أسال سؤال للعضو اللي بعدك !

[رُوح]

"أنا صامت طوال الوقت وأخشى أن أنسى الكلام "

ل دوستويفسكي > أكثر كتاباته تمثلني



أكثر صفة تحبها ؟

[المعتفس]

صفتين تكون مع بعض مو وحده بس هي اللي أحبها وتلفت انتباهي

الحياء اللي معه عباطه


نفسه

ويالله استأذنك روح

[رُوح]

صفة المبادرة مع العفوية
صعب أتعامل مع ناس ما يبادرون مثلي

الله معاك



شخص تحب تعانده وترفع ضغطه ؟ :94:

[المعتفس]

ماحب ارفع ضغط احد

اخر مرة تفشلت وحسيت ان فشلتك كف على وجهك :m1:

[رُوح]

كل يوم أتفشل والحياة مستمرة
اليوم رديت على موضوع وأحسبه موضوع ثاني


آخر مرة فهمت شي غلط وبعدين استوعبت ؟

[المعتفس]

قبل شهرين تقريبا

مشروبك المفضل ؟

[رُوح]

موهيتو ليمون ونعناع
وكولا لايت


نفسه > ما عندها سؤال

[المعتفس]

أحب العصاير الطبيعية
وحليب الصويا بالفانيليا بس مو من أي شركة
وأي حليب بقري بارد خالي من اللاكتوز

أكثر شي شاغل تفكيرك ؟

[رُوح]

مطنشة كل شي
أهم شي الصحة والعافية وبس


نفسه ؟

[ندى الصباح]

مافي الحمد لله الله يرزقنا راحة البال

اجمل مرحلة دراسية في نظرك ؟

[نايف]

المرحله الثانويه


اجمل هديه تلقيتها

[غربة روح]

كل الهدايا حلوة مهما كانت ..



موقف صعب مريت فيه ؟

[المعتفس]

لما لقيتني مكلف اني ابلغ قرايب لي بوفاة ابوهم وامهم واخوهم فحادث



نفسه

[alwafa]

•'









يوم فنشو ربيعتي من الدوام و انا اعرف حالها و ضعها ،
يا اني ميت صبح ،:1044:






- تحس شخصيتك قويه و لا ضغيفه ...؟ اذا قويه كيف صرت ب هذي القوة ...؟

[عآزفّ النّآي]

قويه .. أعتقد وراثه


هل تحب النقاش مع شخص مفهي

[المعتفس]

لا طبعا بس مايضر
هل تحب شخصية الجاد في كل شيء؟

[رُوح]

لا لأني مو جادة ف كل شي

نفسه ؟

[المعتفس]

لا ماحبها
لكن ايضا ماحب الهزل فكل شي
كل شي فوقته حلو


وش ناوين تفطرون ؟

[رُوح]

اي هذا اللي أقصده بجوابي مو جادة بكل شي
ولا أمزح بكل شي
وسط يعني


مدري بعدي ما فكرت


تحبون الصبح ولا الليل ؟

[alwafa]

•'










اعششق الصبـاحح و من الناس الي ينشون بدري بعد هههههههههه :127:
احب طلعات الصبحح و حواطة الصبح ،
احب النور ،

خاني التعبير ههههههه :127:



.
.


من عشـاق القهوة و لا الشاهي ..؟؟

[عآزفّ النّآي]

القهوة :12240:



نفسه

[غربة روح]

الشاي


ودك تهاجر مكان بعيد !

[alwafa]

•'









اي والله ودي اهاجر من الارض بكبره يختي ههههههه ،



نقول نفسه نشوف من وده يهاجر .!

[غربة روح]

انا ابا أهاجر من 2012 بس بعدني في بيتنا لين الحين ..




عشت قصة حب :129: ،؟

[المهاجر]

معاج عنتر حبيب عبله
اكيد غني عن التعريف

عمرك سافرت بالقطار

[رُوح]

لا بعدي ما جربت القطار



تاخذ قراراتك بنفسك ولا تستشير غيرك ؟

[غربة روح]

بروحي ..


متى تكون الصراحة وقاحه !

[alwafa]

•'












يوم يكون جدام الكل و المقصد فيه اهانةة بطريقة الصراحةة ،
و على فكر الاغلبية صار جي وقح و يتحرى عمره صريح ،:2_rateform:



.
.

يوم يزعلونكم .؟ كيف ترضون .؟

[رُوح]

على حسب
بس غالباً أرضى بسرعة وما أطول ف الزعل


أكثر شي تحبون تشترونه ..؟

[المعتفس]

على حسب وش يفرح الناس اللي أشتري لهم
انا ماتفرق معي
بس اكثر شي أحب انفق فلوسي في المطاعم الشعبية والمساج

نفسه

[رُوح]

الكتب والعطور


أكثر مكان تحبون تقعدون فيه ؟

[المعتفس]

أحب أجلس فساحة الحرم النبوي واتأمل الناس من كل الجنسيات
واستشعر رهبة وروحانية المكان اللي يخليك تلف كل العالم وانت فمكانك ماتحركت

نفسه

[رُوح]

غرفتي أكثر شي
وبعد برى ف الحوي ف الليل و أتامل القمر والنجوم
يصير ذهني صافي وأحس بروحانية لما أتأمل القمر


شي يخليكم تبتسمون ..؟

[المعتفس]

القطاوة وهي تلعب

اختر اسمين من المنتدى وحلل شخصياتهم حسب مهو واضح لك؟

[رُوح]

احتاج وقت عشان أحلل
يعني انتظروا بعد فترة بعطيكم تحليلي



تحسون نفسكم مع الناس الصح و في المكان الصح
ولا تحسوون محد فاهمكم ولازم تكونون بمكان ثاني يناسكم أكثر ..؟

[المعتفس]

لا احسني فزمن غير زماني وناسه مختلفة عني ..بس ماني مهتم لهالشي
أشوف نفسي قادر أعيش فأي زمن ومع أي ناس وافرض نفسي عليهم
وماني مهتم في إن أحد يفهمني


