كيف حالك مع...!🤔

[نقاء الورد]

كيف حالك مع...!🤔

يسعد صباحكم وكل اوقاتكم بكل الورد آل غلاك كيف حالك مع......! 1- كَيْفَ حَالُكَ مَعَ اَلصَّلَاةِ؟ 2- كَيْفَ حَالُكِ مَعَ وَالِدَيْكَ؟ 4- كَيْفَ حَالَكَ مَعَ اَلْحُبِّ؟ 5- كَيْفَ حَالُكَ مَعَ اَلصَّدَاقَةِ؟ 6- كَيْفَ حَالَكَ مَعَ الْكُتُبِ ؟ 7- كَيْفَ حَالُكَ مَعَ الشِّتَاءِ وَالْأَجْوَاءِ الْمَاطِرَةِ ؟ 8- كَيْفَ حَالُكَ مَعَ الْأَكْلِ؟ 9- كَيْفَ حَالُكَ مَعَ الْأنْتَرْنِتْ ؟ واخيييراً 10- كَيْفَ حَالُكَ مَعَ نقاء ومواضيعا. 🫶 وكل سنه وانتم طيبين🌹 وسنه سعيده عليكم 🌹

شهد الروح معجب بهذا

الموضوع الأصلي: كيف حالك مع...!🤔 || الكاتب: نقاء الورد || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

;dt phg; lu>>>!🤔

[شهد الروح]

يسعد صباحك سحورتي وكل اوقاتك
وكل عام وانتي ب 1000 خير يا حب

الأسئلة لزيزة
اشتقنا لهالمواضيع الحلوة
مكاني هون أن شاء الله
بس لما اصحى واروق ههههههه
كل الحب

نقاء الورد معجب بهذا

[شهد الروح]

- كَيْفَ حَالُكَ مَعَ اَلصَّلَاةِ؟
الحمد لله .

2- كَيْفَ حَالُكِ مَعَ وَالِدَيْكَ؟
مع بابا مثالية وممتازة.انا مدللته وهو حبيبي وصديقي
كتير انا شبهه .وبجد ما في حد متل بابا هو نعم الاب والزوج والاخ والانسان
حظي كبير بهالدنني بس
لاني بنته يخليلي اياه وما يحرمني منه ابدا يا رب
هو الوحيد اللي بحبني بعد وفاة خالتو الله يرحمها
وبدافع عني وبحن عليي ودايما واقف ب صفي
مع ماما .ما ب عرف كيف اوصفها
بتعرفي هول السجانات المنزوع الرحمة منهم
بحس ماما واحدة منهم بتعاملها معي بس
كتير بستغرب حنيتها وحبها وخوفها الكبير ع خواتي
وجبروتها وقوتها وقسوتها بحقي . دايما بعيدة ولا مرة كانت صديقة
ما عمرها باستني او حضنتني متل ما كانت خالتو الله يررحمها تعمل معي
في فجوة كبيرة بيني وبينها مستحيل انا واياها نتفق باي موضوع
معيشاني تحت ضغط كتير كبير دايما عندي صداع ووجع بقلبي من ظلمها لالي بخاف تروح وهي مش راضية عني
من اقلا شي بتقلب ضدي وما بتحكيني بالايام
حزني واكتئابي سببه معاملتها لالي وكل يوم ببكي بسببها


4- كَيْفَ حَالَكَ مَعَ اَلْحُبِّ؟ههههههههههه
انتي الشاهدة ع قصصي وبتعرفي ادق التفاصيل
منطقي بالحب غريب
كنت ءاآمن فيه جدا وانو قادر يصنع المعجزات
كنت مجنونة احب من كل قلبي
اعطي من كل قلبي واحب الشخص وكانو قطعة مني
وكاني امه وهو ابني وانا مسؤولة عنه
كنت صادقة وحقيقية وحنونة جدا بمشاعري
حتى بس انخذلت مرة ما اتعلمت ضليت احب بنفس القوة والاندفاع
بس بالنهاية ادركت او بالاحرى وصلت ل حقيقة اني:
اكتر امرأة غير موفقة في الحب هههههه
وصلت لمرحلة هلا اني ما عدت ءآمن بوجوده واعتزلته نهائي

5- كَيْفَ حَالُكَ مَعَ اَلصَّدَاقَةِ؟
انا ك صديقة ما بختلف عن شهد ك حبيبة
ب واقعي ما عندي اي صداقات

اصدقائي كلهم عن طريق النت انتي اللي طلعت فيكي وكم شخص يعني
الصداقة مو كلمة تنقال والسلام.. متل الحب
لما احكي لحد انت صديقي او انت حبيبي بعنيها تماما
يمكن اككتر شي بجيده اني بسمع .بحس.براعي جدا
هي نقطة ضعفي دايما حزن اصدقائي هههههه
بكون واقفة معهم عالمرة قبل الحلوة
من سابع المستحيلات اتركههم لوحدهم لو حسيت بزعلهم
ووقت الفرفشة والضحك :بكون الصديقة الفرفوشة المهضومة
النغشة الطفولية العفوية المجنوووووونة حسب تعبيرهم هههههه


