كان إنسان مهم طبعاً بس ما أبين أبداً
بس أكون مهتمة من بعيد ومو ناسية وأركز بكل شي
حتى التفاصيل الدقيقة



نفسه ..؟

[متأمل]

طبعاً يهزني وبقوة
اذا كان يستحق
اما اذا ما كان يستحق فما همني لو يموت :d


وش ودك الان ؟ >>> باين عندي شي ههههههه

[رُوح]

أضرب ناس على راسهم :d


نفسه ..؟

[متأمل]

بالضبط نفسك :ff1 (50):

[العيوق]

انام نومة اهل الكهف


عدلت نومك ؟

[الجوهرة]

لا :74:



برضو اليوم مواصل

[خآبت ظنوٰني]

يتعدل و يرد يخترب
و الحياه مستمره هههههه
الله يعين :058e8b09:


نفسه

[رُوح]

إن شاء الله ناوية أعدل نومي اليوم وما أسهر



كيف تعرف إذا الشخص يحبك صدق ولا يكذب ..؟

[alwafa]

•'











ب أفعالـهه و تصرفـاتهه ،
و اهتمامـهه ،
كلامه قد افعاله بضبط ،
اشيـاء كثير ،
لازم تمر فترة طويلةة ،
مع الايام كل شي يبين سواء صدق و لا كذا .





.
.



تحس نفسك تغيرت بعد رمضان ....؟!

[المعتفس]

لا

نفسه

[خآبت ظنوٰني]

صراحه هي كان رمضان حلو و خفيف عليه
وحسيت في شي تغير فيني

نفسه

[سافانا]

اقدر اقول
حسيت بعض الارتياح
رغم كل شئ
لاني مقتنعه ان
الحياه رائعه
وفيها اشياء جميييلة
تستحق ان نعيش من اجلهااا .



❤

سؤالي

ماهو السبب الذي يجعل البعض يمل الحياه
هل
بسبب الاخفاقات
ام
هناك اسباب اخرى ؟

[رآنيا]

بالتاكيد تختلف الاسباب من شخص لاخر

كيف تتحكم بانفعالاتك

~

[رُوح]

من تجربة
حسن الظن يساعد على التحكم في الانفعالات
لأن بمجرد ما أسيء الظن راح أغضب وانفعل
حتى لو الناس متعمدين يغلطون أقول يمكن على نياتهم وما يقصدون
أو يمكن خانهم التعبير وهكذا
أهم شي أحسن الظن وما علي منهم ومن نيتهم

وأحب أمشي على هالكلام
‏«عندما تنظر إلى الإساءة على أنها سلوك يمثل صاحبه
وليست تقليلا من شخصك فإن جزءا كبيرًا من ردة فعلك سيختلف!»




نفسه ..؟

[رآنيا]

جميلة اجابتك جدا
ومنكم نتعلم

-

شيء تفعله لكسر الروتين

~

[متأمل]

ما في شي غير الفعل
يعني قم بعمل غير الذي انت عليه
غير طريقة تفكيرك
غير نظرتك للاشياء
المهم انشغل بغير ما كنت عليه


نفسه


ِ

[رآنيا]

ارتب البيت من اول وجديد حتى تجيني افكار تكسر الروتين :ff1 (69):

-

اولوياتك في الحياة

~

[متأمل]

طاعة الله قبل كل شي
ثم طاعة امي
ثم الاشياء الاساسية الحياتية


برأيك لماذا الهم والقلق لا يزور الجاهل او الغبي ؟

[رآنيا]

لانه لا يفكر

-

نفسه

[رُوح]

لأنه ما يدقق ولا يهتم بالتفاصيل




كلمة تقولها لصديقك أو شخصك المفضل ..؟

[alwafa]

•'









عساك/ ي ما انحرم منكم للأبد ،
دمتو ليي لأخر نفس ،



نفسو .؟

[خآبت ظنوٰني]

ربي يحفظكم يالغوالي :ff1 (57):




نفسه :84:

[رُوح]

تعجز الكلمات عن التعبير :d

والله جد ما أعرف أعبر للناس المهمين عندي =)




أكثر شي ممكن يفرحكم ..؟

[متأمل]

ً
ً
الحمد لله شخصياً اسعد نفسي بنفسي
ولكن هناك اشياء تفرح دون اي مقدمات
مثل الجلوس مع امي حبيبة قلبي وروحي
وهنا اشعر بقمة السعادة وانا معها والله


نفسه


ِ

[رُوح]

البرد والمطر ومنظر حلو
وريحة عطر حلوة تفتح النفس
وكوب قهوة دافي ورواية حلوة





طبع غريب فيكم ..؟

[متأمل]

ما اعرف صراحة
بس اظن زيادة تفكيري


موقف حدث امامك لن تنساه ‏..!

[رُوح]

كثير بس أصعب موقف
لما أمي الله يرحمها توفت قدام عيني
وقبلها نادت اسمي بس ما قدرت أسوي شي
الحين لو أسمع صوت أحد ينادي على طول أفز
وأتخيل يمكن حد مات



نفسه ..؟

[متأمل]

موت ابوي :ff1 (162):


سؤال فلسفي :)

يقول أفلاطون: "إذا تجاهلك شخص فهو يطلب منك مغادرة حياته"
ويقول شكسبير: "إذا تجاهلك شخص فاعلم أنك الأهم لديه"
ما هي المقولة الأصح من وجهة نظرك؟

[رُوح]

الله يرحمه ويغفرله ويسكنه فسيح جناته



والله أنا الاثنين
أتجاهل اللي ما أحبهم
وممكن أتجاهل المهمين
خاصة إذا مدري إذا كنت مهمة عندهم ولا
لأن ما أحب أفرض نفسي على حد


نفسه ..؟

[متأمل]

ذي اجابات دوبلوماسيه:d

بس ماشي

على حسب الشخص وعلاقتك فيه
وانت راح تعرف هل تجاهله يعني ابتعد
او انه بالفعل بانك عنده الاهم ‏..