نفسه

[رُوح]

لا هذا قبل بس الحين أحسني ف المكان الصح


نكهة الآيس كريم المفضلة عندكم ..؟

[المعتفس]

الفانيليا

نفسه

[رُوح]

تشيز كيك بالفراولة من باسكن
يكون الطعم حامض حلو
لأن ما أحب اللي يكون حلو بروحه لازم معاه شي
ولازم يحطون عليه اللوز إذا بدون لوز ما يعجبني
بس هذا وما يعجبني غيره




ألوانكم المفضلة ..؟

[نايف]

مافي لون محدد
احس كل لون له مكانه اللي يلبق عليه


يومك المفضل من ايام الاسبوع

[رُوح]

الجمعة لأن فيه روحانية وغير عن باقي الأيام




فلم أو مسلسل شفتوه وكان موثر جداً
وقصته حلوة ؟

[المهاجر]

مسلسل اصابع الزمن
كلام ندمت عليه يوم من الايام

[alwafa]

•'









انا يووم اعصب ،
اندم على كلامييي ف حاليا امشي على
وضع السكوت يوم اكون معصبه ،
:bb39:






شنو امنيتك هذي لحظه ...؟!

[المهاجر]

ارووح عمره
نفسسه

[alwafa]

•'









ربي يرزقكك بعمره قريب يا رب ،

اشوف اعضاء المختفين :pajaro!: '






تومن ب مقولةك ،الاقارب عقارب ...!

[المهاجر]

لاابدا قد تنطبق على فئه قليله لكن
نحن كمسلمين لانؤمن بهذه المقوله
من ناحيه دينيه والا يوف نقطع صلة
الارحام مابيننا اذا لاأومن نهائيا

نفس السؤال

[المعتفس]

ايه أؤمن

كم عمرك

[رُوح]

نعم بس مو كلهم
ومو بس الأقارب حتى من الأهل
قال تعالى " يا أيها الذين آمنوا إن من أزواجكم وأولادكم عدوا لكم فاحذروهم "



جاوبوا على سؤال المعتفس :d

كم عمرك ؟

[المهاجر]

قوس قزح.
نفسه

[alwafa]

•'









مواليد حرب الكويت و العراق ههه،:bb2:






عطوك تذكرتين سفر تاخذ منو معاك .؟

[المهاجر]

امممم
يقولون الوفاء جبانه تخاف من الطياره
مسستريح محال

[alwafa]

•'









تحمست و نسيت تسال ،




سوالي ،
كيف عرفتو المنتدى .؟

[المهاجر]

عن طريق فجر الاعياد
الله يستر عليها يارب
كم سنه لك في المنتدى

[alwafa]

•'








من قبل لا ينشر المنتدى ،
يعني من الموسسين ههههههههه قديمه فديتني




- اكثر قسم تحبه و ليش.؟

[المعتفس]

المتنفس والالعاب

نفسه

[alwafa]

•'








الالعاب و المجلس ،
اخذ راحتي و انطلق فيهم :704: ،



.
.

كيف تتعامل مع الناس اول مره .؟

[المهاجر]

انا اضغط العضو من اول لقاء
وبعدين يبين مدى تحمله وتحديد
النفسسيه
نفسسه

[رُوح]

أنتظرهم يتكلمون أول بعدين أتعامل معاهم على حسب أسلوبهم


نفسه ؟

[alwafa]

•'








:ff1 (23): :ff1 (23):




اعامله باسلوبي
و عقب يتغير يوم اشوف اسلوبه معاي شلون '





.
.

برنامج ما تستغنى عنه .؟

[المهاجر]

المجلس مال الكره
فريق تشحعه

[رُوح]

ما أتابع حد عشان أشجع


شغلة إذا سويتها تستمتع وما تحس بالملل أبداً
وتنسى نفسك وتصير في عالم ثاني ؟

[المعتفس]

مافيه متعة تنسيني نفسي

نفسه

[رُوح]

يعني قصدي شنو شغفك

أنا لما أرسم أو أصمم أندمج وما أحس بالوقت ولاشي



درجة التفاؤل عندك من عشرة ؟

[المعتفس]

١٠

نفسه

[رُوح]

أكثر من عشرة
و ما أحب كلمة مستحيل



تؤمن بقدراتك ؟

[آلهيمانة]

هي نعمم اكيييد ،


اكثر موقف ضايقك و ليش ؟

[المعتفس]

اكثر شي يضايقني لما اتضايق بدون سبب

نفسه

[آلهيمانة]

يوم اشوف طفل ينضرب من ابوه او امه ،
لانه يغمضني ، :ff1 (121):


هل جربت شعور الحب ؟

[المعتفس]

ايه دايم وكل شوي
كل ماعطتني وحده وجه احبها

انتم زيي تحبون على طول؟

[آلهيمانة]

هههههههههههه
خيبه فندق مو قلب
انت خطر ع المنتدى ههههههه


لا طبعاً قلبي مسكر :566:


انزيننن ،
شو طموحك ؟

[المعتفس]

<فاطس على خطر على المنتدى
لا هيمانه انا احب بصمت ومن طرف واحد
ماحب الحب اللي من طرفين احب اتعذب
وطموحي اصير مراقب فمنتدى زيك

نفسه

[رُوح]

أسيطر على العالم
وأنشر العدل والسلام
وأزرع الورد بكل مكان

واللي ما يحبون الورد مو بكيفهم خلاص بكون أنا المسيطرة :ff1 (31):


طريقتكم في الزعل ؟ يعني شنو تسوون إذا زعلتوا

[المعتفس]

على حسب إن كان من نفسي أجلدها وإن كان من غيري أجلده يابلساني يابيدي..بس مو كل الناس اللي أحس اني مااقدر اجلده وممكن يجلدني اسامحه لوجه الله

وانتم؟

[رُوح]