6- كَيْفَ حَالَكَ مَعَ الْكُتُبِ ؟
نبدا بالقصص من وانا صغيرة بحب اقرا
كتير كنت اقرا قصص اطفال .وقصص الانبياء والصصحابة
قرئت مسرحيات شكسبير وقت الجامعة صرت اميل ل دواوين الشعر بعدين انحصرت قراءتي للروايات الرومانسية
بس من زماااااااان ما قرئت
قطعت علاقتي بكل شي حتى الكتب

7- كَيْفَ حَالُكَ مَعَ الشِّتَاءِ وَالْأَجْوَاءِ الْمَاطِرَةِ ؟حبوووووو كتير ههههه
بس انو اخر سنتين كتير صاير يخوف الشتا عنا صار عندي فوبيا من صوت الرعد وصارت كتير حوادث مميتة عنا من السيول وقوة الامطار
بس انو اجمالا بحب ليالي الشتا ..امشي تحت المطر .اتطلع من الشباك
كنت احب اعمل هوتشوكليت واستمتع بقراءة رواية
بس نظامي هاي كلو اتغير بطلت شاعرية ورومانسية
بطلت انط واركض واطلع برة بس تشتي
حتى بحس حاليا بس يكون الانسان وحيد وحزين
انو المطر متل البحر بعمقوا احساس الشخص بالوحدة والحزن

8- كَيْفَ حَالُكَ مَعَ الْأَكْلِ؟حلوة ههههههه
العلاقة الوحيدة اللي ما عمرها انهارت بحياتي
بحب الاكل اللزيز والزاكي




9- كَيْفَ حَالُكَ مَعَ الْأنْتَرْنِتْ ؟
غير جو المنتديات ما الي فيه

واخيييراً
10- كَيْفَ حَالُكَ مَعَ نقاء ومواضيعا. 🫶
هو انتي رح تندمي تنزلي مواضيع متل هيك من ثرثرتي
اكتر مواضيع بحبها
مثلا هاد الموضوع واللي ع شاكلته
روح قلبي هيك مواضيع .بنفس الواحد نوعا ما
بحب الاختلاف فيها تنوعها
بحب فعالياتك ومسابقاتك وبليز لعبينا الحروف ههههه
حالي معك :ربي يديمه علينا ...انتي صديقتي الصدوقة
والانسانة اللي طلعت فيها بهالزمن اكتر حد بحزن عليي هههه
واكتر حد بحس اديش شفت انا من الدنيا بجد

وكل سنه وانتم طيبين🌹
وسنه سعيده عليكم 🌹
كل سنة وانتي طيبة توأمي
وسنة سعيدة عالجميع يا رب
ورداتي وحبي

[نقاء الورد]

	مع بابا مثالية وممتازة.انا مدللته وهو حبيبي وصديقي كتير انا شبهه .وبجد ما في حد متل بابا هو نعم الاب والزوج والاخ والانسان حظي كبير بهالدنني بس لاني بنته يخليلي اياه وما يحرمني منه ابدا يا رب هو الوحيد اللي بحبني بعد وفاة خالتو الله يرحمها وبدافع عني وبحن عليي ودايما واقف ب صفي مع ماما .ما ب عرف كيف اوصفها بتعرفي هول السجانات المنزوع الرحمة منهم بحس ماما واحدة منهم بتعاملها معي بس كتير بستغرب حنيتها وحبها وخوفها الكبير ع خواتي وجبروتها وقوتها وقسوتها بحقي . دايما بعيدة ولا مرة كانت صديقة ما عمرها باستني او حضنتني متل ما كانت خالتو الله يررحمها تعمل معي في فجوة كبيرة بيني وبينها مستحيل انا واياها نتفق باي موضوع معيشاني تحت ضغط كتير كبير دايما عندي صداع ووجع بقلبي من ظلمها لالي بخاف تروح وهي مش راضية عني من اقلا شي بتقلب ضدي وما بتحكيني بالايام حزني واكتئابي سببه معاملتها لالي وكل يوم ببكي بسببها

الله يخليلك ابوكِ ويحفظلك اياه ي رب
ويصلح حالك انتي وامك
ويهديكو ي رب
الصراحه اللي بتحكيه غريب
لتكون مش امك تكون مرة ابوكي ومحدش حاكيلك..هههه
بمزح طبعا بس عنجد مستغربه انا
انه الام مشاعرها تجاه ابناءها اشي بديهي وم فيه نقاش🤷‍♀️

