فمان الجرح

[‏احساس غريب]

فمان الجرح

فمان الجرح

فمان الجرح .. لا والله فمان احزاني الكُبرى
فمان اغلى ثلاث سنين مِتّ بْها عشان اعيش

فمان الحب واحلام القلوب البيض والخضرا
فمان الآه من كثر الزعل والشوق والتطنيش

فمان عيونك اللي مالها بين العيون .. اُخرى
فمان غرورك اللي علّم الطاووس نفْش الريش

فمان عطورك اللي تسكن انفاسي .. وبالأحرى
فمان انفاسك اللي تسكن عطوري ومدري ليش؟

فمان الليل .. واحضان الدفا .. ومْصافح القمرا
فمان الباب والشبّاك يوم اواعدك ونطيش

فمان التوت .. والرمان .. واحلى فاكهه حمرا
فمان الضحكه اللي كنّها من مبسمك بخشيش

فمان غيابك اللي ماترك لمواصلك .. بُشرى
فمان الشك وظنون الخطا والكذب والتشويش

فمان العيد .. كنّي به يجيني وحالتي تزرى
يطبْطبْ فوق أكتافي حزن ويقول لي: معليش

فمان الجوع واحساس العطش .. ومفارقك صحرا
تعبت افتش لْواحاتها واضناني التفتيش

فمان ضلوع مكتوبٍ على أنحاءها اليُسرى
"هُنا توجد جروحي " لو تكرّمتي: بلا تنبيش

فمان دموع لا تُسمن ولا تُغني من الذكرى
وانا اللي ماقدرت اطلع من اجوائي معك بشويش

فمان الشارع اللي كلما جيته .. وانا أقرا
معاناتي من اول يوم في وصلك إلى التهميش

فمان الشاعر اللي يجمع بتجربْته الصغرى
فكر بدر .. ورومنسيّة نزار .. وفلسفة درويش

فمان العاشق المجني عليه .. بتسلية عذرا
من اول "بعشقك " حتى نهاية "ما تصبّرنيش "

فمان الخوف ويدينك جنود وأضلعي أسرى
وانا فيني من الإحباط .. مايكفي هزيمة جيش

فمان اشياء ماتنقال للعالم .. ولا تطرى
ممالك حُب .. دمّرها اللعب وسْياسة التطفيش

فمان الإيش؟ ما أدري .. ولكن الزمان ادرى
وانا اللي ضاع مايدري .. حبيبه ضيّعه لجل ايش؟

فمان الله ياقلبي مع انك جرح ما يبرى
كتب ربي عليّ اعيش من دونك .. وانا ما اعيش


و سلامتكم

شهد الروح ,الولهان عبدالله ,أوديت و 2 آخرون معجبون بهذا

سما ,رآنيا

الموضوع الأصلي: فمان الجرح || الكاتب: احساس غريب || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

tlhk hg[vp

[رآنيا]

جميلة جدًا
اختيار موفق
الله يقويك ويعطيك العافية

~

الولهان عبدالله معجب بهذا

[سما]

فمان الخوف ويدينك جنود وأضلعي أسرى
وانا فيني من الإحباط .. مايكفي هزيمة جيش

فمان اشياء ماتنقال للعالم .. ولا تطرى
ممالك حُب .. دمّرها اللعب وسْياسة التطفيش


صح لسان قايلها وسلم نقلك الجميل
ودي لك

الولهان عبدالله معجب بهذا

[رسم]

،.

أبيات من ذاكرة الغياب
كلها تنطق بالحنين وصدق الشّعور

شكراً لك يا غاليه
على الإنتقاء العذب الجميل

يعطيك العافيه

شهد الروح ,الولهان عبدالله معجبون بهذا

[الولهان عبدالله]

الله ع الكلمات الجميلة

أوديت معجب بهذا

[عاقل المجانين]

فمان اغلى ثلاث سنين مِتّ بْها عشان اعيش

جميل جدا التشبيه

صح لسانك