هل ممكن ان تضحي لاجل صديقك ؟

[رُوح]

على حسب قوة الصداقة
إذا كانت صداقة قوية أكيد بضحي من نفسي بدون تفكير
يعني بيكون شي تلقائي ومشاعري اللي بتتحكم



نفسه ..؟

[alwafa]

•'







طبعـا ،
اصدقـائي روحيي فدا لهم مب بس اضحيي ،
هم اغلى ما املك بعد هلي ،



.
.

نقول نفسـهه ..؟

[رُوح]

جاوبت


شو الأكلات الحلوة اللي عندكم
وتنصحوني أجربها ؟ > أحب أعرف ذوق الناس :d

[ALFdRaLY ~#]

تبون الصدق احب اكل و اصيد الضبان :591:

[خفايآ روح~••]

مفروكه بالتمر لذيذة :11:


مشروبك المفضل ؟

[آلنـور]

عصير رمان ,



رؤيتك للحياة ؟

[ALFdRaLY ~#]

لا تتبسم لها ترا بتلعنك :d

[رُوح]

الحياة مثل المسرحية
ما تعرف أي دور راح تمثل
ممكن تمثل بعض الأدوار غصباً عنك
أهم شي عيش الدور صح واستمتع فيه
حتى لو كان مو حلو لأن اللي يبي الحلو لازم يذوق المر
ودايما اختار أنك تكون الشخص اللي يحب الخير لغيره
حتى مع الأشرار ولا تأذي حد و بنفس الوقت
لا تكون مسكين وضعيف عشان ف النهاية تفوز



نفس السؤال ؟ > عجبني

[متأمل]

وش السؤال ؟

[رُوح]

السؤال في رد النور

هذا

" رؤيتك للحياة ؟ "

[متأمل]

ً
ً
بانها لا تستحق منا اي اهتمام
كونها متقلبة ومتلونة ولا تثبت
وعلينا التكيف معها ومع ظروفها
وعدم الاطمئنان لها مهما كان
فهي اذا حلت اوحلت
واذا كست اوكست‏..




ما الذي تفتخر به ؟

[رُوح]

عنادي
وأني ما أحب أعيش على كيف الناس


نفسه ..؟

[sωєєτ ɢɪяℓ]

ذاتي

كم وزنك:9117:

[على مزاجي]

59


تفســــه

[خفايآ روح~••]

51





كيف تواجه مخاوفك ؟

[alwafa]

•'









ابدء فيها تدريجـا اقنعا نفسي ب الاول بعدين نخطي خطوه الي بعدها ،
بعدين نبدا بالشي الي نخاف منـهه نقوي نفسنا عليهه ، لين نتغلب الشي
ما في شي اسمه خلاص طلعت الخوف مني في يوم و ليله ،



نفسو .؟
ا

[ALFdRaLY ~#]

اسمي بالله و ادرعم :1112:


قد تعرضت للتنمر ؟

[sωєєτ ɢɪяℓ]

:pucca07:

[alwafa]

•'







:568:
لا ، والله ،
محد يسلم من لسـاني ما اعطى حد مجال ،





موقف اثر فيك و انت صغير للحين ما نسيته ..؟

[جمر]

حادث أخوي الله يشفيه


أكتر مايجذبك العيون او الابتسامة ؟

[خفايآ روح~••]

الابتسامة :11:



نفسه

[متأمل]

بالفعل الابتسامة

بعد نفسه :)

[alwafa]

•'








الابتسـامةة طبعـا ، تغير مود الي جدامـهه
و تفتح نفسـهه ،



الحيـاه عبٌارة عن ......... اكتبوو الي في خاطركم كملو الجملة .!

[متأمل]

الحياة عبارة عن تجارب وتوارث حكم من الاولين
لذلك ليس هناك جديد
كل الامر ان نعي ونستفيق وننتبه لانفسنا
وكذلك علينا الا نثق في الدنيا
لانها متقلبة ولا تبقى حال واحد
وعلينا الحذر والتهيؤ لاي طارئ


نفسه

[رُوح]

لحظة ما جاوبت
أنا أختار العيون المبتسمة :d



الحياة عبارة عن ممر


نفسه ..؟

[متأمل]

طيب بما اني بعدك وجاوبت قبل


ما ذوقك الخاص في الملابس بغض النظر عن الموضة؟

[رُوح]

ما أتبع الموضة أصلاً

وفالملابس
ما أحب المكشوف والعاري والقصير وكذا
ما أحسها تناسب شخصيتي أبداً وما تعودت عليها



نفسه ..؟

[alwafa]

•'











ما امشي على الموضه گثثير ،
امشيى على مزاجيي و شي الي يعيبنـي اخذه ،
احب اجرب كل شيي ، :ff1 (83): ،




.
.



شو الشي الي ما تحب حد يدخل فيه ..؟

[رُوح]

خصوصياتي يعني الأشياء اللي ما تكلمت عنها
و ذوقي واختياراتي
وشؤوني القلبية مثلاً مين أحب ومين أكره



نفس السؤال ..؟!

