السر وراء دخول او خروج احد من حياتك

[معزوفة]

السر وراء دخول او خروج احد من حياتك

يوم كنت أقرأ سورة البقرة اليوم وقفت عند آيه:
" ولولا دفع الله الناس بعضهم ببعض لفسدت الأرض ولكن الله ذو فضل على العالمين"
سورة البقرة 2511
الآيه معناها العام ان الله يغير الناس بالناس

وها الحقيقة خلتني اتأمل الحياة و دخول بعض الناس لحياتنا بوقت معين
هالشيء موب عبث أبدًا .. ولا صدفة نهائيًا كل شخص دخل حياتك او ظهر فيها معناته له دور بالأحداث والتغييرات اللي تصير لك وتصير بشخصيتك وتصير بحياتك
او ان هالشخص راح ( يدفعك) او راح ( تدفعينه) لشيء معين

عشان كذا حاولي تفهمين وش معنى ظهور اشخاص بحياتك؟ ولا تتجاهلين هالشي لأنك ) ضروري (تفهمين عشان تنتقلين من مرحلة لمرحلة..
بشرح لك

دخول اشخاص بحياتك او خروجهم من حياتك
اما راح يوصلك لمستوى وعي معين او راح يكشف لك جانب من شخصيتك او راح ينبهك على اخطائك او راح يعلمك شي جديد عن نفسك او عن الحياة او راح ( يدفعك) بإتجاه معين..

فيه أشخاص راح يظهرون بحياتك ويتصرفون بشكل غير مريح او يضايقونك او يستغلونك..
بس في الحقيقة هم قاعدين يخلونك تكتشفين اشياء بشخصيتك و جوانب لازم تطورينها بنفسك لأنك راح تعرفين منهم ان فيه ( ثغرة ضعيفة بشخصيتك ) ما انتبهتي لها بس هم شافوها و دخلوا لك منها

هالأشخاص راح يدفعونك انك تكونين أذكى واقوى و تقيمين الناس بشكل مختلف بالمره الجايه .. و راح تنتقلين المستوى وعي اعلى .. و راح تنتبهين لأشياء كثير ما كنتي منتبهه لها

وفيه أشخاص يدخلون حياتك وتلاحظين ان فيك جوانب تغيرت للأفضل.. و انك تقدمتي بحياتك بشكل اسرع
لأنهم راح ينبهونك على نقاط قوتك ولأن التعامل معهم يساعدك تشوفين مميزاتك بشكل أوضح.. هالشي راح ( يدفعك) بإتجاه ايجابي بحياتك و ( يفتح لك باب) جديد.. ماكان راح ينفتح بدون ظهورهم

وفيه اشخاص يظهرون بحياتك بتوقيت غريب جدًا وبظروف وأحداث غريبة
مثلا تكونين تمرين بمرحلة مهمة او قاعده تفكرين بقرار كبير وتحسين بفوضى و تشتت بحياتك .. ظهورهم بحياتك ( يدفعك) لهذا القرار، او ( يدفعك ) أنك تتراجعين عن هالقرار و تشوفين الأمور بشكل مختلف ومن زاويه مختلفة تماما

وفيه أشخاص يظهرون بحياتك عشان يختبرونك
مثلاً يختبرون اخلاقك ومبادئك وثقتك بنفسك
ممكن تقولين مثلا انا عندي مبدأ كذا او كذا، او انا واثقه بنفسي او غيره
لكن اذا ظهر شخص بحياتك يختبر هالمبدأ وها لثقه بأفعاله و كلامه و بدأ ( يدفعك) بإتجاه معين وقتها راح تعرفين
هل انت فعلا عندك هذا المبدأ؟ هل انت فعلا عندك هذه الثقه؟
كله راح يبين

وفيه اشخاص يظهرون بحياتك بأوقات صعبة جدا بس عشان يدعمونك
ويخففون عليك بشكل او بآخر و عشان ( يدفعونك وتعدين هذه المرحلة .
وبعدين ينتهي دورهم بحياتك وتتغيرين و تكتشفين انها كانت مرحلة .. وعدت


السؤال الحين..
كيف تفهمين وش دور الناس اللي ظهروا بحياتك؟
الجواب: انك تفكرين بمشاعرك واحساسك الداخلي تجاههم
بقولك سر عجيب


السر هو انك ( تراقبين مشاعرك)
راقبي مشاعرك تجاه هذا الشخص.. وشوفي وش تحسين، و اسألي نفسك: أنا ليش احس كذا تجاه هذا الشخص؟
و ارجعي ورا شوووي بس
وشوفي وش التغيير اللي صار بحياتك يوم دخلها هذا الشخص..
وش تعلمتي؟
وش اكتشفتي عن نفسك؟
وش الجانب اللي ظهر من شخصيتك بوجوده؟ هل هذا الشخص ( دفعك ) للأفضل؟ أو للأسوأ؟


كوني صادقة جدا مع نفسك
ولا تهربين من الحقيقة..
و لا تلعبين دور الضحية ابدا .
ولا تلومين الشخص هذا ابدا على اي شي صار لك او صار بحياتك بوجوده
حرفيًا اعتبري هذا الشخص ( أداة)
وش كشفت لك هالأداة بشخصيتك؟ وكيف غيرت حياتك؟

وبقولك شي مهم هنا
اذا عرفتي تجاوبين بصدق و شفتي حقيقة نفسك وعرفتي وش انكشف لك يوم ظهر هذا الشخص.. معناته:
انك تعلمتي الدرس خلاص ورحتي لمرحلة اعلى

تكذبين على نفسك وتلفين وتدورين عشان ماتواجهين حقيقتك .. معناته
راح يظهر لك شخص ثاني نفسسس الشخص الأول..
و راح يعطيك نفسسسس الدرس من الأول
ليش؟
لأنك لازلتي بنفس المرحلة
و لأنك ماحليتي الواجب رجع انعاد الدرس.. وراح ينعاد الين تفهمينه

فكري بالكلام وفكري بالأشخاص اللي ظهروا بحياتك
و راح تلقينه صح .. ليش؟
لأن الناس يغيرون الناس

ولولا دفع الله الناس بعضهم ببعض لفسدت الأرض
وهذا السر .. بكل بساطة

هذي رسالة خاصة لاخواتي اتمنى انكم استفدتوا ..

الموضوع الأصلي: السر وراء دخول او خروج احد من حياتك || الكاتب: معزوفة || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hgsv ,vhx ]o,g h, ov,[ hp] lk pdhj; hgav pdhj; [],g ov,[ ,vhx

[دحومي]

متصفح رائع
طرح بمنتهى الرووعه
تسلم الانااامل يعطيك الف عاافيه
أتمنى لك مزيد من التميز
تقديري وأحترامي

[‏زهرآء]

انتقاء مميز
يعطيك ربي العافيه

[الفارس]

جلب رائع ومميز
شكراً لك من القلب على هذآ العطاء
بإنتظار جديدك العذب والمميز
لك أشهى الود و أجزلْ الشكرْ
دمت بِحفظ الله ورعآيتـَه