النوم vs توماس

[توماس]

النوم vs توماس

بسم الله وعلى بركة الله

يا جماعة الربع الكرام منكم والكريمات ، المحصنين بجرعة واحدة والمحصنات
لم يكن الليل عندما يسدل ظلامة على الكون إلا ليعلن بذلك عن استئناف ساعات الراحة والسكون
بعد يوم طويل وشاق

ما ادري كيف أنقل لكم السيناريو والمعترك الذي يعتريني خاصة اذا بغيت اوقت المنبه على وقت الاستيقاظ
وكأن الصباح يناظرني مع الشباك يبي يقول لي صباح الخير يا حلو وين تنام ، تأخرت!!
والليل وهو على وشك الرحيل كأنه سيدة سهرانه عند صديقتها في ليلة يوم أحد من أخر أسبوع قبل الرواتب
وهي وقد استعدت لذهاب لمنزلها بعد سهرة ممتعة وقبل خروجها من صالة الزوار
تسأل عن ديكورات الغرفة وكيف ان هوم سنتر صاير يجيب تحف حلوة وفخمة

>> هذي خمس دقايق راحت وهي بمكانها

ثم تمشي قليلا و تلبس عبايتها وأثناء هي واقفه على المراية تضبط نقابها تقول إن بشرتها كانت
أحسن بس يوم استخدمت كريم تقشير الركبة على الوجه والرقبة خرب وجهها << الله اكبر عليك يا وليّة يا مفترية
وكيف كانت بشرتها ابيض من كذا بس مشكلة موية الورد اللي استخدمته قبل فترة وتحطه قبل
الميك اب كان هو السبب << طبعا وهي تتكلم تقرب وجهها للمراية وتبعده
ثم نست نفسها وأخذت لفة على جنب تبي تشوف كيف جاي وسطها وكيف زولها!!
نفس الحركة اللي تسويها بغرفة نومها بعد ما تلبس << يا فضيحتك يام زكي .. فشلتينا !!

>>> نطلع خمسين فوق

في كل مرة أثناء توقيت المنبه تسأل الهرمون الخاص بالساعة البيولوجية لك والمسئول عن معدل النوم وتقول له متى ننام أخوي ترانا مرهقين ؟

يرد عليك هو الاخر : خلها على الله انت بس طف الانوار وانسدح بفراشك على جوالك ربع ساعة وبعدين تنام
هو في الحقيقة ،، ليس لديه أي إجابة تخص المشكلة ولكنه في كل يوم يستخدم نفس الأسلوب ونفس الإجابة والأمور ماشية على هذا النمط

بينما وأنت في اجازتك السنوية خاصة اذا تم جدولتها بعد شهر رمضان المبارك فإنك سوف تتعرض لمشاكل كثيرة في النوم لا محالة

منذ ذلك الوقت إذا دخلت غرفة النوم أجد السرير وقد تحوّل إلى حلبة مصارعة
وفي الزاوية أجد الأخ ( النوم ) جالس على كرسي صغير متلحفا بمنشفة برتقالية اللون وخلفه الأخ الارق يؤازره في جولته !!

ألوّح للنوم بيدي عساه ينسى معاركنا اليومية ونرجع أصحاب كما كنا
ولكن دون جدوى

الجدير بالذكر أنه اثناء دخولك الغرفة تجد مجموعة من الاخوة الهرمونات باستقبالك
على رأسهم هرمون الميلاتونين يبتسم لك وهو يستقبلك ويساعدك على فسخ ملابسك لتلبس ملابس النوم

طبعا هرمون الميلاتونين هو المسئول عن النعاس ولا يعمل الا في الظلام ( خلف الكواليس )
يسألك أثناء تبديل الملابس وهو يمسك بالجزء العلوي من البيجامة ويمد لك الجزء السفلي ليحدد بداية وقت عمله
فيسالك وعيونه فيها خبث : هل تقرر أي نشاطات حميمية قبل النوم سيدي؟؟
يقولها وهو يرسل بعض النظرات للأخ الكريم المحترم هرمون التستوستيرون صاحب الفضل والفزعة ..... ألخ ألخ،>>> بدون تعليق لا نجيب العيد
طبعا يقولها لك وانت بوضع متجرد من كل شيء وقتها تحس بالغبنة وكأن الهرمونات هي من يتحكم فيك ثم تخربها وتقول له ابي انام لابوك لابو كل الهرمونات

طبعا انت مانت ناسي أبو الفزعات لكن من باب الادب ما تحط عينك بعينه تخاف تجحد فضله !!
فتلبس بسرعة وتدخل حلبة المصارعة

