كرسي الإعتراف الرمضاني مع أخي نايف

[الولهان عبدالله]

كرسي الإعتراف الرمضاني مع أخي نايف

كرسي الإعتراف الرمضاني

السلام عليكم ورحمة الله وبركــــــــاته....
هـل هلالك رمضـان قـبل أيـام معدودات وراح يكــون فيهـ
كرسي الأعتراف
الطريقة نستضيـف ضيف على هذا الكـرسـي من أعضـاء منتدانا الغالي
الأسئلة وهـي
:
س1_ اسمك ؟؟
س2_كم عمرك؟؟
س3_رايك في رمضان هذي السنه ؟؟
س4_أذكر لنا قصة او موقف حدث لك في رمضان؟؟
س5_اكثر اكله تحبها في رمضاان ؟؟
س6- وش تفضل فطورك مع الاهل ولا برووحك ؟؟
س7ـ هل تدخلون المطبخ في رمضان؟؟أم تدعين العمل على امك و أخواتك؟؟
س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟
س9- هالسنه ناوي تختم القران؟؟
س10_وش العصير أو المشروب اللي تحب تشربه في رمضان؟؟
س11_انت من الناس اللي يزيد وزنهم في رمضان؟؟
س12_تقضي النهار كله نوم ؟ أو عادي تقضيه وانت صاحي؟؟
س13_الصيام يتعبك؟؟
س14_تتابع المسلسلات الرمضانية؟؟
س15_تفرح برمضان أكثر أو بالعيد أكثر؟؟



ملاحظه :

[ كل عضو يكون من إختيآري , وبتكون مدة الاستضافه يومين اذا تأخر العضو ]

أرجو من الأعضاء تقديم أساله للعضو المرشح

طبعا العضو راح يجاوب على أسإلتي الموجودة في الاعلى ثم يجاوب على اسإلة الأعضاء

سيتم ترشيح عضو لكرسي الاعتراف كل يوم الساعة الرابعة او الخامسة عصرا

رآنيا معجب بهذا

الموضوع الأصلي: كرسي الإعتراف الرمضاني مع أخي نايف || الكاتب: الولهان عبدالله || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

;vsd hgYujvht hgvlqhkd lu Hod khdt hgYujvht khdt

[الولهان عبدالله]

:75yh::ff1 (131):كل الشكر أقدمه لك اختي رانيا

رآنيا معجب بهذا

[alwafa]

•'










يا هلا ب راعي البشت الازرق
يا عساه دايم ،




- شو شعورك و انت مشرف ...؟؟
- لو قالو لك اختار غير القسم الي عليه شو راح تختـار ...؟؟
- ليش ما تبي اتم على طول مشرف ...؟؟
- كيف رمضـان معاك....؟؟
- من بدايـةة رمضان لين الحين طبخت شي ..؟؟ بمان انك طباخ ....؟





لي رجعــهه

الولهان عبدالله ,رآنيا معجبون بهذا

[‏نايف]

عليكم السلام ورحمة الله وبركاته
شكرا اخوي عبدالله
وسعيد بتواجدي معكم خلال هذه الاستضافه الجميله

‏

	س1_ اسمك ؟؟

اظن مناحي ويدلعوني النوحي
وينادوني نايف

‏

	س2_كم عمرك؟؟

الصبا ضاع من يدي وغزا الشيب مفرقي
ليت يايوم مولدي .. كنت يوما بلا غدِ
.
.
لقد بلغت من العمر عتياً يااولادي :ff1 (101):

	س3_رايك في رمضان هذي السنه ؟

كباقي السنوات الماضيه
شهر خير ولا يأتي الا بخير
اسأل الله أن يعينني واياكم على صيامه وقيامه
ويكتبنا فيه من المقبولين وان يجعلنا من عتقائه
من النار

	س4_أذكر لنا قصة او موقف حدث لك في رمضان؟؟

قبل العام وقت كان الحجر يبدأ من خمس المساء
دخل علي واحد قاطع اشاره قبل المغرب ومعي امي
واختي وشمعت فيه ودخلته في عمود الاشاره
وامي شمعت في القزاز واختي كانت ورا حضرت معنا
بين المراتب وهذاك طاح على وجهه على الدركسون
والايرباق منفتح بوجهه وامي جنبي ماسكه راسها
وساكته
انفضخ قلبي والله منا مشغول بأمي واختي
ومنا مشغول بذا اللي بلاني بعمره مدري مات
والا حي والا وش قصته .
لكن الحمدلله امي طلعت بصعروره صغيره بجبهتها
وذاك خذاله اغماءه بسيطه وصحي بعدها
دقيت على ولد عمي وجاب العزوه كلهم
اللي خذا امي واختي وراح يطمن عليهم المستشفى
ووداهم البيت واللي خاواني وتفطرنا على الرصيف
لين جاء نجم وعدت على خير الحمدلله

	س5_اكثر اكله تحبها في رمضاان ؟؟

الصراحه مو من عشاق الطحن الكثير في النعمه
على سفرة رمضان مويا وتمر وحبة سمبوسه ان حصل
وكم ملعقة شوربه والحمدلله نعمه من فضل ربي

	س6- وش تفضل فطورك مع الاهل ولا برووحك ؟؟

اكيد مع الاهل له طعم خاص

	س7ـ هل تدخلون المطبخ في رمضان؟؟أم تدعين العمل على امك و أخواتك؟؟

الصراحه صرت اتجنب الدخول للمطبخ
في هذا الوقت العصيب لأنه لاحظت كل ماادخل
اجيب لنفسي مصيبه ياناقص عليهم شي
يبوني اروح اجيبه والا يكرشوني بحجة ان وجودي
داخل غرفة العمليات يسبب لهم ربكه واشغال
لذلك صرت اخذ وضعية السبات الشتوي بغرفتي
لين يقولون خلاص اذن المغرب وزال الخطر