أطالع كل الناس إلا اللي زعلني ما أطالع في وجهه
و أتعامل معاه كأنه غير مرئي
يعني حتى لو يكون قدامي ما أهتم لوجوده
هذا إذا زعلت أما إذا عصبت أواجهه وأصارحه إذا قريب
وإذا غريب ما يهمني وأطنش



شي حلو صار لكم بالصدفة ؟

[المعتفس]

مااذكر

نفسه

[رُوح]

لما سجلت هنا
ما كنت حاطة في بالي أني أسجل بمنتدى
كنت أبحث عن شي ولقيته هنا
ولقيت معاه شي ثاني بعد



شي تحبون تتأملونه ؟

[نايف]

البحر


نفسه

[رُوح]

كل شي ف الطبيعة
والقمر أكثر شي

والأطفال لما يلعبون مع نفسهم ويتكلمون مع نفسهم
كأنهم في عالم ثاني



بيت شعر يعجبك ويمثلك ؟

[المعتفس]

البيت الأخير فتوقيع نايف لمساعد الرشيدي الله يرحمه

محدٍ يخليني على مفرق طرق
‏انا الطريق من اوله لين آخره


نفسه

[رُوح]

حلو عجبني توقيعه


هذا البيت
اخترتُ نفسي والنفوسُ عزيزةٌ
‏أنا لا أعيشُ العمرَ دون خيار



اختصر نفسك بكلمة

[المعتفس]

معتفس

نفسه

[رُوح]

عالم أو بحر


تعجبكم أسئلتي يعني أكمل ولا خلاص ؟ :ff1 (55):

[المعتفس]

مو تعجبني بس باشوف آخرتها معك ولوين بتوصلين :m1:

وش تغديتوا ؟
هذي الاسئله اللي على اصول مو اسئلتك:m1:

[رُوح]

وأنا كل شوي أعصر مخي عشان أطلع سؤال مختلف
ومو مكرر عبالي تتفاعلون لأنها عاجبتكم 🙂

المهم
شربت ماي

انتو شنو تغديتوا ؟

[نايف]

من مشوار لمشوار للحين اتحلم في الغدا :d

اي نادي تشجع؟

[آلهيمانة]

الوحدة ، مالي غنى عنه ،


نفسه

[رُوح]

اللي يفوز بشجعه
ما أحب اللي يخسر

ترى ما أعرف شي عن الأندية وما أتابع شي :ff1 (55):



مادتك المفضلة أيام الدراسة
أو الحين إذا تدرس ؟

[المعتفس]

ولا نادي
وامزح ياروح أسئلتك حلوة ومختلفة

لو خيرت بين طفلك وأمك مين تختار ؟

[نايف]

الرياضيات


الجزء الجميل من يومك (متى يكون )

[alwafa]

•'








ردي ع سوال معفوس
اميي طبعا ، شي ما يتخير ترا ،:bb2:


ردي على نيوف
نهايةة الدوام والله هههههههه > تحس انجزت و افتكيت و ارتحت
كذا نفسييه يصير فيها اب ديت دايركت ههههه ،
و صحح بعد ،
احب الناس الي تصبح علي بكلام حلو ،
ولا دعوه ،
ففديتتتهن والله ،



وشكرا ما نزعل حد هههه

.
.


متى تحس نفسك غبي ,؟ ههههه

[رُوح]

المعتفس بجاوب على سؤالك
بختار طفلي لأني أحب أمي أكثر وما جربت أصير أم أصلاً
وأي حد أحبه ومتعلقة فيه يطير مني أو يموت
عشان كذا اختار الطفل


أحس نفسي غبية إذا ما فهمت شي سهل


نفسه ؟

[المعتفس]

^ياجعلك ماتحبيني :m1:
وباجاوب على سؤال نايف أول وبعدين سؤالك
الجزء الجميل من يومي الصباح اللي مافيه دوام بشرط أكون نايم الليل

ووالله ياروح سؤالي صعب ..الأم والطفل قطع مني
انا أعرف إني باختار الأم لانها الأم وماتتعوض بس ماراح أعيش سعيد دام قطعة مني أخرى راحت علي
حتى الطفل مايتعوض..حتى لو يجيك مية طفل بعده مو كل الأطفال زي بعض..كل طفل له روح تميزه وحب يختلف عن حب أي طفل من صلبك أو من بطنك
والله لايحطنا فهالمواقف

وفاء ..احس نفسي غبي لما العب لعبة تحتاج ذكاء:m1:

وش الشي اللي ماتتمنى تشوفه في المنتديات ؟

[رُوح]

