حواجز النفس

[علي]

حواجز النفس

ارجوك بعض المشاعر لاتهزهزها
ترى المشاعر تألم عند راعيها

وترى النفوس العزاز الها حواجزها
وحواجز النفس سترٍ من خوافيها

لا تقول لك كلمةٍ تحسبك تحرزها
وتطيح لاقمت منها منت قاويها

وان قلت لك كلمةٍ حاول تركزها
ولا ترى الصمت خيرٍ من حكاويها

ودعواك لاصار ما تقدر تنجزها
ازبن على واحدٍ ساعه وينهيها

ولا تجود على صبرٍ يعجزها
وتجيك في وسط بيتك ما تناديها

وكم واحدٍ حاجتها بالصدر يكنزها
من قل من يستمعله يوم يبديها

يخشى من اللي يهمزها يلمزها
يضحك بعض ناس لاكن ناس يبكيها

وشكواك لابن الردي حذرٍ تعنزها
يفضحك وتروح فيها وانت كاميها

وعليك تكبر ولا تقدر تميزها
وتضيع في طوشةٍ تبلش بتاليها

والسالفه يقدر الواحد يلفزها
ويقدر على ناس من شكله يمشيها

ولاتشغلك حرمةٍ منت متجوزها
تطرد وراها وغيرك يهتني فيها

ولا يفرحك شوف الارنب لو تنقزها
مادام ما شفتها بالنار شاويها

ولاتحسبٍ الذهب باي يد يزها
ترى الذهب ما يغير لون اياديها

والنفس حاول بحد اقصى تعززها
نفسٍ بلا عزها ماني مداريها

والناس لاتقوم بعيونك تخززها
احمد على العافيه واسلك مماشيها

ومن طاوع النفس تشقيه بغرايزها
ومن طاوع العقل يسلم من بلاويها

والمرجله ماتحب اللي يهاوزها
تبي لها واحدٍ دايم يحاضيها

واللي عيونه مع الظلما يغمزها
ماحدٍ درى عن عيونه لو يعنيها

ونفيستك وانت فاني لاتغزغزها
المقبره بأنتظارك وانت ناسيها

والناس دورات قادرها بعاجزها
ماخلق جنه ونار وزعوا فيها

وناسٍ مع الله وناس ابليس ناغزها
سبحان من ظل ناس وناس هاديها

وناسٍ تعلت وعلتها مراكزها
وناسٍ تبي الطيب مير الطيب فاحيها

وناسٍ تحفز ومعروفٍ تحفزها
وناسٍ تبي من يشيمها ويعطيها

وناسٍ تلعوز وتسلم من تلعوزها
وناسٍ مع اللعوزه تبطي لياليها

وناسٍ تبي نبز ناس وناس تنبزها
نابز ومنبوز لين الموت يفنيها

وناسٍ عجز رزقها يكمل عوايزها
لاهي فقارا وهي مالله مغنيها

حتى العجايز تبي ناسٍ تهمزها
العافيه والظنا ماهو مكفيها

وان قمت اعاند تفاكيري وابارزها
صارت حجاوي وانا ماني محجيها


للشاعر: عبدالله الباتل.

رآنيا ,أوديت معجبون بهذا

الموضوع الأصلي: حواجز النفس || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

p,h[. hgkts hgktsK p,h[.K hg'dfK hglahuv KkhsK

[دحومي]

كلمات رائعه
سطور جميله جدا
يعطيك الف الف عافيه
لك مني ارق واعذب التحايا
دمتم بخير ..

[رسم]

،.

كلمات رائعه
وقصيده جزله
سلمت عليّ
إنتقاء وذائقه مميّزه

[رآنيا]

الله يقويك ويعطيك العافية ع النقل الجميل

~

[نقاء الورد]

وشكواك لابن الردي حذرٍ تعنزها
يفضحك وتروح فيها وانت كاميها

مجموعة نصائح فيمه جداً
صيغت بأسلوب رائع
دائما مميز كالعاده علي
دمت بخير وسعاده
ويعطيك الف عافيه