[alwafa]

•'









خصوصياتي بذات خط احمر ،
شي ما تكلمت عنه ، محد له خص يتكلم عنه ،و لا حتى يلمحون فيه ،
ذوقيي و اسلوبي و تفكيري ،
كل شي اصلا محد له دخل فيه وشكرا هههههه






كيف تتعامل مع شخص تمادى معاك ..؟

[رُوح]

أحط حدود وحواجز وأتجاهله عشان ما يتمادى



كيف تفرق بين الإعجاب والحب ..؟

[alwafa]

•'








الاعجـاب ، فتره معينــهه ،
من اول خلاف سحب و راحح ، و ميوله لشي الي انعجب فيه لا اكثر ،
عادي بعد كم يوم يغير رايـهه ،



الحُب ، تحس الشخص متمسك في طرف الثاني رغم اختلاف كل شي ،
و يكون في اهتمـام ، خوف على مشاعر ، سوال عن حـاله ،
امور كثيرة ،


و صح مثل ما يعطون مثلا الورده ،
المعجب بتشوفينـهه يجلع الورده بعكس الحُب راح يسقي الورده ،
و هذا الشي واقع ،


نقول نفســهه ، ؟

[رُوح]

صح كلامج 👍🏻👍🏻


وبعد الإعجاب لما يشوف الشخص ملاك ويرفض يشوفه على حقيقته
ما يشوفه بشر ولا يشوف سلبياته
ولما يشوف سلبياته على طول يكرهه ويتركه ما يقدر يستحمله

عكس الحب
يشوف السلبيات والإيجابيات ومع هذا يكون متمسك
ويصبر ويستحمل وما يعرف ليش ! ويضحي ويتنازل
وممكن يكون له دور في تغير الشخص اللي يحبه ويأثر عليه ويتأثر فيه
ويتغيرون للأحسن مع بعض
وبعد ما يطالع غيره حتى لو يكون في شخص أجمل وأفضل منه

وبس




لما تزعل من شخص مقرب منك .. شو تسوي ..؟

[alwafa]

•'






بعد صح ،:62:



زعلي شيين انـا ،
ف احاول قد ما اقدر اتجٌـاهل و ما ازعل ،

اكثر شي اسوي اسحب و اختفي ،
لين هو يكلمني ،
عسب يحس بغلطتــهه ،
و على فكره هني اعرف غلاتـي عنده ،
لان الي يعرفني يعرف ما ازعل بسرعه و زعلي اكيد في سبب وراه ،



.
.


حبيت اسـالتج و نقول نفسـهه ،؟

[رُوح]

إذا الزعل من شي عادي
أتجاهل شوي وبعدين أرضى من نفسي وما أكبر الموضوع

بس إذا الزعل من شي قوي وكبير
أزعل وأتجاهل وأشوفهم بيهتمون وبيتغيرون ولا ؟
إذا شفتهم تغيروا أسامحهم وأرجع أكلمهم عادي
بس إذا ما تغيروا خلاص أبعد عنهم وأتجاهل بقوة أو أخلي علاقتي فيهم رسمية
ممكن أسلم عليهم فقط لكن بدون اهتمام ولا أسولف ولا أضحك ولا أبتسم لهم



أكثر هدية ممكن تفرحك ..؟

[alwafa]

•'






اي شي يوصلني على هيئــةة هديــةة ،
يسعدنـي حتى لو ورقـهه '
مشاعر الي توصلني من طرف الثاني هذي هديـهه تفرحتـي '



.
.
.


اخر هديـةة وصلتك عباره عن شو و من منو ...،؟

[رُوح]

آخر هدية كانت كيس فيه عطور وبخور من مرت أخوي ف يوم العيد



نفسه ..؟

[alwafa]

•'










اخر هديـهه كانت خمسيـةة درهم ،
من ناس غالين ،


.
.
.

متى تبتسم ..!

[ندى الصباح]

دائما وابدا و في كل وقت وحين ..
تؤمن بامكانية الحياة في المريخ ؟؟

[alwafa]

•'








ايــهه في إي مگـان مب بس المريــخ ،


.
.


ممكـان ترتاح له گثير ....؟

[الجوهرة]

غرفتي :d



شخص ترتاح له خارج المنتدى ؟

[رُوح]

ولا حد




شي يسعدك ..؟

[متأمل]

ً
ً
النت اذا صار تمام :d
جد ذابحني اليوم :bb13:

نفسه

[رُوح]

إذا نمت زين وإذا عندي فلوس ما تخلص
غير هذا كله كلام فاضي :ff1 (171):




شي تتمنونه هالفترة ..؟

[ALFdRaLY ~#]

يطلع موتري من الورشه :(


نفسةة..؟

[جمر]

تخف السخونه و التعب اللي صاير فينا



تعدل نومكم او لسه ملخبط ؟

[خآبت ظنوٰني]

الحمدلله تعدل

نفسه؟

[YONA]

-



جداً ملخبط ..

تحب تتعلم لغات ؟ . .

[رُوح]

يس أحب أتعلم لغات 👍🏻


مين الشخص اللي ممكن تسمعه وتاخذ برايه
وتحس أنه جدير بالثقة أكثر من غيره
اللي يكون هادئ أغلب الوقت
ولا اللي يكون منفعل أغلب الوقت ؟

[متأمل]

مافي شخص معين حقيقة
لان لكل مشكلة انسان يحسن استشارته
هذا بالنسبة لي


نفسه

[رُوح]

الشخص الهادئ أكثر شي
لأن يقولي رايه بدون ما يعصب



أول شي تسويه لما تواجه مشكلة ..؟

[متأمل]

اول شي اقول انا لله وانا اليه راجعون
اللهم أجرني في مصيبتي واخلف لي خيراً منها
ثم اتريث ولا اتخذ اي قرار الا بعد التريث والتفكير


لو ملكت العالم لمدة يوم
ماهو اول قرار سوف تصدره ؟

[رُوح]

أوقف الحروب وأحاول أحل المشاكل بسلام كثر ما أقدر
بدون عنف ولا حروب


نفسه ..؟

[متأمل]

الغي الامم المتحدة :ff1 (228):

هل صادفت موقف جعلك في حيرة ؟

[رُوح]

نعم


نفسه ..؟

[الجوهرة]

يب كثير


وش موقفك من الشخص المستهتر ؟

[دائمًا عَزيز .]