أنا بروحي أخاف على الناس مني وأتجنبهم

والله صح صعب الاختيار

~~~

بعض الصور والروايات



شي تتمناه في هاللحظة ؟

[المعتفس]

بطلي هالوسواس وهالتفكير^
أتمنى ينتهي الاسبوع بسرعه

نفسه

[رُوح]

مو وسواس بس حذر
أحس أني لازم أترك مسافة بيني وبين الناس
وما أقرب أكثر من اللازم > التجارب علمتنا :ff1 (69):


أتمنى أخلص الكتاب اللي بدأت قراءته



قصة عجبتكم ؟

[المعتفس]

وش علمتك؟ ان اللي يقرب منك يموت أو ينتفي من الوجود
مع احترامي هذا يدل انها ماعلمتك ..ووين اللي تقول درجة تفاؤلها أكثر من ١٠ من ١٠
ي شيخه طييري
زعليييت منك
توصي شي انا بكره مسافر وكل ليله اسافر تررم
السؤال يقول
لو نحطك مشرف /ة لازم لازم وماراح نقبل اعتذارك راح تمسك أي قسم ؟

[رُوح]

لا تهاوشني يا أستاذ معفوس > قلبها رهيف :ff1 (55):

لا مو هذا اللي أقصده
بس قصدي أنه لكل شي حدود

ما أحب الاشراف
بس يمكن اختار قسم جاليري غلاك

تروح وترجع بالسلامة يارب



قسم تتمنون يكون موجود ف المنتدى ؟

[المعتفس]

^
وين اروح وارجع بالسلامة :m1:
استهبل طرتلي اغنية راشد وكتبتها
على نيتك ربي يسعدك :m1:

مافي قسم فبالي

نفسه

[رُوح]

^ وأنا مصدقة :54:


مافي قسم ف بالي بس حبيت أشوف رايكم :ff1 (171):



اسم يعجبكم
بنت وولد ؟

[آلهيمانة]

اسسم بنوته غزلان ،

و اسم ولد نهيان ،




كم عمرك / ج ؟

[alwafa]

•'








و ليش ع حظي يطلع العمر هههههههههه
كم مره بقول عمري

من مواليد حرب الكويت و العراق ،:54:




نقول نفسسـهه بشوف اعماركم .!

[رُوح]

عمري أكبر منج بسنة يالوفا


كم كنتوا تتوقعون عمري ؟

[المعتفس]

من مواليد حرب داحس والغبراء

شي تحس نفسك متميز فيه ؟

[المعتفس]

كنت اتوقعه في العشرينات

نفس سؤالي فوق

[رُوح]

طلتي الملكية :ff1 (152): > امزح هههه

يمكن عفويتي :ff1 (55):



نفسه ؟

[المعتفس]

مااعرف صراحة بس احس فيه شي مميزني



فلم كرتوني لازال عالق فذاكرتك

[رُوح]

كثير
بس يمكن سالي أكثر شي
أحسها قريبة مني وتعجبني



نفسه ؟

[المعتفس]

جزيرة الكنز

ويش أخذ منك النت وويش أعطاك ؟

[رُوح]

ما أذكر جزيرة الكنز بس في مقطع يعجبني
مشهد القهوة مع سلفر


هذا
https://youtu.be/-ibw8Q6J08E


أخذ من وقتي أكيد
وعطاني معلومات وتجارب
وأحس صرت أفهم الناس أكثر


نفسه ؟

[المعتفس]

ما أذكر جزيرة الكنز بس في مقطع يعجبني
مشهد القهوة مع سلفر
حاولت أحط الرابط هنا وما يظهر


أخذ من وقتي أكيد
وعطاني معلومات وتجارب
وأحس صرت أفهم الناس أكثر


نفسه ؟
عدلي الرد وارجعي حطيه ولاتضغطي مشاهدة الرد على طول اعتمدي ردك

[رُوح]

عدلته



دولة ودكم تزورونها ؟

[نايف]

النرويج


افضل دوله زرتها

[alwafa]

•'








ما رحت الا مكانيين ،
و حبيت مكـةة والله ربي يرزقنـي ب عمره قريببب يا رب،





.
.

اذا شخص احرجك قدام الناس و اهانك .؟؟ شو راح تسوي نفس لحظـه .؟

[نايف]

اللهم امين واياك يارب

شوفي صراحه انا من الناس اللي مااقدر ارد على سؤالك
وانا خارج موقف كهذا حاليا
مؤمن تماما بأن ردات الفعل في بعض المواقف
تولد في حينها


اكثر عاده سيئه تمقتها في المجتمع وتتمنى تندثر

[المعتفس]

لما يكون المطعم مزدحم رجال وتدخل حرمه تطلب فوسط الزحمة
جعلك ماتاكلين ..لو حسوا انك مستحية كان جوك لاعندك براالمطعم او عند الباب وخدموك

نفسه

[رُوح]

النظرة السطحية و الحكم على الناس بدون تعمق


في ناس عندهم شي اسمه " فقدان القدرة على التعاطف "
لو كنت بمكانهم كيف ممكن تتواصل مع الناس وأنت ما تقدر تحس فيهم
ولا تقدر تتعاطف معاهم وشنو راح تسوي في هالحالة ؟

[المعتفس]

انا أعاني من نفس الشي فعلاقات كثيرة
زي الصداقة..القرابة ..الزمالة ..أفتقد الشعور فيها بس اعرف واجباتها
فأقوم بواجبات العلاقة على أصول ..هذا أهم شي ..
حتى وانا مااستشعرها


نفس سؤالك

[رُوح]

نفس جوابك
بس يحسون أني باردة وعديمة احساس
مرات أختار العزلة عشان ما أجرح أحد بالبرود



تخيل نفسك كنت وفي لفترة طويلة مع ناس وتركوك في منصف الطريق
وعذرهم والله الظروف أجبرتنا

ردة فعلك كيف بتكون ..؟

[المعتفس]

أناماأرفع سقف توقعاتي في الناس لذلك ماأنصدم فأحد وماجربت هالشعور ولاراح أجرب إن شاءالله

نفسه

[رُوح]

إن شاء الله محد يجربه

أما ردي
عادي خيرة والحياة مستمرة



