الكون موحش والمسا فاقد إحساس

[‏احساس غريب]

الكون موحش والمسا فاقد إحساس

الكون موحش والمسا فاقد إحساس





الكون موحش والمسا فاقد إحساس
والهم ينسج من خيالي قصيده

أكتب همومي بالقلم فوق قرطاس
وأرسم معاناة الجروح الجديده

القلب وش خلاه مخنوق الأنفاس
بين الضلوع العوج ينزف وريده

إلا الفراق وغربة الناس للناس
وبعض السوالف والعلوم المكيده

ياقلب لا تحزن ولا يغلبك ياس
إرتاح وإستبشر بلحظه سعيده

أقولها يا قلب لا باس لا باس
لاتقهرك سود الليال العنيده

اللي ذكر طيبي على العين والراس
واللي تجاهلني تجاهلت سيده

ماهمني من باعني دون مقياس
عزيت نفسي والأماني بعيده

أنا كذا طبعي مع كل الأجناس
القلب عزيته وشديت قيده

حوله من الأضلاع حطيت حراس
تحميه من غدر الليال الشديده

اللي يذوق الغدر صافي من الكاس
لابد يتعلّم وعلمه يفيده

ضويت لي في سود الأيام نبراس
يهدي حياتي للدروب الرشيده

واللي يحاول يسرق اللول والماس
ماطالته عينه ولا طالت إيده

يبطي ويشهر للبشر ذل الإفلاس
لا بدد أمواله بيفلس رصيده

محشوم فكري عن تفاكير الأدناس
نفسي عن الهفوات دايم زهيده

ماكل صيد يجيبه الحر قرناس
يموت بالرمضا ولا هو يصيده

واللي يحاول يكسر الراس بالفاس
مثل الذي بيده يكسّر حديده

كتبتها جمله أنا بين الأقواس
(لاتقرب النيران جسمك تبيده)

أعوذ بالرحمن من كل خناس
من الوساوس والحياة البليده

ياوجد حالي كل ماهب نسناس
سافرت بأفكاري لدنيا بعيده

أتذكر اللي غاب من خيرة الناس
اللي وصوفه في خيالي فريده

محشوم وافي طيب العرق والساس
بين البشر مافيه شخصٍ نديده

نسله من الأحرار والعرق دساس
رحل عن الدنيا بساعه نكيده

الله يكسي جسمه الغض بلباس
من سندس الفردوس حله جديده

بصبر على فرقاه والقلب حساس
حياتنا ماجت على ما نريده

هذي النهاية تنكتب فوق قرطاس
أرسلتها عبر الأثير بقصيده


و سلامتكم

راما ,سما معجبون بهذا

الموضوع الأصلي: الكون موحش والمسا فاقد إحساس || الكاتب: احساس غريب || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hg;,k l,pa ,hglsh thr] Ypshs g,ds hg;,k thr] Ypshs ,hglsh

[سما]

اللي ذكر طيبي على العين والراس
واللي تجاهلني تجاهلت سيده

ماهمني من باعني دون مقياس
عزيت نفسي والأماني بعيده

أنا كذا طبعي مع كل الأجناس
القلب عزيته وشديت قيده


الله ع القصيده صح لسان قايلها
وصح لسانك وذوقك ع هالطرح الرائع
كاني اشوف لون الحروف اخضر

[رسم]

،.

تهويدة للقلب المُتعب
تعزيه وتجزّي
صيغت بأجمل إحساس
رغم متاهات الرّوح ..!

إنتقاء رائع
وذائقه ممّيزه

سلم قائلها
وسلمتي غاليتي إحساس

[رآنيا]

اختيار جميل
الله يقويك ويعطيك العافية يارب

~

[‏زهرآء]

اختيار مميز
تشكرات عل اطروحتك الرائعه