يب كثير


وش موقفك من الشخص المستهتر ؟

التجاهل ، وإذا كان في إطار العمل ، يكتب له مهام تتنفذ ، لأن الشخص المستهتر يجيد خلق الأعذار .
- نفسه ؟

[رُوح]

ما أتعامل معاه إذا شخص غريب
أما إذا قريب عادي أتقبله كشخص وعسل على قلبي حتى لو مستهتر
بس طبعاً بهاوشه عشان أخاف عليه من الاستهتار






إذا قالو لك اكتب رواية
عن شنو بتكون ..؟

[متأمل]

عن الحب :bb35:

نفسه

[الجوهرة]

عن الكفاح :ff1 (31):


اول شي تسويه اذا صحيت من النوم

[آلنـور]

امسك جوالي
:199:


نفسه ؟

[خآبت ظنوٰني]

أمسك فوني :ff1 (55):
نفسسسسه

[alwafa]

•'








اشوف السـاعةة كم ههههه ، و عقب افتر في سناب
و التويتر ،:bb39:




.
.

شو روتينك اليومي ...؟

[خآبت ظنوٰني]

ماشي و الله
يالبيت نفس الروتين
او اطلع احوووووط :129:

نفسه:708:

[متأمل]

نوم اكل لعب سهر صلاة :199:

[متأمل]

السؤال :
وش اكثر شي يشدك في الشخص ؟

[رُوح]

الاحساس القوي والحدس الخارق للطبيعة



نفسه ..؟

[المعتفس]

يشدني اللي يستحون
أحبهم وأثق فيهم حتى لو ما أعرفهم


تحسك وحيد والا العكس؟

[رُوح]

تقريباً
حولي ناس بس أحس كأن في بيني وبينهم مسافة كبيرة
كأني في عالم وهم في عالم ثاني حتى وأنا معاهم بنفس المكان






تتصرف عكس شعورك ..؟

[المعتفس]

على حسب ويش الشعور
من مصلحة كبريائي أظهره؟ أو أخفيه؟

نفسه

[على مزاجي]

لا

اتصرف حسب الحاله اللي قدامي

س // رايك بالدراسه عن بعد

[رُوح]

سيئة جداً
ما ينتبهون صح ولا يفهمون وملل
وإما ينامون أو يلعبون بالفون





تعرف تتعامل مع شخص عنده توحد ؟ وتفهمه صح ..؟

[على مزاجي]

الحقيقه لا

يستمر :ff1 (202):

[الجوهرة]

سيئة جداً
ما ينتبهون صح ولا يفهمون وملل
وإما ينامون أو يلعبون بالفون





تعرف تتعامل مع شخص عنده توحد ؟ وتفهمه صح ..؟


ايوه اعرف
عندي 14 حاله فيها توحد والحمدلله اعرف اتعامل مع كل شخص فيهم


وش تعرف عن العلاج النفسي ؟

[رُوح]

ما أعرف الكثير عن العلاج
معلوماتي بسيطة و من القراءة والملاحظة فقط
بس أحب أثقف نفسي وأقرأ عشان أفهم
ما أحب أسيء فهم مثل هالناس أخاف أظلمهم بسوء فهمي
أو أضايقهم





شي يعجبك ..؟

[خفايآ روح~••]

الرحمة .



علاج للصداع غير المسكنات ؟

[رُوح]

مكمل المغنيسيوم يفيد
بس يمكن ما يفيد كل أنواع الصداع

هذا الكلام من قوقل
أكدت الدراسات أن إعطاء المغنيسيوم عن طريق الوريد يمكن أن يساعد في تقليل نوبات الصداع النصفي الحادة،
وأن تناول المغنيسيوم عن طريق الفم يمكن أن يقلل من وتيرة وشدة الصداع النصفي.



نفسه ..؟ > نشوف رايكم

[على مزاجي]

المعنيسيوم يوصف لحالات الام العضلات ونغزات الاعصاب
ولبعض الحالاات النفسيه خاصه للي ماينامون زين الا النور شغال
واحلامهم كثيره وتفكيرهم يوديهم ويجيبهم
لانه يكون عندهم نقص هالفيتامين فتتولد لهم الوساوس ..... الخ

<< شكلي خرجت عن الموضوع بس مايمنع للافاده


س؟ سؤال للاذكياء
لو امس بكرا وش يصير اليوم :8_rateform:

[ندى الصباح]

بعد بكرا :84:
يكرر عشان حاسة اجابتي غلط :84:

[على مزاجي]

طيب قولي اليوم:60505:

وبعدين الجواب يختلف بحسب اليوم اللي ينقال فيه
اللغز

الحين دخلنا على الخميس :study:

[رآنيا]

اش السؤال !

~

[YONA]

-



وإنتي شُنو سؤالج ؟ :d ..

عندك خطة حق العطلة الكبيرة ؟

[الجوهرة]

في البدايه احتاج راحه :ff1 (111):


نفسه

[خفايآ روح~••]

^


نفس ام الجوج احتاج راحة كبيرة
واصفي ذهني ناحية امور معينه

وناويه باذن الله ادخل دورات ببالي
وناويه احاول اخلص امور معينه لفكره ببالي



نفسه

[المعتفس]

مااحب أخطط لشي
أحب أعيش الحياة بعشوائية


وش تعشيتوا؟

[YONA]

-



ما أتعشى آنا . .

دش عندكم الصيف ؟ . .

[متأمل]

ً
ً


داخل بالعرض :566:



هل تظاهر الشخص بالقوه واللامبالاه
رغم انهياره النفسي
هو السبب في تفاقم الامر ؟
ام ان ما يفعله صائب !