شو تغديتوا ؟

[غربة روح]

عيش ودياي ..



كم راتبكم ☻ ؟

[عآزفّ النّآي]

.





مضروبة جريش بالدجاج





نفسه

[المعتفس]

اخاف تصكيني عين ياغربة :m1:

وتغديت كبسة


حلم حياتك ؟

[رُوح]

كثيرة أحلامي
بس أهم شي أصير سترونج اندبندنت وومن :356:


نفسه ؟

[YONA]

-


أصنع جهاز حق الأطفال عشان أفهُم لغتُهم :p . . /
صار لك موقف غريب بالمطار ؟ . .

[المعتفس]

لا

نفسه

[المهاجر]

ابدا ماصار
عمرررك بند عليك الاصنصيير
وانت دااخله

[المعتفس]

لا
مواليد أي شهر؟

[رُوح]

أغسطس


نفسه ؟

[المعتفس]

مااعرف بالميلادي
بس بالهجري ذي الحجة يوم واحد وعشرين

وش برجك ؟

[المهاجر]

جينيوري
انت اي رقم بالعائله

[رُوح]

رقمي 2

أما البرج مدري
يقولون برجي الأسد


نفس سؤال المعتفس ؟

[المعتفس]

ناسي وش برجي
ملخبط بين الدلو والحمل

عصيرك المفضل ؟

[رُوح]

أحس أنه الحمل مو الدلو


عصيري
الليمون أو البرتقال أو أي شي حامض


نفسه ؟

[المعتفس]

ليه شايفتني خروف عشان تحسيني الحمل :m1:
ومدري

عصيري البرتقال الكبس

فيني نوم أخلي السؤال للي بعدي وتصبحون على خير

[جلنار]

ايش ودك تسوي بعد شوي

(:

[رُوح]

هههه لا طبعاً ما يخصه
بس يمكن عشان الشخصية نفسهم

بعد شوي بتعشى

لونك المفضل ؟

[alwafa]

،’










أصصفر ’ لو الي يحبونــــهه نيوف و مستريحح , ::fjg1:


.
.



شو روتينكم كل يوم الصبح ح ,؟

[رُوح]

أسويلي فطور
وبعدين أقعد بهدوء و أسوي جلسة تأمل مع نفسي
أقرأ جزء من كتاب
وأفكر وأخطط كيف أحتل العالم :d




شي أو موقف ماتنسونه من أيام المدرسة ؟

[المعتفس]

كنت اصيد النمل اللي يقرص واحطه فالطلاب من خلف الرقبه
وكان اشتري شي اذا فتحته تطلع ريحة بلاعه واحطه في الفصل
وكان عندي لسته باسماء طلاب الفصل محدد فيها تاريخ مضاربتي مع كل واحد حتى اسيطر على الفصل هع:m1:

نفسه ؟

[رُوح]

ما كنت أسوي مشاكل أبداً ودايماً ملتزمة وما أضايق حد
والحين ندمت لأني ما كنت أسوي مشاكل :(

وبعد كان فيني غباء وعبقرية بنفس الوقت :d

الأسئلة السهلة ما أعرف أجاوب عليها
بس لما المعلمة تسألنا سؤال ذكاء وفيه تحدي على طول أعرفه
وكنت أستغرب من نفسي كيف عرفت > شكله كان في جني يساعدني

وأتذكر الشعور كيف لما كل البنات يصفقون لي
> كان حماااس :d
ومن قوة التصفيق أحس بقشعريرة





شي ندمت أنك ما سويته ..؟

[المهاجر]

واحد صار له فتره مزعجني
وسسويت له حظر وارتحت كثيير
باليتني مسوي له من زمان حظر
حيعان

[alwafa]

•'










وين سوالك يا الراكككد .




.
.


شو شي الي يمنعك من تحقيق احلامك .!؟؟

[المعتفس]

مافي غيرها
الفلوس

نفسه

[رُوح]

ظروف صحية تمنعني



آخر شي ضحكك ؟

[المهاجر]

قاعدين بالمخيم
وواحد من الشباب سوى لنا شاي
وبدل السكر اخطئ بالعلبه مالت السكر
خلى ملح هههههه
امنيه تود تتحقق لك

[alwafa]

،’







ما أقدر اقول يوم بتحقق بقول لك ك .:



.
.


عططرك المفضل . ؟

[رُوح]

مافي شي مفضل أحب أغير وأجرب
بس أحب العطور الهادية أكثر شي



أكثر شي تحس أنك ممكن تبدع فيه ؟؟

[المعتفس]

المضاربات

نفسه

[رُوح]

التشجيع > أحب أشجع الناس
والفنون > بس لازم أطور نفسي أكثر

شوف شنو أكثر قسم تشارك فيه بالمنتدى
بتعرف شنو أكثر شي ممكن تبدع فيه



تحب الشاي ؟

[المعتفس]

عادي ماادور له

نفسه

[رُوح]

أفضله على القهوة
وأحب أجرب أنواع الشاي وأكتشف
أكثر شي حبيت الشاي الأذربيجاني > لذيذ




منظر في الطبيعة يعجبكم ؟

[المعتفس]

كل الطبيعة تعجبني

متى نمت ومتى صحيت؟

[رُوح]

مدري كم كانت الساعة لما نمت
بس صحيت مرتين قبل الفجر وبعدين الفجر
وبعدين رجعت نمت وصحيت بس ما ركزت ف الساعة



تحبون السهر ؟

[alwafa]

،’











لا ابدد ’ وقتي منظم م , :5_rateform:

.
.




يوم تضيق فيك الدنيا تفضفض لمنوو , ؟

[رُوح]

ما أفضفض لحد
إلا إذا كان الموضوع عادي مو كبير
واختار الناس اللي مستعدين يسمعوني
أو اللي ممكن يكون عندهم حل
واللي أتقبلهم




نفسه ؟

[المهاجر]

انا من النوع الي مافضفض لحد عندي شي
احله بنفسي زمان الفضفض اعتقد ولا ��
الحين اءا تفضفض للواحد شوي ناشرك على
التوااصل الاجتماعي

نفسسه

[رُوح]

جاوبت

شي عندكم فوبيا منه ..؟

[طُليْطل]

المرتفعات

نفسه

[رُوح]

