تـذكريـن أيـّآمنـا .. واحنــا صغــآر
يـوم كنتـي تسألـي. عــدّ الحــروف
يــوم كنّــآ بيـن مجموعـة كبـــــآر
واسـألك قولـي اليـن الـرقم مـوف.؟
ان نـويتـي العــدّ قلتـي بـاختصـــآر
واحـد.اربـع .س بـع.عشريـن الألوف
نختـلف سـاعـات في صنـع القــرار
آنـا أشيـلك ؟ لا-أنـا..فـوق الكتــوف
تضـربينـي كـفّ في خـدّي اليســآر
آآآه يـاكـم جـا لخـدّي مـن كفــوف!
خـدّي الأيـمـن يصـيـبـه احمــرآآر
مـن كثر بوسـآت الإرضـاء العطـوف
مـاعـرفنــآ شـيّ اسمــه اعـتــذآآآر
بالزّعل نـرضي تصـانيف وصنوف
ان طلبتـك وصـف قلتـي صـار صـار
توصفينـي كـن مـافيـنـي وصــوف
نقتـســــم حـلـوى مـليئـــه بـالغبــار
تـاخـذيـن القسـم الأكـبر دون خـوف
نلـعب تقولـي : منــار آقـول: نــآر
نـرجع تقولـي: خـروف آقول: صـوف
تـجمعـين أعـواد وشـويـّة حـجــار
وقـتـهـا نـبـني مغـارات وكهــوف
تـرسميـني وحـش في وسـط الجــدار
تضحكـيـن بكـل أزمـات الظــروف
نجمـع الأصحـاب ونسـوّي قـطـــار
تـرفـض اللّـعبـه منيـره والهنــوف
نجتمـع عشـريـن صـاحب في مــدار
والعـلـب تهـتـزّ بـايـدينـا دفــوف
ان جـلستي درس مـن دون اخـتبـــار
وان وقـفتي كـلّ طـلاّبـك وقـــوف
في السبــاق نــدوّر أقـوى انحــدار
والشجـر نجعـل مـن أغصـانه سيـوف
مـايـهـمّ ان جـت لتـحديـد المســار
المـهـم انـّا علـى القـريـه نطــوف
وان تركتـيـنـا وعـانيـتـي حصــار
عـن مثـل ذا اليـوم تلقـينـا عــزوف
تطـلعيـن وفي يـدك قطـعـة خـيــار
تـاكـليـن وكـلّنـا خلـفـك صفــوف
شـدّتـك: ابـعـد وجنـّب يـاحمـــار
رغـبـتـك: غصبٍ على كـل الأنــوف
تبكـي أحـلى أيّـامنـا ذيـك الـدّيــار
تحـت ضـوء الشمـس والعـالم تشـوف
مـايهـمّ اللـيـل يـعنينـا الـنـّهــار
والقمــر بعيـوننـا يـعنـي خســوف
آنـا كنـت أقطـف من عيونـك ثمــار
وانتـي اللـي تثمّـري فـينـي قطــوف
-
عيدان الكناني
,hpJkh wyJJJhv
العرض العادي
