ما عدت ذاك السنافي

[‏*** سُهيل ***]

ما عدت ذاك السنافي

البارحة بيحت ما كان خافي
والنفس أنكرها الذي قد عرفها


والعقل طيرته هناك السوافي
والخافية في النفس جِبْنا ظُرَفْها


كنت الحكيم اللي كلامه يشافي
وِيخلّص نفوس العرب من قرفها


ياما كتبته من جميل القوافي
أسْعد بها قلوبٍ تعبها جرفها


ويا كم تكفى اَلْبَستها ثوب ضافي
والكَلْمَة اَبْداً ما خفرنا شرفها


واليوم اْنا ما عدت ذاك السنافي
اللي إذا ضاقت عليهم صرفها


وما عدت ذاك اللي من اَوَّل خُرافي
مهما جفت دنياه يَمِّه حَرَفْها


ذاك الزَّمن مرَّت سنينه عوافي
واليوم ذكرى ما بقى الا طرفها


سنينها لا شك باتت عجافي
من ضَنْكَها ما عاد نذكر سرفها


أحداثها الحلوة جفتنا يـَ كافي
ما كِنَنَا في يوم عاشنا تَرَفْها


الحزن فوق وجيهنا اليوم طافي
و الذاكره ما تشتكي من خرفها


ما كل جرحٍ له من الناس رافي
ولا كل طرفٍ دمع حزنه ذرفها


كل الأماني إني اليوم غافي
(وِنْ) السعادة واقعي ما زرفها



سُهيل

رآنيا ,احساس غريب ,رسم و 1 آخرون معجبون بهذا

مسترٍيَحٍ آلُبآلُ

الموضوع الأصلي: ما عدت ذاك السنافي || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

lh u]j `h; hgskhtd