أتوقع اسمها فوبيا الاقتراب من الكائنات الحية
وفوبيا من السواقة




هواية تحبونها بس محد يعرفها ؟

[نايف]

دام محد يعرفها لازم تفضل برضه محد يعرفها :d

اول ردة فعل لك اتجاه شخص تأذيت منه
تسامح والا تنتقم مباشره والا تنتظر لين تهدأ وتحدد قرارك

[رُوح]

أسامحه إذا أضعف مني ما أحب خصمي يكون ضعيف وأستقوى عليه
أسامحه شفقة ورأفة فقط مو لأنه يستاهل

أما إذا قوي على حسب الموقف إما أرد مباشرة
أو أفكر بهدوء وأردها بهدوء > أسوي له تعذيب نفسي :d

صح أني مسالمة بس لحد يدوس لي على طرف 🙂


نفسه ؟

[نايف]

للاسف في الغالب ردة فعلي مو حكيمه بالمره :d
وعادة اواجه في نفس اللحظه


اذا عرضت عليك طلعتين بنفس الوقت
طلعه مع الاهل وطلعه مع الاصدقاء
بغض النظر عن الاحراج في الاختيار
ايهم تفضل داخل نفسك

[رُوح]

على حسب وين بنروح
لأن عادي أستمتع بوقتي سواء مع الأهل أو الأصدقاء
حتى سوالفنا وخلافاتنا لها طعم
وآخر شي نضحك وما ناخذ أي شي جد


نفسه ؟

[نايف]

صراحه جوابك مقنع جدا
على حسب نوع ومكان الطلعه
وارتياح النفس للطلعه يكون الاختيار


مفهوم الحريه بالنسبه لك ؟

[رُوح]

الحرية أنه محد يتدخل في حياتي أو قراراتي واختياراتي
إذا ما كان فيها شي غلط أو حرام

وبس



نفسه ؟

[نايف]

مادامت لاتتعدى على حرية الاخرين
ولا تتعارض مع الدين


الجزء المفضل من يومك النهار او الليل

[خفايآ روح~••]

بالوقت الحالي صايره احب النهار واكره الليل .



متردد ف شغله ما ؟

[alwafa]

•'







حاليا نو ،




وين راح تطلعون في الويكند .،؟

[خفايآ روح~••]

ف البيت متربعه .



نفسه

[رُوح]

ما فكرت أطلع مكان حتى الآن
بس أفكر أقرأ



شي ودك يتغير في العالم .. ؟

[أرجوك!]

الحقد و الكره و تسلط القوي ع الضعيف



اسلوب تعتمد عليه في تعاملك ؟

[رُوح]

أحاول كثر ما أقدر أني ما أجرح الناس
وأحاول أحط نفسي بمكانهم وأفكر بطريقتهم وأشوف الأشياء بنظرتهم
وعلى هالأساس أتعامل معاهم


نفسه ؟

[أرجوك!]

اتغاضي و كاني لا ارئ و اذا فقدت الصبر كنت حليمه بتعاملي سهله الاسلوب قوية الكلمه .

اشياء لا يمكن ان تستهين بها؟

[المعتفس]

مشاعر الطيبين

نفسه

[رُوح]

الأطفال لما يبكون
ما أحب لما يقولون أن الأطفال يبكون بدون سبب
مو مقتنعة ب هالكلام
أكيد في سبب ولازم أحاول أعرفه



شي مو مقتنعين فيه ..؟

[المعتفس]

كثير اشياء

نفسه

[رُوح]

مو مقتنعة بتفكير اللي ينتظرون المرأة تتغطى بالكامل
عشان يغضون بصرهم عنها
لأن لازم يغضون بصرهم بكل الحالات وكيف ما كانت المرأة
ويحترمونها بكل الحالات وما يرضون أحد يغلط عليها أو يأذيها
ولما يشوفون حد يأذيها يدافعون عنها ويعاقبونه

ويكون في قوانين صارمة تمنع التحرش
هذا هو الرقي من وجهة نظري
لما المرأة تمشي بأي مكان بأمان بدون ما تخاف
لأن محد راح يأذيها والكل بيحميها ويدافع عنها بكل الحالات
التغيير لازم يبدأ بالفكر أولاً
وبس





في مرة فكرتوا تهاجرون وتروحون كوكب ثاني ؟ ولماذا ؟

[المعتفس]

صرت أخليك لحالك تشاركين ياروح معليش الدوام ١٢ ساعه):
سلامات اروح كوكب لازلت بعقلي ماني مثلك :m1:
فكرت بس أهاجر دولة أخرى مو كره لديرتي بس كذا كنت منفس

نفسه

[رُوح]

حتى الجمعة 12 ساعة !!
الله يعينك بصراحة تعب
> لو بمكانك بهرب :ff1 (55):


فكرت أهاجر وأروح كوكب خاص للبنات
عشان محد يخنقنا كل شوي ممنوع وممنوع حتى لو أنه عادي

اقلبوا الكوكب و اخترعوا لنا قوانين ثانية أهم شي ما نزعل :60507:




تحبون قصص التحقيق والجرائم والغموض ولا ؟

[المعتفس]

حتى الجمعة 12 ساعة !!
الله يعينك بصراحة تعب
> لو بمكانك بهرب :ff1 (55):


فكرت أهاجر وأروح كوكب خاص للبنات
عشان محد يخنقنا كل شوي ممنوع وممنوع حتى لو أنه عادي

اقلبوا الكوكب و اخترعوا لنا قوانين ثانية أهم شي ما نزعل :60507:




تحبون قصص التحقيق والجرائم والغموض ولا ؟

١٢ ساعه وحول الساعتين رايح جاي يعني ١٤ ):

لا ماحب ..بس عادي اذا شفت فلم من هالنوع اتفرج عليه ويمكن مااكمله

وانتم ؟

[رُوح]

أكثر من نص يومك شغل !
لازم تفكر جدياً بالهرب :ff1 (171):


أحب قصص التحقيق أحسها تشجع على التفكير
وأحب أفكر وأحلل وأحاول أعرف منو القاتل



إذا حياتكم كانت رواية شنو بيكون عنوانها ؟

[المعتفس]

راح يكون عنوانها "مر ولا تزمر"