قبل يطلق الحكم صافرته لبدء الجولة الأولى

يدخل الجمهور المساندون للخصم وهم تباعاً : تويتر ، اليوتيوب ، سناب شات ، انستقرام ،واتس اب ، قوقل تيك توك

حتى الايمو يرسل لك اشعارات ما تدري وش سالفتها ،
اغلبها كأنهم أهل الحارة، لشغالتكم اللي كانت عندكم قبل خمس سنوات

ثم يطلق الحكم صافرة البداية انت تريد أن تستحوذ على النوم وهو يهرب منك

ثم لا يلبث أن يتدخل اليوتيوب يقول لك وش رايك بمقطع فيلم وثائقي من اللي يحبها قلبك ربع ساعة بس.
>> يضحك علينا !! هو فيه فلم وثائقي اقل من 45 دقيقة يالنصاب؟؟ .

بعدها يجيك تويترويقول لك : خلك من اليوتيوب مضيعة وقت، تعال شوف ترند الهاشتاقات قبل شوي العالم قابسة على الخصخصة والتطعيم الاجباري.

سناب شات يدف تويتر ويقول لك: تعال شوف علوم المشاهير والعاهات الهاربات للخارج وبعض الأصدقاء اللي ما غير يصورون صياني العشاء ودركسون السيارات وموود الليلة ،،
واذا انت فاضي لا تفوتك خريطة السناب.

انستقرام : يلتفت لك ويقول فك نفسك من الواتس اب لأنه يشوف واحد مرسل سؤال تافه ويعطيك نغمات اتصال واتس يبيك تنتبه وترد عليه بسرعة .

أما التيك توك يقول لك شوف العالم كيف يتحدون بعض ومستانسين .

وهكذا يجتمع عليك أصحاب السهر يسرقون النوم منك والمشكلة ماهي هذي
المشكلة إن هرمون الجوع جايب معاه انزيمات المعدة جاهه ويقول لك ما كأنك جوعان ! ما تبي لك توست بالجبن قبل تنام ؟!!

>> جوعان ايه انت التاني ،، انا ابي انام وانت تقول لي جوعاااان ؟؟؟!!


ابي انام


ابي انام

جلنار ,كيان الشعور ,عبير و 1 آخرون معجبون بهذا

رآنيا

الموضوع الأصلي: النوم vs توماس || الكاتب: توماس || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hgk,l vs j,lhs

[ابنة القمر]

طرح رائع ومفعم بالجمال والرقي..

يعطيك الف العافيه على هذا الطرح..
وسلمت اناملك المتألقه لروعة طرحها..
تقديري لك..

توماس معجب بهذا

[آلهيمانة]

النوم و ماأدراك ما النوم
سرد جميل مثل
ماتعودنا عليك اتعيشنا الجو


سلمتت

توماس معجب بهذا

[عتب خرساء•]

أكثرّ وحدهً تحبً النومّ
وأكثرً وحدهّ تحبّ تسهرً
وفيً كلّ مرهً اقومً ، لدوامً ،
اوعد نفسي بوعود ادري إنها كذابه ( الليله رجعت من الدوام نمت )
ويتكرر السناريو في كل يومّ اقوم فيهً لدوامً
واحصل نفسي بعد الدوام ، سهرانه الين بعد الفجر
واصحى اهاوش نفسي بنفسي
ويعين الله
شكرا على طرحك المفيد هههههههه
وما انت بالحالك على هالوضع

توماس معجب بهذا

[عبير]

توصف حالي قبل ماانام
يعطيك العافيه توماس

توماس معجب بهذا

[رآنيا]

نسيت انك تذكر مِن ضمن الاخوة الاشقياء اللي فوق مجتمع غلاك
هذي انا هرمونات النوم تناديني مِن 12 وقاعدة هنا أرد عليكم
وكلما بغيت اطلع تذكرت موضوع مارديت عليه
واسمع نفسي تقول لي يابنت كلها موضوعين واطلعي
وسرى اللي وحنا ماسرينا ~> مداخلة احدى اللهجات بوسط الحشد الحضري
الظاهر اني راح اكتب كلام كثير وانا ما ادري ايش قاعدة اكتب
فخليني اطلع قبل ما اجيب العيد
دلني ع الباب يا توماس
اوه نسيت اني واقفة عند الباب اعدل عبايتي وانا اتكلم

~

كيان الشعور ,توماس معجبون بهذا