لقا ملغوم

[‏*** سُهيل ***]

لقا ملغوم

دخيلِك لا تقابلنا تُكُفِين العتب واللوم
وخلِّيني بك افرح واحتفل يا أجمل احبابي


أنا راسي من الدنيا وصَكَّات الزمن مزحوم
ولا وِدِّي أبرر لك (وَلَـ اتْحَدَّث) عن غيابي


أبمسح أمس من عمري أبستمتع بهذا اليوم
أبي نظرة من عيونك عليها أَغمض اهدابي


أنا بردان أبي حضنك أنا سهران ودي نوم
أبي ضمة تنسيني شقاي وحرقة أعصابي


تركت العالم وجيتك أبي لحظة لقا ملغوم
أبي لحظة أسجلها سعادة داخل كتابي


أنا مليت أسطر في تفاصيله شقا محروم
أبمحي كل لحظة بُعْد كانت مصدر اِغضابي


ترى لو تسأليني ليه أنا غايب (وَنَا) مكلوم
يموت الحب واللهفة تودِّع كل غُيَّابي


تناسي كل أسئلتك وعيشي فرحنا المقسوم
بعدها عاتبيني واسأليني (شنهي) اسبابي




سُهيل

نايف ,احساس غريب ,آلنـور و 5 آخرون معجبون بهذا

عبير الجوري ,سما ,رآنيا ,White ,أوديت

الموضوع الأصلي: لقا ملغوم || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

grh lgy,l

[Mili]

أنا بردان أبي حضنك أنا سهران ودي نوم
أبي ضمة تنسيني شقاي وحرقة أعصابي

أبدعت ، وآكثر ..

*** سُهيل *** معجب بهذا

[رسم]

،.

رائعه تحمل الاشتياق والعذر الأنيق
أبدعت شاعرنا
سُهيل
سلمت وصحّ نبضك
ودام حرفك الممّيز

*** سُهيل *** معجب بهذا

[White]

ابدعت صح لسانك
يعطيك العافية

*** سُهيل *** معجب بهذا

[رآنيا]

اهلا بهذا الحضور الجميل
ابيات جميلة ومبدعة اخي سهيل
سلمت قريحتك ويعطيك العافية يارب

~

*** سُهيل *** معجب بهذا

[سما]

الله ع حروفك اللي تلامس الاحساس
مشاعرك واضحة تخلي القارئ يحس بثقل الغياب وجمال اللقاء
هنا
أنا راسي من الدنيا وصَكَّات الزمن مزحوم
ولا وِدِّي أبرر لك (وَلَـ اتْحَدَّث) عن غيابي

قد ايش يكون الشخص منهك من ضغوط الحياه
ولايبغى يشرح ويبرر غيابه

صح لسانك شاعرنا وسلم إحساسك
قصيدتك مليانة مشاعر وفيها رغبة صادقة
إنك تترك كل ألم وتعيش لحظة حب صافية
رائع دائم وابدن قلمك الجميل
ودي لك +تقيمي

*** سُهيل *** معجب بهذا