اِضحك

[‏*** سُهيل ***]

اِضحك

ما كل ضحكة .. وراها نفس مرتاحة
نضحك .. وآهاتنا في النفس مزحومة


ما دام دنياك هذي .. ما بها راحة
حطم جروحك ولو |ضِحْكَتْكْ| مزعومة


لا تشغل النفس بالَّطافي على الساحة
وْلا كل موقف يمرَّك تحمل همومه


شوف العصافير فوق الغصن صدّاحة
ما همها الغد (شِنهي) آخر علومه


صيادها حط فوق الأرض ردَّاحة
وان حلّقت في السما ما تأمن سهومه


ما هما : طايرة .. تمشي .. وسبَّاحه
حرة ولا همها الصياد ورجومه


خلك كذا طير حر الشمس مصباحه
شجاع لا مر ذِكْره يهزم خصومه


وِاْن خافوا الناس طول الليل وَاشْباحه
وسهروا من الخوف أنته ليلك تنومه


عيش الحياة (اِبَّسَاطة) نفس مزّاحه
أبْعد عن الحُزن لا يخْنقك جاثومه





سُهيل

احساس غريب ,دحومي ,عبير الجوري و 5 آخرون معجبون بهذا

رآنيا ,مسترٍيَحٍ آلُبآلُ ,الولهان عبدالله ,أوديت ,نقاء الورد

الموضوع الأصلي: اِضحك || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hAqp;

[نقاء الورد]

عيش الحياة (اِبَّسَاطة) نفس مزّاحه
أبْعد عن الحُزن لا يخْنقك جاثومه


والله ي سهيل هالحياه عايشينها سواء اضحكنا او ازعلنا
والزعل والحزن مش هيغير اشي في المكتوب
ف نضحك ونفرح ومناخدش الحياه ع محمل الجد بشده

راقت لي جداً
ابدعت
دمت بسعاده لا تفارقك

*** سُهيل *** ,الولهان عبدالله معجبون بهذا

[رسم]

،.
أبيات جزله كلها حكمه
فحواها ،، نتوكل على الله ونعيش برضا ولا نحمل همّ هالدنيا رغم صعوبة ذلك


صحّ نبضك
شاعرنا الممّيز سُهيل
وسلمت وطبت وطابت أوقاتك

*** سُهيل *** ,الولهان عبدالله معجبون بهذا

[الولهان عبدالله]

عش حياتك وطنش وعش وماكل ضحكه وراه قلب مرتاح

*** سُهيل *** ,أوديت معجبون بهذا

[مسترٍيَحٍ آلُبآلُ]

شاعرنا الراقي سهيل صح لسانك وعلا شانك لا هنت

*** سُهيل *** معجب بهذا

[عبير الجوري]

خلك كذا طير حر الشمس مصباحه
شجاع لا مر ذِكْره يهزم خصومه
رووعه
شكرا لك

*** سُهيل *** معجب بهذا