ِ

[رُوح]

أنا ضد أن الشخص يتظاهر بالقوة
أحسن يتكلم ويطلع مشاعره إذا يقدر ويعبر
لأن لو يكتم كأنه يسمم نفسه
وراح يصير ضعيف وحتى مناعته بتضعف



نفسه ..؟

[متأمل]

يعتمد على شخصية الانسان
اذا كان انسان قوي في شخصيته
وفي تقبله لاي تقلبات
راح يسكت ويواصل عطائه
واذا كان انسان ضعيف وحساس
فمن المفترض الا يتظاهر باللامبالاة
ويشوف احد يثق فيه يساعده



تحب القراءة او تحب الاستماع ؟

[رُوح]

الاستماع أكثر




تحب الاستماع ولا التحدث أكثر ..؟

[متأمل]

الصراحة عندي ميزان
يعني استمع وقت الاسترسال من الطرف الاخر
ثم اقوم بالتحدث


وش تمثل لك القصص ؟

[رُوح]

تعجبني وأحب أسلوب القصص في توصيل المعلومة
ولما كنت صغيرة كان ودي تكون عندي جدة
وتحكيلي قصص فيها حكم وعبر ودروس
أحس القصص تختصر الكثير



نفسه ..؟

[متأمل]

^

وش نفسه :58:

اسألي وبلاش حركات :d

[رُوح]

إذا قالوا لك أقتل شخص بس ما تدخل السجن لو قتلته
كيف بتقتله ..؟ :356: > سؤال يحتاج ذكاء

[متأمل]

والله ما ادري صراحه لان مو تخصصي القتل :ff1 (24):

اقدر اقول نفسه عشان اشوف وش الحل :48:

[رُوح]

بقتل شخص في ألعاب الفيديو مثل البلايستيشن
وما راح أدخل السجن
> أنا ما قلت شخص حقيقي :d



ولا مرة قتلت أي كائن ولا حتى حشرة ..؟

[مغترب]

قتلت ..




أكثر مادة كنت تحبها بالمدرسة ؟ وليش ؟

[متأمل]

امممم كلهن >> واحد بكاش :d

بس كنت احب الادب والجغرافيا والتاريخ والفيزياء
اظن جبت كل المواد :ff1 (83):

نفسه

[رُوح]

الأحياء والكيمياء والفيزياء
لما نروح نسوي تجارب في المختبر فقط
والتربية الفنية مع التربية الأسرية


بعد .. نفسه ..؟

[متأمل]

خلاص قلت
قايل لك مافي غيرنا :d

جيبي سؤال يديد :405:

[alwafa]

•'









ريـاضيـات ،
كـان عشقي والله ، احب الاشيـاء الي افكر فيها و اعصر مخي و جي
حركات جذر كسور و:1590:



.
.



يوم تزعل من شخص كيف تكون معاملتك معاه ...!

[رُوح]

لو قريب ومن أهلي أعاتبه
لو غريب ما أشوفه ولا يهمني




رايك بالمتشدقين بالكلام والمتكبرين وكذا ..؟

[متأمل]

ناس مساكين
وعندهم عقدة نقص
عشان كذا مالهم عندي اي اهمية


لو راح تألف كتاب وش بيكون عنوانه ؟

[رُوح]

إن شاء الله لو صار وألفت كتاب
بيكون عنوانه " الطريق إلى النور "



لو ألفت رواية شو بيكون عنوانها ..؟

[متأمل]

سحابة الورد
او ملحمة التوت

اجمل نص ادبي مر عليك ؟

[رُوح]

حلو العنوان بس عن شنو بتتكلم ..؟


ما أقدر أكتب شي محدد
بس أي شي قريب من شعوري يعجبني
وأشوفه جميل حتى لو كان بأسلوب بسيط



نفسه ..؟ > عجبني السؤال

[متأمل]

الكتاب واضح من عنوانه :)
عن التوت وبس ما اقدر اكمل :d


انا قاعد اقول اجمل نص ادبي مر عليك يا ام قرون :ff1 (37):
يعني انقلي لنا شي مما اعجبك :54:

[رُوح]

مافي أجمل شي
لأن كل شي جميل بوقته

و مافي ف بالي شي الحين إذا تذكرت بكتب

أنت جاوب

[متأمل]

وكانت رحمها تحشر الاوادم بزاوية ضيقة :1044:

[رُوح]

كيف يعني ما فهمتها !


اكتب لنا بيت شعر يعجبك

[متأمل]

كيف ؟ ما فهمت :542:

[رُوح]

عدلت ردي
أكتب بيت شعر يعجبك

[متأمل]

اي كذا افهم عليك

" أحسب الحب حبٍ قد مضى لـي
وأثر مافات من حبَّـي تسلَّـي
إليـن الله رمانـي فـي طريقـه
وذقت الحب صدق وطحت كلَّي "

نفسه

[رُوح]

وأُخفِي عنكَ شيئًا ليسَ يُحكى
‏فأصمتُ ثمَّ تفضحُني عُيوني
‏ألا يا عينُ كنتِ الأمسَ أوفَى
‏فمَن علَّمكِ سرًّا أن تخُوني؟




عمركم تخيلتوا شي وشفتوا نفسه بالواقع ..؟ وشو هو ؟

[نايف]

يس بس ماينفع احكيه :d


عمرك حشيت احد وسمعك وانت ماتدري :ff1 (111):

[رُوح]

لا ما صارت الحمدلله



في مرة توقعت شي وطلع صح ..؟ خبرنا عنه

[جمر]

ايون




زرتو اسبوع الورد بالطائف ؟

[على مزاجي]

لا

سؤال ذكـــاء

لو امس بكرا اش يصير اليوم

طبعا الجواب يختلف ياليوم اللي ينقال فيه السؤال

اليوم الاثنين

[جمر]

يصير بعد بكرا ههههههههههه


عاد لا تدقق ع ذكائي الخارق هههههههه




كم مرا انحرجت بسؤال ولا عرفت تجاوب عليه ؟

[على مزاجي]