	س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟

الى الآن احاول على الاقل ختمه ولو لمره واحده
بخطة قراءة عشرين صفحه في اليوم

	س9- هالسنه ناوي تختم القران؟؟

ان شاءالله

	س10_وش العصير أو المشروب اللي تحب تشربه في رمضان؟؟

الصراحه انا مدمن شراب التوت تونو وافضله كثير
على الفيمتوو

	س11_انت من الناس اللي يزيد وزنهم في رمضان؟؟

يزيد على خفيف الحمدلله مو ذاك الشي الملاحظ

	س12_تقضي النهار كله نوم ؟ أو عادي تقضيه وانت صاحي؟؟

لا طبعا دوام وترييحه العصريه ان صار
الا اذا كنت في اجازه احيان ادبغها
لثنتين بعد الظهر او حولها

	س13_الصيام يتعبك؟؟

ابدا بالعكس ممتع جدا بالنسبه لي

	س14_تتابع المسلسلات الرمضانية؟؟

في الغالب مايعرض بين المغرب والعشاء فقط

	س15_تفرح برمضان أكثر أو بالعيد أكثر؟؟

رمضان اكثر صراحه احس ايامه الثلاثين
كلها عيد .

مع خالص الشكر والتقدير اخوي عبدالله

طقاقة أم عنبر ,خفايآ روح~•• ,متأمل و 2 آخرون معجبون بهذا

الولهان عبدالله ,رآنيا

[‏نايف]

	المشاركة الأصلية كتبت بواسطة alwafa

	•' يا هلا ب راعي البشت الازرق يا عساه دايم ، - شو شعورك و انت مشرف ...؟؟ - لو قالو لك اختار غير القسم الي عليه شو راح تختـار ...؟؟ - ليش ما تبي اتم على طول مشرف ...؟؟ - كيف رمضـان معاك....؟؟ - من بدايـةة رمضان لين الحين طبخت شي ..؟؟ بمان انك طباخ ....؟ لي رجعــهه

‏

	يا هلا ب راعي البشت الازرق يا عساه دايم ،

البقا ياصاحبة العبايه الموفي
وتدوم سعادتك يارب

	- شو شعورك و انت مشرف ...؟؟

صراحه مو شعور شخصي
بقدر ماهو رغبه اني اقدم
وعلى قد امكاناتي البسيطه
بعض الشيء لهذا الصرح الجميل
الذي جمعنا على المحبه والأخوه
ولصاحبته اختنا الراقيه والجميله
خلقا وتعاملا رانيا
والتي تستحق من يقدم ولو شي بسيط
من اجلها في الفتره البسيطه اللي راح
اكون فيها في منصب الاشراف

	- لو قالو لك اختار غير القسم الي عليه شو راح تختـار ...؟؟

يمكن قسم المطبخ مو لفنياتي وابداعاتي
بهذا المجال
بس حاب اصافق بكل القدور والصحون اللي فيه
في راس ام عنبر

	- ليش ما تبي اتم على طول مشرف ...؟؟

مااخفيك وفا بالنسبه لاعتقادي الشخصي
انه رانيا ماتحب تتجاهل احد يتواجد بأي
مجهود ولو بسيط في هذا المنتدى
وقد عرضت علي مهمة الاشراف مشكوره
ومنذ زمن طويل مضى
ولأني دائما حريص ان لا اخذل اي انسان
يضع ثقته في شخصي البسيط اعتذرت
عن الاشراف وقتها
ولنفس السبب انا الآن لا افضل الاستمرار
رانيا والمنتدى يستحقون تقديم الكثير
واخشى ان لا اكون الشخص الذي يستطيع
تقديم هذا الكثير .

	- كيف رمضـان معاك....؟؟

الحمدلله تمام التمام ليت الشهور كلها رمضان
الشيء المتعب فيه الدوام بس

	- من بدايـةة رمضان لين الحين طبخت شي ..؟؟ بمان انك طباخ ....؟

والله ياخوك كل مادخلت المطبخ زفتني الوالده
الله يحفظها مع مساعداتها
انا شخص مرحب فيه فقط اذا ناقصهم غرض
يبوني اجيبه
لذلك وحفظا لكرامتي صرت احاول ابعد
عن مسرح العمليات لين يجي وقت الهجوم

‏

	لي رجعــهه ‏

مرحب فيك في اي وقت تحبين الله يسعدك

طقاقة أم عنبر ,خفايآ روح~•• ,الولهان عبدالله و 2 آخرون معجبون بهذا

alwafa ,رآنيا

[آلهيمانة]

ي هلا و مرحبا بأخوي نايف ،
على حظك اني فاضيه و شفت انك فالكرسي

ف شسما هو نسال اساله عاديه
ولا اساله رمضانيه


المهم ماعلي منكم بسال اي سؤال
كيفي يو نو ههههههه
:ff1 (4):


من هو أكثر شخص تأمنه على أسرارك ؟

اقرب شخص لك فالمنتدى ؟

قد مره ارتكبت جريمة او مخالفه القانون ؟

ما هي عيوب نايف ؟

انزين ليش مارديت على أول سؤالين
من سؤال الاخ الولهان وقاعد اتلف و ادور هههههههههه

نايف ,الولهان عبدالله معجبون بهذا