في سما حُبك سدَم

[عبير]

في سما حُبك سدَم

-








في وسط قلبي سفينه وفي سما حُبك سدَم
تشتهي بحرك وتجري عكس شهوتها الرياح

كن هذا الصبح بـ العتمه بليّاك ، إنردَم
يا صباح الخير من غيرك بلا خير الصباح

أثر ثلج فراقنا يلسَع وشوقك ، ما خِدَم
توّي أفهم :شنهو تعني لسعة الثلج لـ فلاح

لا تحارب ما أبيك تعض إبهامك نِدَم ،
جيت لك :قصدي إنت فاهم ، شوووف ما أحمل سلاح

الزعل : غلطة حبايب قلب من قلب إنصِدَم
والرضى ساكت ، وعزة نفس تتثاقل سماح

ياحبيب الجرح شوف إحساس محبوبك عَدَم :
ما يحس القلب في جرحك وهو كله جراح

كان في وجهك بقى لك دمعتين ، وفيه دَم ؟
هذي هُدنه نتّفق ب شروط وننساه اللي راح

يا أجي أرضك وأترك فيها لي بصمة قدَم ،
أو أصد وأكتب عليها : أرض مافيها صلاح

يا أعيش بـ وسط قلبك ونبني كل شي إنهِدَم
وإلا قدامك أموت وأوقف ب وجه الرماح

إعتبر نفسك معزّب و المشاعر لك : خَدَم ،
وإنت كيفك دام قلبي أرض منزوعة سلاح

عبدالله ,مستحيل ,أمَوآج آلشَرقَيهہْ♥ و 2 آخرون معجبون بهذا

رآنيا ,المعتفس

الموضوع الأصلي: في سما حُبك سدَم || الكاتب: عبير || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

td slh pEf; s]Ql

[المعتفس]

يسعد صباح ذوقك

تسلمين

عبير معجب بهذا

[رآنيا]

سلم الذوق الرفيع
نقل رائع جدا
الله يقويك ويعطيك العافية يالغلا

~

عبير معجب بهذا

[عبير]

نورتوا

[أمَوآج آلشَرقَيهہْ♥]

جميله جدآ ..
صح لسآن قآيلهآ وسلمتي على النقل ..


-

[مستحيل]

عبير

يا روعتك