خخ حددي اليوم :ph17:

[متأمل]

خلاص بلاش تحجر للعالم :m2:

[جمر]

يعني لازم ههههه > يصير الاربعاء هع

[على مزاجي]

يلا وانت حرك الجينات وعطنا الجواب :02:

[متأمل]

طيب اسألي :ff1 (69):

[على مزاجي]

يعني لازم ههههه > يصير الاربعاء هع


لا مب صح

محاوله اخرى :129:

اول نحل سؤالي وبعدين تسال

[متأمل]

يلا وانت حرك الجينات وعطنا الجواب :02:

مخي مثل بقالة قفلت لعدم التفرغ :d

[جمر]

خلااااااص > بصوووت سلوى المطيري
هههههههههههههههه

[متأمل]

واحد يسأل :163:

[على مزاجي]

خلااااااص > بصوووت سلوى المطيري
هههههههههههههههه

خخخخ _<< فاطس ضحك

كح كح كح :5yjhgt:


طلعت جمر حريقه

[متأمل]

وبعدين معاكم :knlkfcjsl:

[جمر]

هيا انا بسال ^




سؤال ماقدرت تجاوب عليه ؟!

[على مزاجي]

مامعنا شي خخخخ


طبها سؤالي

عطني جواب لسؤالي ي ابو ضروس:84:

[متأمل]

ههههههههههههه

اجل ما منك فايده :542:

هل الحب جزء من السعادة
ام السعادة جزء من الحب ؟

[رُوح]

الحب كل السعادة بس للي يفهمه صح
اسأل الناس اللي يملكون كل شي إلا الحب
وبتصدق كلامي
>> متعوب عليها الإجابة ههههه










شي تتمناه دايماً ..؟

[على مزاجي]

اللي اعرفه ان السعاده بسكوت :60517:

فيه صورة ولد خخخ



اتمنى النوم يطب علي :ff1g (12):

نفسه

[جمر]

السعاده جزء من الحب




سؤال سالتوه و ندمت انكك سالتوه ؟

[جمر]

لخبطه


:ff1 (170):

[على مزاجي]

السعاده جزء من الحب




سؤال سالتوه و ندمت انكك سالتوه ؟

ماحصل معي

نفســــه

[متأمل]

يا كثرها هههههه

هل تتوقع بقدوم فايروس جديد مثل كورونا ؟

[نايف]

فال الله ولا فالك :54:
والله كل يوم نسمع شي جديد الله يستر
كل شي متوقع


بتسافر في الصيفيه الجايه ؟

[متأمل]

باذن الله

نفسه

[نايف]

ان شاءالله


بالعاده ترتب لسفريتك بدقه
والا تخليها زي ماتجي ؟

[جمر]

من غير تخطيط احلى




حاجه حلوه صارت معاك الفتره دي ؟

[متأمل]

كثير

نفسه

[جمر]

كمانه اشياء كتيره و الحمدالله





فكره براسكك تفكر تسويها ؟

[متأمل]

والله الافكار كثير
بس ماعندي استعداد انفذها

وش يعني لك الايك ؟

[نايف]

اما مجامله او اعجاب فعلي بطرحك
او لفت انتباه للتعقيب

مشروع حلمك تنفذه

[متأمل]

افكر كيف مااداوم :d

مشروع حلمك تنفذه

ركز يا الطاقية :)

[جمر]

اخلص دراستي و اتوظف ^




كلمة سمعتها ولسه باقيه براسك ؟

[متأمل]

وش يعني لك الايك ؟ :405:

[نايف]

ركز يا الطاقية :)

انت خليت فيها تركيز يالفقراوي
ماشي كنك بيب بيب
اخلص دراستي و اتوظف ^




كلمة سمعتها ولسه باقيه براسك ؟

موش فاكر والله



حدث ماتنساه ابد؟

[جمر]

اعجاب بالرد




وجابو ع الاسئله المسحوب عليها هع

[نايف]

وش يعني لك الايك ؟ :405:

جاوبت قبل

واعيد سؤالي

حدث ماتنساه ابد

[جمر]

انت خليت فيها تركيز يالفقراوي
ماشي كنك بيب بيب


موش فاكر والله



حدث ماتنساه ابد؟


وفاه ابوي و اخوي الله يرحمهم

[متأمل]

وكمان وش يعني لك الايك ؟ :356:

[متأمل]

جاوبت قبل

واعيد سؤالي

حدث ماتنساه ابد

وين جاوبت :86:

[جمر]

ههههههههههههههههههههههههههههههههههههههه


متامل شكلوه فصل
ههههههههههه

[متأمل]

ههههههههههههههههههههههههههههههههههههههه


متامل شكلوه فصل
ههههههههههه

ههههههههه لا ما فصلت بس ما شفت الاجابة :d

[نايف]

وين جاوبت :86:

اخخخ بيجلطني ذا المتأمل مع راسه

هنا :ff1 (33):
اما مجامله او اعجاب فعلي بطرحك
او لفت انتباه للتعقيب

مشروع حلمك تنفذه

[متأمل]

هههههه اي كذا اشوف :v9v9net_046:

[جمر]

فين السؤال انت وهوه


:42efff41-7d99-4829-

[alwafa]

•'











ثلاثي الي فوق ،
يبالكم ذبح :ff1 (53)

وين السوال .؟





نقول افضل سيارة عندك شو و ليش ...؟

[متأمل]

افضل سيارة عندي لكزس
كانت معاي
اما لماذا فلانها غير وغير :bb31:


هل تؤيد مقاطعة الاشياء الغالية ؟

[رُوح]

لا
لأن أصلاً محد راح يشتريها إلا الأغنياء
لكن إذا شي غالي ع الفاضي وما يستحق قيمته ممكن نقاطعه