ومافيني اشرح لك روح وش يعني تزمر

نفسه

[رُوح]

تزمر كأنها جاية من كلمة مزمار ولا
يعني أتوقع تقصد مر بهدوء بدون إزعاج أو ضجيج


بعدي ما اخترت العنوان المناسب



حكمة عجبتكم ؟

[المعتفس]

ماشاءالله عليك
ايه قربتي

لذي الدرجة حياتك صعبة مالقيتي لها عنوان للان:bb15:

الحكمة تقول
دنيا فانية وثنين فاربعة ثمانية

نفسه اسئلتك حلوة والله

[رُوح]

لا مو عشان صعبة بس لأن ما أختار بسرعة
فكرت بأكثر من عنوان وغيرتهم


هذي الحكمة من زمان تعجبني

عِشْ عزيزاً أوْ مُتْ وَأنتَ كَرِيمٌ
بَينَ طَعْنِ القَنَا وَخَفْقِ البُنُودِ




تؤمن بأنه في حياة سابقة
نفس الشخص اللي يحس نفسه شخص ثاني عاش من قبل
وتكون عنده ذكريات من حياة سابقة
سمعت قصص في اليوتيوب
ف حبيت أسألكم إذا تصدقون مثل هالأشياء ولا ؟

[المعتفس]

لا ماصدقها واول مرة ادري عنها
وانتبهي من هالاوهام نصيحة

اقرب اعضاء لك ؟

[رُوح]

أنا مو أني أصدقها ولا أكذبها
بس القصص عجيبة ويجيبون ناس يتكلمون عن حياتهم السابقة


اللي أسولف معاهم أحسهم قريبين

والوفا أحس قصتها مثلي شوي
وأنا وهي من نفس الإمارة
ونحب الرسم بس ما كان في اهتمام كبير بالرسم ف المدرسة
واحس أننا كنا بنفس المدرسة > بس ما سألتها بعدي
وحتى شخصيتها الطيبة الحساسة تذكرني بنفسي سابقاً

الحين أنا تغيرت وتوحشت شوي :356:



شي تحبونه بنفسكم ؟

[آلهيمانة]

احب ثقتي بنفسي :1044:


هل هناك شخص تريد الانتقام منه،؟ لو هي شو السبب ؟

[المعتفس]

لا مافيه

نفسه

[رُوح]

لا مافي الأمور طيبة حتى الآن :d




آخر شي ضحكك ..؟

[لمعة الماسه]

ماتذكر

نفسه

[جلنار]

قبل شوي انقالت سالفة وضحكنا


مفهوم الحرية عندك في ماذا؟

[alwafa]

•'










الحريـهه : الكلمةة ب حد ذاتها اتيب السعاده ههههه ،
في نظري تسوي الي تبـاه بس تحت بنود ،
حره في تصرفـاتي ,
اولا ما يتعدى الاسلام و ثانيا في حدود الادب و الاحترام و انتهى

في ماذا هذي لعبت ف راسي ههت
قصدج في شو يعني.!

.
.

نقول نفســهه >> مخها مقفل ع الصبح ،:qqb009:

[المعتفس]

اعجبتني ماتتعدى الإسلام
زي مااعجبني مفهوم الصداقة عندك بين الجنسين فموضوع آدم يسأل وحواء تجيب
الله يكثر من أمثالك

وجوابي مقارب جدا لجوابك


هل تعاني من أي مرض مزمن ؟إذا تعاني ..ويش هو المرض ؟

[رُوح]

مدري إذا يعتبر مزمن أو لا
بس الدكتور قالي يمكن عندج شريان صغير مسدود ف العقل
لأن في أشياء ما أقدر أركز فيها أو أسويها صح
وقال أن هالشي ما يبين في التحليل ولا الأشعة



نفسه ..؟

[خآبت ظنوٰني]

الله يشفي الجميع يارب
الحمدلله على الصحه
..

هل حققت اهدافك/ج؟

[رُوح]

اللهم آمين

حققت بعضها فقط




شي ودكم تحققونه هالسنة ؟

[المعتفس]

اترقى في العمل

نفسه

[رُوح]

يارب يتحقق اللي تبيه وتترقى بأقرب وقت


ودي أرسم لوحة خرافية وأبيعها بمليون :d



لو قالوا لك أرسم لوحة والجايزة مليون ريال
شوو بترسم ؟

[alwafa]

•'









رسمتي ما بتي ب ريال ،
وين بعد برسم رسمـهه تسوى مليون عاد ،:35:




.
.
.



شو هو الشي اذا شفتـهه يخليك تعصب بسرعه .!

[رُوح]

إذا شفت حد يضرب طفل أو يبكيه
أحس ودي أذبحه :356:



نفسه ؟

[المعتفس]

طفل من ضحايا الحرب

نفسه ؟

[خفايآ روح~••]

المتويقح والوقاحه





نفسه

[غربة روح]

إذا حد ضرب أختى الصغيرة ..


تحب البرد !

[رُوح]

كثير وحتى الثلج أحبه


شخصية تحسون أنها تمثلكم
سواء برواية أو فلم أو مسلسل ؟

[خفايآ روح~••]

محظوظه



نفسه

[رُوح]

شخصية سارة في رواية " فاتنة الكتب "




لونكم المفضل في اللبس ..؟

[المهاجر]

الكحلي
تحب السفر

[أرجوك!]

اكيد


حلم من احلامك قدرت تحققه ؟

[YONA]

-


سافرت دول كان بخاطري اسافر لها . .

جم لغة تعرف ؟

[رُوح]

زيادة على العربي
أعرف هندي > أفهم أغلب الكلام وأتكلم
أعرف انجليزي > أفهم أكثر من أني أتكلم
أصعب لغة عندي الانجليزي مدري ليش !


نفسه ؟

[المعتفس]

الانجليزي
بس ماصير بلبل فيها الا اذا عصبت :m1:

عشاكم

[YONA]

-



ما تعشيت

سياسيين ؟ . .

[أرجوك!]

حسب المزاج



الفرصه كم مره تجي ؟

[المهاجر]

يقولون مره وحده
وانا اقول تجي مرات لكن البعض مايستغلها
نفس السؤال

[أرجوك!]

مره وحده و اذا راحت ماترجع



تستغل الوقت زين ولا عادي؟

[المهاجر]

اكيد استغله بالثواني