	انتي الشاهدة ع قصصي وبتعرفي ادق التفاصيل منطقي بالحب غريب كنت ءاآمن فيه جدا وانو قادر يصنع المعجزات كنت مجنونة احب من كل قلبي اعطي من كل قلبي واحب الشخص وكانو قطعة مني وكاني امه وهو ابني وانا مسؤولة عنه كنت صادقة وحقيقية وحنونة جدا بمشاعري حتى بس انخذلت مرة ما اتعلمت ضليت احب بنفس القوة والاندفاع بس بالنهاية ادركت او بالاحرى وصلت ل حقيقة اني: اكتر امرأة غير موفقة في الحب هههههه وصلت لمرحلة هلا اني ما عدت ءآمن بوجوده واعتزلته نهائي

القصه مش قصة مش موفقه بالحب
القصه انه الحب الصادق صار عمله نادره
الحب كله هلا حب مصالح
ربي يرزقك الزوج الصالح يعوضك عن كل اللي مريتي فيه ي رب🤲🏼

	انا ك صديقة ما بختلف عن شهد ك حبيبة ب واقعي ما عندي اي صداقات اصدقائي كلهم عن طريق النت انتي اللي طلعت فيكي وكم شخص يعني الصداقة مو كلمة تنقال والسلام.. متل الحب لما احكي لحد انت صديقي او انت حبيبي بعنيها تماما يمكن اككتر شي بجيده اني بسمع .بحس.براعي جدا هي نقطة ضعفي دايما حزن اصدقائي هههههه بكون واقفة معهم عالمرة قبل الحلوة من سابع المستحيلات اتركههم لوحدهم لو حسيت بزعلهم ووقت الفرفشة والضحك :بكون الصديقة الفرفوشة المهضومة النغشة الطفولية العفوية المجنوووووونة حسب تعبيرهم هههههه

الصراحه انا اعترف انك صديقه رائعه وصدوقه
وجدعه وبتوقفي جنب اللي بحتاجك وبتدعميه
وانا بفتخر بصداقتك
وبشكرك من قلبي لكلامك عني
وانا برضه اطلعت فيك من عالم النت
وصداقتنا عمرها سنين وولا مره قلت او تغيرت

	نبدا بالقصص من وانا صغيرة بحب اقرا كتير كنت اقرا قصص اطفال .وقصص الانبياء والصصحابة قرئت مسرحيات شكسبير وقت الجامعة صرت اميل ل دواوين الشعر بعدين انحصرت قراءتي للروايات الرومانسية بس من زماااااااان ما قرئت قطعت علاقتي بكل شي حتى الكتب

انصحك بقراءة كتاب الله
لا كتاب بعده ولا قبله
ينفعك في الدنيا والاخره

	حبوووووو كتير ههههه بس انو اخر سنتين كتير صاير يخوف الشتا عنا صار عندي فوبيا من صوت الرعد وصارت كتير حوادث مميتة عنا من السيول وقوة الامطار بس انو اجمالا بحب ليالي الشتا ..امشي تحت المطر .اتطلع من الشباك كنت احب اعمل هوتشوكليت واستمتع بقراءة رواية بس نظامي هاي كلو اتغير بطلت شاعرية ورومانسية بطلت انط واركض واطلع برة بس تشتي حتى بحس حاليا بس يكون الانسان وحيد وحزين انو المطر متل البحر بعمقوا احساس الشخص بالوحدة والحزن

هههه..خلي الاجواء الرومانسيه ل اصحابها
احنا خلص راحت علينا.😪

	حلوة ههههههه العلاقة الوحيدة اللي ما عمرها انهارت بحياتي بحب الاكل اللزيز والزاكي

ايوا خليكِ هيك
وخليكِ مدلعه كرشك..😀
محدش ميخد معه حاجه🤣

	هو انتي رح تندمي تنزلي مواضيع متل هيك من ثرثرتي اكتر مواضيع بحبها مثلا هاد الموضوع واللي ع شاكلته روح قلبي هيك مواضيع .بنفس الواحد نوعا ما بحب الاختلاف فيها تنوعها بحب فعالياتك ومسابقاتك وبليز لعبينا الحروف ههههه حالي معك :ربي يديمه علينا ...انتي صديقتي الصدوقة والانسانة اللي طلعت فيها بهالزمن اكتر حد بحزن عليي هههه واكتر حد بحس اديش شفت انا من الدنيا بجد

كله بأجره وثوابه ان شاء الله
وصدقيني ربنا رح يعوضك ولو بعد حين
وانتي كمان الصديقه اللي اطلعت فيها
انتي نقيه ومخلصه واللي مثلك اقلال
ومعطاءه للي بتحبيهم بلا حدود
وبتشبهيني وهذا سبب استمرار علاقتنا
ربي م يحرمنا من بعض ويديم صداقتنا
وربي يعوضك خير ي رب

ما اندمت بالعكس حبيت ردودك
وبنبسط لما بتجاوبي
لاني بحسك نفستي وفضفضتي
ربي يسعدك ي رب ي توأم الروح

شهد الروح معجب بهذا