هل تؤيد اللي يتسلفون عشان يشترون أشياء غالية ..؟

[متأمل]

كيف لا :116:
يعني ما تأيدين يقاطع الشعب السلع الغالية !:_7cc_56:

بالنسبة لسؤالك :
لا وضد هذا الشيء

[رُوح]

أكيد بقول لا لأني أشتري أشياء غالية مرات
تذكرني بأخوي إذا راح مطعم وشاف سعر العصير غالي ما يشتريه
وأنا عكسه أشتري وما أفكر بالسعر كثير
بس طبعاً مو كل يوم أروح أماكن غالية بفلس لو رحت




شنو مشروبكم المفضل ؟ < واضح ما عندي سؤال

[alwafa]

•'







موهيتو فروله و بيبسي ،




شو الشي الي ناقصك هذي لحظـهه ...؟

[الجوهرة]

راحة البال


نفسه

[alwafa]

•'









صوتي راح اباه يرجع ،



.
.

صفـهه غالبـهه عليك و عاجبتك .؟

[المعتفس]

مدري


نفسه

[alwafa]

•'










محبوبه لدى الجميع ،:358:
كذا انحب ما اعرف على ويش ههههههه ،



.
.

متى تنهي علاقتك مع شخص ..؟

[رُوح]

تنتهي علاقي ف الأشخاص
لما يكون نظامهم عيوبي لا أراها وعيوب الناس أركض وراها
نفس العيوب اللي ينتقدونها تكون فيهم بس مو شايفين



نفس السؤال ..؟

[متأمل]

ً
ً

الحقيقة العلاقات لا تنتهي سوى شكلياً
ولكن تبقى اثارها متجذرة في الاعماق

هل الحكم على الاشخاص سهل ؟:ff1 (43):

[رُوح]

إذا في أدلة سهل وإذا مافي صعب



لما تزعلون من حد شو تسوون ..؟

[المعتفس]

مجرد مااحسه تغير او يطلع عكس توقعي تنتهي علاقتي فيه
نفسه

[المعتفس]

لماازعل من احد على حسب وش يعني لي
اذا مهم اصارحه واذا مو مهم اتجنبه

نفسه

[متأمل]

عني اصمت واطنش وما عاد اهتم


نفسه بعد :d

[رُوح]

ما أكلمه ولا أقرب صوبه ولا أطالع بعيونه
حتى لو يكون واقف قدام عيني
ويصير أسلوبي رسمي جداً إذا انجبرت أكلمه
وأرفض كل شي منه
أنا ما أقبل شي ولا أطلب شي إلا من الناس اللي أعزهم






إذا شفت شخص يأذي حد قدامك شو تسووي ..؟

[متأمل]

مشكلتي ما اتفاهم :60509:
يمكن ارفسه وابهذل تاريخه
جد ما احب المواقف اللي كذا


هل الحقيقة مريحة واذا كانت مريحة
ليه نتهرب منها او ننفر ممن يقولها ؟

[رُوح]

الحقيقة اللي تعجبني تكون مريحة :165:

أحسك تقصد موضوع المقاطعة :d




تتقبل الناس اللي يختلفون معاك بالراي ..؟

[متأمل]

الحقيقة اللي تعجبني تكون مريحة :165:

أحسك تقصد موضوع المقاطعة :d




تتقبل الناس اللي يختلفون معاك بالراي ..؟

اي مقاطعة :d
خذني على قد اكلي لاني متعشي فول مسوس :131:

[رُوح]

خلاص ولا شي مو لازم أذكرك

بس ترى ما جاوبت على سؤالي :1114:

[نايف]

الحقيقة اللي تعجبني تكون مريحة :165:

أحسك تقصد موضوع المقاطعة :d




تتقبل الناس اللي يختلفون معاك بالراي ..؟

يس


تقدر تفكر بشكل سليم تحت الضغط

[رُوح]

مرات نعم
و الأفكار الحلوة تطلع مع الضغط



نفسه ..؟

[alwafa]

•'









نقدر ،
بس يباله جججهد أكككثر و احس يكون متسرع
و القرار يكون سليم نوع ما بس مب 100 ب 100




.
.



انت من نوع الي يواجه الشخص و لا يتجـاهله ...؟

[خآبت ظنوٰني]

ع حسب ..



نفسسه ؟

[المعتفس]

على حسب الموقف والشخص
في اللي لازم أواجهه وفي اللي الأفضل تجاهله

آخر مرة بكيت وليش ؟

[دانتيل]

من اسبوعين اعتقد / خلاف بسيط بيني وبين احدهم والامور الان تمام

الى اي مدى تحب نفسك ؟

[المعتفس]

صراحة مااحبها ولااكرهها بس ماارضى أحد يزعلها أو يمسها بسوء
عنصرية وانتماء لا أكثر


نفسه

[alwafa]

•'








لابعد شي ،
نفسي ثم نفسي ،
حب نفسك كيف ما تكوووون ،








نبي سطرين من حروفك شعر او خـاطره ...؟

[المعتفس]

من عيوني

المجتمع":مهمااحتوانا أناني
....وْماهو بِماكِل عيش معْ جن إنسي

.....واكثر مَ يَهْدِم للعلاقه مباني-
.........ثلاثه:الحُرمه ،وِمالٍ،وِكرسي


نفسه

[alwafa]

•'








تبعد عنـي اميــال ،
و اقرب لي من انفـاسي ،
سبحـان من حطك بين قلبـي و الوريد ،






.
.

لا ضاقت فيك الدنيـا شو تسوي .؟

[آلهيمانة]

أنام او أسمع اغاني ، ومرات اضحك بدون سبب
:1112:

نفسه ..!

