الكامل الله والخطا طبع الانسان

[‏احساس غريب]

الكامل الله والخطا طبع الانسان

الكامل الله والخطا طبع الانسان





من طبعي ارد الإساءه { بالاحسان }
وأساير ظروف الزمان اللعينه ..

و أطوف الغلطه من { أفلان .. و فلان }
يعني من أجل { عين } تكرم مدينه ..

الكامل الله و الخطا طبع { الانسان }
و الدرب يفرق عن يساره و يمينه ..

و { الصاحب } اللي له معزه وله شان
ان جاني بشينه .. تذكرت زينه ..

اتحمل اخطاءه معي { قدر الأمكان }
من جانبي تبقى العلاقه متينه ..

و اللي { يغلطني } و انا ماني بغلطان
اصابعي احطها { وسط عينه } ..

مادامني مسلم و في قلبي إيمان
عمر{ البحر } ما شال هم السفينه ..

مرت علي { انواع .. و اشكال .. و ألوان }
بين { العقول } الناقصه .. و الرزينه

عندي قناعه ان { الإنسان شيطان }
اذا يهينك { لازم } انك تهينه ..

يعني اذا حاجتك { بيدين عدوان }
يكفيك شر المهزله .. و الغبينه ..

من{ كثر ما جاني } من الناس خذلان
تحرجني حتى كلمة { الله يعينه }

صحيح لي { ربع .. و جماعه .. و خلان }
و أضيق لكن حاجة الناس.. شينه

الشخص دام انه بكل شي{ خسران }
تأكد انهآ من عمايل { يدينه } ..

من مرحلة { حب .. و مشاعر .. و حرمان }
إن ما لعنت الحب تلعنه سنينه ..

اكتب شعر و اعزف من { اشواقي الحآن }
و اسلي قلوب الغرام الحزينه ..

و لو الشعر مخلوق في { هيئة انسان }
و الله لأقول له تسلم { و اقبل جبينه }


و سلامتكم

رآنيا ,عبير الجوري ,أوديت و 1 آخرون معجبون بهذا

علي

الموضوع الأصلي: الكامل الله والخطا طبع الانسان || الكاتب: احساس غريب || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hg;hlg hggi ,hgo'h 'fu hghkshk hghkshk hg;hlg

[عاقل المجانين]

اتحمل اخطاءه معي {*قدر*الأمكان*}
من جانبي تبقى العلاقه متينه ..

وبعدين رجع وقال الي يهينك لازم تعبنه

ناقص نفسه في نفس القصيدة
لكن تبقى قصيدة جميله وابيات جزله

شكرا لك احساس

دمت يارب

[رسم]

،.

الله
كثيير حلوه الأبيات
قيلت من قلب صادق من تجارب الحياة
صح لسان قائلها
وصحّ ذوقك الرّاقي. الحميل
إحساس

[عبير الجوري]

رووعه الأبيات جداا
شكرا لك

[رآنيا]

قصيدة جميلة واختيار موفق
ربي يعطيك العافية حبيبتي

~

[آرينَا]

-




مُتصفَح بِمحتَوى جَميل
كُل الشُكر للجُهد وَ العَطاء
لرُوحك الوَرد .