ماهي افضل مراحل عمرك الي عشتها

[أرجوك!]

ايام دراسة الثانوي




تبداء يومك بقهوة او كاسة موية ؟

[المهاجر]

حبة الضفط والغده عافاكم الله
مع كاسة مويا
ان شاء الله ماتعاني من مرض مزمن

[أرجوك!]

ماتشوف شر


لا الحمدالله ع تمام الصحه و العافيه



ابعد مكان سافرت له ؟

[المهاجر]

تركيا

اكثر شخص ترتاح له

[أرجوك!]

صراحه ماعرف احد لكن حاليا اللي العب معاه انت بما انك تحب تمزح :98e1ef1e89:




تصرف غريب ينرفزك؟

[المهاجر]

عندما يتصدر الجاهلون المجالس
فاكهه تحبها

[أرجوك!]

البرتقال



لونك المفضل ؟

[alwafa]

،’










أصفر :c1412331e9: ’


.
.



أحلى مرحله في عمرك ك . ؟ و ليش؟

[رُوح]

الطفولة
كانت حلوة وكلها مغامرات
وذكرياتي الحلوة أكثر من الشينة



موهبة عندكم لو طورتوها تحسون أنها ممكن تجيب ملايين
و بدون ما تحتاجون لـ رأس مال ؟
( السؤال للتفكير بعد )
لأن أحس كل شخص عنده هالموهبة بس لازم يكتشفها ويطورها

[المعتفس]

يمكن الشعر ..والتدريب الرياضي


نفسه

[رُوح]

صح لاحظت هالشي وحتى تفسير الأحلام ترى عندك موهبة فيه

أما أنا
الرسم والتصوير والتصميم
أحس أكثر شي الرسم > لازم أطور هالموهبة



مشروع في بالكم ودكم تسوونه ؟

[المعتفس]

ودي اسوي جم رياضي اتكسب منه
وودي اربي أغنام مو للبيع والشرا..بس كذا حاب تربيتها

نفسه

[رُوح]

حلوة فكرة الجم 👍🏻

في بالي مشروع محل ورد
وودي أتعلم تنسيق الورد بنفسي
وأقعد في محلي أشوف الورد أشكال وألوان
وأشم ريحة الورد
وبعد مطعم أكلات عالمية وكافيه نسائي




دولة ودكم تسافرون لها .. ولماذا؟

[المعتفس]

ولا دولة

نفسه

[رُوح]

سويسرا أو النرويج > عشان أتأمل المناظر الطبيعية فقط




شي إذا سويته تحس بسعادة كبيرة ؟

[المعتفس]

مافي شي يذكر
مو دايم نفس الشي اللي يسعدني يسعدني على طول

نفسه

[رُوح]

لما أساعد حد حتى لو بشي بسيط
ولما أنقذ الأطفال
لأنهم مرات يحطون نفسهم بمواقف خطيرة
مثلاً يوقفون بمكان خطير وقريب يطيحون ويمكن يموتون
لما أوصل في اللحظة المناسبة وأنقذهم
أحس بسعادة وأحس بشعور كأني بطلة :1114:




تحبون الصيف أكثر ولا الشتاء ؟

[المعتفس]

الحمدلله بدا يرجع الصيف

ماحب الشتا

اعضاء يحمسوك للمنتدى ؟

[رُوح]

كل المبدعين واللي طموحهم عالي وأحلامهم كبيرة
والمتفائلين واللي ما عندهم شي مستحيل



نفسه ؟

[المعتفس]

صراحة محد
انا احمس نفسي بنفسي

متى تحس انك ضعيف ؟

[رُوح]

إذا كنت جاهلة بشي وما أعرفه أحسه ضعف
لأن العلم قوة


نفسه ..؟

[المعتفس]

إذا تأملت خلق الله خصوصا الجبال
ولما امرض

متى تحس انك قوي ؟

[رُوح]

إذا منعت نفسي من غلط وأنا أقدر أسويه
مثلاً أقدر أسرق بس ما أسرق و مثل هالأشياء
ولما أمسك نفسي إذا عصبت وأحافظ على هدوئي وما أتهور


نفسه ؟ > حلوة أسئلتك

[المعتفس]

لما اكفخ واحد قوي بيدي

اكلتك المفضلة ؟

[رُوح]

مدري ما أحس في شي مفضل
أهم شي ما يكون طعم الأكلة حلو بزيادة
ولا يكون فيها زيت كثير
ولا تكون سبايسي بزيادة
أحب كل شي يكون وسط


نفسه ؟

[المعتفس]

أحب الأكلات اليمنية والباكستانية أهم شي من مطعم نظيف
وأحب أكلات جنوب السعودية

متى اخر مرة بكيت وليه ؟

[رُوح]

قبل أسبوع / من كلام
بعدين قلت شكلي فاهمة غلط ورضيت من نفسي
بس مدري إذا كنت صدق فاهمة غلط ولا
بس تأثرت وسويت فلم مع نفسي


نفسه ..؟

[المعتفس]

تقريبا شهرين ..دخل ابوي العناية المركزة وكنت موقع على ورقة
ان احتمال كبير يفارق الحياة فغرفة العمليات لأن العملية خطيرة على كبار السن
بس الحمدلله طلع منها
أطباع ماتحب تشوفها لا في المرأة ولا في الرجل؟

[رُوح]

^ الحمدلله على سلامته ما يشوف شر
والله يخليه لكم ويطول بعمره


طبع في الاثنين
التحكم والسيطرة ولما يبونا نصير على كيفهم وعلى ذوقهم
لأن يقدرون يتركونا بكل بساطة مو مجبورين علينا
واللي يحسبون نفسهم آخر حبة وبنموت بدونهم



آخر كتاب اشتريتوه ؟ > طبعاً إذا تحبون الكتب

[المعتفس]

الله يسلمك ويخلي لك أحبابك

ماحب الكتب ولا القراءة

نفسه

[رُوح]

كتاب " كيف تكون غير مثالي بصورة مثالية "
الحلو فيه أن مافيه كلام كثير ممل
يعني فقرات مختصرة وعبارات حلوة
والصفحات ملونة وفيه صور يفتح النفس للقراءة



متى تعاندون ..؟

[المعتفس]

اعاند إذا عاندوا

نفسه