[alwafa]

•'









انا كثثثير و تشوفوني مطيحـهه ف المنتدى كثير
ما اخلي موضوع ما ارد عليه ،
يعني بالاحر اطنش و اسوي كان ما فيني شي '






اكله ودك تاكلها من زمان عنها...،

[رُوح]

مدري مافي شي ف بالي الحين



تتوقعون ليش باب النجار مخلوع ..؟

[alwafa]

•'








يمكن لان مافي شي مهم داخل :169: ،
يوم بعرف بخبرج ،:169: ،
واذا تعرفين خبرينا منج نستفيد ،




.
.

كيف تعرف معزتك عند النـاس ...؟

[رُوح]

مافي جواب محدد عادي كل حد يجاوب حسب رايه
أنا بس أبي أشوف نظرتكم ورايكم يعني تفلسفوا على راحتكم

أما جوابي
يمكن لأن سهل نحل مشاكل غيرنا ونلاحظها بسهولة
بس صعب نحل مشاكلنا ويمكن ما ننتبه لها
هو نجار ويصلح أبواب الناس بس بابه مخلوع ومو معطيه اهتمام

ويمكن صح كلامج مافي شي مهم داخل
ل هالسبب تجاهل الباب وما صلحه



~~~

أما كيف أعرف معزتي
من أفعاله ومن كلامه ومن اهتمامه
بس بعضهم صعب و مو دايماً يعبر
يمكن يعز ناس بس ما يتكلم
ويمكن يبعد عنهم لأنه يعزهم ويحترمهم وما يبي يضايقهم ف شي
خاصة إذا كانوا حساسين أو حتى إذا كان هو حساس






كيف تكون ردة فعل الناس لما يشوفونكم من أول مرة ..؟

[آلهيمانة]

يقولون عني خقاقه
وشايفه نفسج :ff1 (24):


مع الايام يكتشفوون العكس ..


نفس السؤال ؟

[رُوح]

ردود الأفعال تختلف والله
بعضهم يستحون مني
وبعضهم يكلموني بسرعة ويقولون قصة حياتهم من أول مرة

وبعد كلمات مثل طيبة .. هادية .. حبيناها


ولأني هادية كثير وما أسولف
عبالهم مستحية
صح مرات أكون مستحية وما أبادر بالكلام
بس أرد لما يكلموني
يعني كلمة ورد غطاها وبس
مثلاً إذا قالوا شلونج أقول بخير وأنتو شلونكم ؟ بعدين أسكت
ما أعرف أفتح مواضيع أنتظرهم هم يبدون



نفسه بعد > أبي أشوف الردود

[alwafa]

•'










يرتاحون ليي كثثير من اول تعامل لي معاهم ،
و يحاولون يردون يكلموني مره ثانية و ثالثه '
محبةة النـاس من اول نظره ،




.
.


لين متى تكون صابر و متحمل ....؟
هل لك حد معين ..!

[رُوح]

والله صبري طويل جداً
أصبر ل درجة المرض




تحسوون طيبتكم تسبب لكم مشاكل ولا ..؟

[alwafa]

•'







سبب و مازلت تسبب و الحمدلله هههههه ،
شو نسوي يختي ما نعرف نكون خبيثين ابد ابد ،
يعني اقول لا بسوي طاف و يولون محد يستاهل اكون طيب معاه ،
و حزت الشي ما انسى و اكل تبن هههههه وشكرا ،




.
.


ودك تصير مشهور ..؟

[خآبت ظنوٰني]

لا وش لي بعوار الراس و القيل و القال هههههههه

نفسه:1100:

[على مزاجي]

لا ,,, وع مصايب وتشهير بالناس
ابعدينا عنهم


س / و ش الشي اللي تكرهه بشكلكــ

[شذى الهلالية]

ولاشيء احب كل شيء فيني :d



اكثر شيء يستفزك؟

[هدوء]

البرود والامبالاه


وشو الشي اللي يخليك مبسوط ع طول :)

[المعتفس]

مافيه شي يبسطني على طول
أوقات وأوقات


نفسه

[على مزاجي]

لانمت متواصل بدون ازعاج:ff1 (183):

س / رايك بالزواج المبكر

[المعتفس]

حلو الزواج المبكر ..بشرط تكون كفو له
حلو لما يكبرون عيالك ويكون فارق السن بسيط بينكم وتصاحبهم
زي ناس أعرفهم



كم ساعة نمت البارح

[رُوح]

نمت بعد الفجر وصحيت الساعة 8


شي ودكم تسوونه هالفترة ..؟

[المعتفس]

كثيرة الأشياء اللي ودي أسويها

نفسه

[رُوح]

العزلة والتفكير والتأمل
أخفف اللعب
أركز على دورة الفوتوشوب




شي ما تحبون حد يسألكم عنه ..؟

[الجوهرة]

ممكن للي يدخل في شيء من خصوصيتي



نفسه

[alwafa]

•'










خصوصايتي خط احمر ، يفور دمي اذا حد سال و لا تكلم فيه ،
يتحمل ويهي الثاني عقب :m1:



.
.


شي ودك تسوي هذي الفتره .؟

[خآبت ظنوٰني]

اسسافر :ff1 (141):

نفسه

[المعتفس]

أصلي في الحرم النبوي


ابوك كم متزوج ؟

[متأمل]

امي فقط عسى الله يرحمه وجميع اموات المسلمين

نفسه

[المعتفس]

الله يرحمه

أمي بس


تابعت قضية جوني ديب وانتصاره على زوجته ؟

[متأمل]

مو مسألة تابعته لكن تعرف تويتر
الا يغصبنا نشوف وش صار لهم
لانه يطلع قضيتهم ترند
لذلك اطلعت على بعض اخبارهم
والحقيقة ما يهموني ولا هموني
ولا في بالي اضيع وقتي على امثالهم


نفسه نشوف :d