ياليل

[‏عآزفّ النّآي]

ياليل

ياليل مـاذكر في حياتي تمنيت
مثل ابتسامه تنتشل قلب منصاب

مليت ورب البيت يــــاليل مليت
من الجروح اللى تجيني بلا اسباب

تدري يالليل اني على الجرح غنيت
غنيت دمعه والصدى ضــم الاهداب

تبي الحقيقه والصراحه ترجيت
فرحه ولكن الزمن بالعطا خاب

يـــــاليل قلي بدنيتي ويش سويت
حتى الهموم بداخلي تفتح ابواب

إن كان طيبي عيب ومشكلتي اوفيت
اااموت صادق وارفض اعيش كذاب

طبعي كذا عن ميزتي مــاتخليت
عندي مبادي دونها ترخص ارقاب

بيني وبينك يــــــــــاكثر ماتعنيت
ااركض بغرفه مغلقه مالها باب

غرفه وراها فرحتي دونها جيت
اركانها عتمه ولا حولي احـباب

كاس الفراق المر منه تقــهويت
انا اشهد إن الشوق ياليل غلاب

ياليل انا لاشفت مـــــــاعفت قفيت
اقفي ولو خلفي كثيرين الاصحاب

الا جروحي كل مارحت وقفيت
جتني تحمل صدتي لوم وعتاب

ماذكر ولو مره بحياتــــــي تهنيت
اضحك كذا والصدق عن شفتي غاب

صارت دموعي ضيف وعيوني البيت

ودايم تشوف من المناديل ترحــــــاب

لاشفت شمس الصبح ليديك حنيت
في داخلك حبر القلم بـالشقى ذاب

اسريك بالحالي واذا رحت ونيت
مابي تروح ودمعتي بين الاهداب

أكتب شعوري في ظلامك على ليت
ونورك ختم قصـــة عذابي على اب

يـــــــــــاليل قل لصبح اني تمنيت
بس ابتسامه تنتشل قلب منصاب

سعود العالي

أمَوآج آلشَرقَيهہْ♥ ,شهوده معجبون بهذا

الموضوع الأصلي: ياليل || الكاتب: عآزفّ النّآي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

dhgdg

[نقاء الورد]

يـــــــــــاليل قل لصبح اني تمنيت
بس ابتسامه تنتشل قلب منصاب

اختيار رائع ومميز
وكلمات جميله ومعبره
مميز بالاختيار كالعاده عازف
دمت بخير وسعاده

[شهد الروح]

جميلة ومؤثرة
وكتير ابيات منها بتصف حالي
سلم ذوقك واختيارك اخ عازف

والسلام لقلبك

[‏عآزفّ النّآي]

أنــــرتم المتصفح شهودهـ& ذات نقاء♥

[أمَوآج آلشَرقَيهہْ♥]

سلمت يمنآك على الإنتقاء المميز ..
قصيده جميله وإختيار موفق ..
وكل الشكر لسموك ..
-

[‏عآزفّ النّآي]

أنــــرتِ المتصفح أموآج الشرقية♥