فوائد الكليه والمحافظه عليها

[نقاء الورد]

فوائد الكليه والمحافظه عليها

ازيكم عاملين ايه يا صحابي ممكن اعرفكم بنفسي أنا الكليه بتاعتكم اللي شغالة ليل نهار علشانكم أنا يا صاحبي بشرب دمك كل لحظة وبنضفه من السموم وارميها في البول علشان يرجعلك نضيف ومظبوط ومقدرش أرتاح ولا ثانية لأني بحبكم وخايفة عليكم وبشتغل مع القلب والأوعية علشان أظبطلك ضغطك وبساعد في رفع الهيموجلوبين علشان الأنيميا متزوركش وبنشّط فيتامين د علشان عضمك يبقى قوي. شايف البرنيطة اللي فوقي؟ دي الغدة الكظرية.. شغالة معايا وبتفرز هرمونات مهمة لجسمك أنا صغيرة أه بس لو بطلت يوم حياتكم هتتلخبط وساعتها هتروحوا غسيل كلى بالساعات ٣ مرات في الأسبوع وبرضو مش هيكون بنفس كفاءتي علشان كدا حافظوا عليّا اشربوا مية كويس علشان أعرف أنضّف الدم صح قللوا الملح علشان متعملّوش رمل وحصوات وخليكم مظبوطين في الأكل لأن كل السموم دي أنا اللي بشيلها ولأطفالكم يا أغلى ما ليّا للسخونية: سيتال – تمبورال – إبيمول – بارامول وابعدوا عن: بروفين – سيتافين – كتافلاي لأن الأدويه دي أنا اللي بغسل سمومها وممكن تضرّني جامد لو طفل عنده نزلة معوية: متنسوش السوائل ومحلول الجفاف هما المنقذين الحقيقيين علشاني يارب تكونوا سمعتوا صوتي وشغلي مكمل معاكم ومش هبطل ثانية بإذن الله بحبكم يا حبايبي.

سلطان ,أوديت ,شهد الروح و 2 آخرون معجبون بهذا

سما ,رآنيا

الموضوع الأصلي: فوائد الكليه والمحافظه عليها || الكاتب: نقاء الورد || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

t,hz] hg;gdi ,hglpht/i ugdih ugdih t,hz]