المتينات

[‏عآزفّ النّآي]

المتينات

للزين قالو من قديماً علامات
عينن ومبسم والجسم والرشاقه
لكن كسر هالقاعده هالمتينات
من واقعن ماهو كلام وبلاغه
اللي محليهن ولوهن ثقيلات
دايم اخفاف الدم وفيهن لباقه
الله ياهن ياجماعه لطيفات
وعلى الكلام الحلو فيهن طلابه
ماهو ضروري بالرشاقه رشيقات
وزود الوزن ماهو بيعني اعاقه
صحيح بعض اللبس يعني اهانات
الوزن بالضيق عديم العلاقه
بس ماهو ضروري يلبسن استرتشات
يازينهن واللبس واسع نطاقه
لا بارك الله فيك يالضيق مرات
ترى السعه مرات تعطي اناقه
قالو الرجيم اليوم هم البنيات
قلت الرجيم أدري يبي له فراغه
وقالو الرياضه قلت لالا ماهن مريضات
لسكر لا ما معاهن بطاقه
قابلهن الله بلا رجيم ورياضات
بهديهن مني من الورد باقه
هن دفئ هذا المجتمع هن رقيقات
هن ملح هن سكر لذيذن مذاقه
هن لا سألتوني عن الحب بسكات
بقول هن فيهن عن الحب طاقه
ماهو كلام اللي كتبته وأشاعات
أنـآ _ ربطتني مع متينـــه علاقه


حمد السعيد

رسم ,نايف معجبون بهذا

الموضوع الأصلي: المتينات || الكاتب: عآزفّ النّآي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hgljdkhj

[عبير الجوري]

جمال جمال الجوهر بيظل
شكرا لك
ابيات جميله

[‏نايف]

قالها نيوتن من 300 سنه راحت وقبل حمد السعيد
‏ كلما زادت الكتله ‏زادت الجاذبيه
بس محد صدقه .. ☹
يعني وش مصلحته عشان يكذب علينا 😂😂

@رآنيا
يرحم امك فكي الشبك تبع حقين جلب الحبيب
وفتح النصيب اللي عندنا
عشان يكملون عوامل الجذب بعد قانون نيوتن
وقصيدة حمد السعيد وخلينا نشوف شغلنا
ونوجه السوق الى فئة الوزن الثقيل 🤪

اي وحده تحت سقف الـ 100 كيلو لاتورينا وجهها 😡

صح نسيت اقلك عازف يسلموو ع القصيده
اللي تساوي وزنها ذهب
وماراح ننسى نسبتك من ارباح المشروع

عآزفّ النّآي ,رآنيا ,رسم معجبون بهذا

[رسم]

،.

ههههههههههه
كل ما زاد الوزن زادت خفة الدم
<<<<< عشر حبات ساندويتش جينه وزيتون



الابيات حلوه صراحه في حق المتينات
وانا اشوف الذوق دايم في اختياراتهن

صحّ لسان شاعرها
وصحّ ذوقك
عازف النّاي


<<< بساعد جلب الحبيب يزوج نايف متينه👀

عآزفّ النّآي ,نايف معجبون بهذا

[شرُوق]

-



صح اللسان الشاعر
وسلمت ذائِقتك

عآزفّ النّآي معجب بهذا

[كريزما]

_






توفقتِ في الطرح والأنتقاء
شكرا لك ولحضورك الراقي
لاخلا ولاعدم

عآزفّ النّآي معجب بهذا