بسم الله الرحمن الرحيم
وبه نستعين
الفصل الخامس عشر والاخير
وصلوا السودان ؟ وكان في استقبالهم في محطة السكة حديد الخرطوم عمه آدم واسرته ومعهم جاره وزوجته واطفاله طبعاً سعاد تعرف عمه آدم ومنصور ووالدة محمد ؟ وبعد يومين سافر محمد وعبد الرحيم وسعاد والصغيرة عائشة الي الابيض هناك يتلاقاهم عمه منصور وزوجته واطفاله وجادين وحليمة وطفلها مجدي ومن محاسن الصدف جات معهم زهرة اخت جادين ؟ وكان الاستقبال الحار وفي البيت كان عمه منصور مجهز كل حاجة البارد والحلوى ونسوان الجيران قاعدين حارسين البيت ؟ وانفرد محمد بجادين يساله ان كانت زهرة تزوجت ام لا ؟ ويرد جادين لسه جوها كم عريس وهي رافضة الزواج شنو عندك عريس ولا عاوز تدبل ؟ ويضحك محمد ويرد ياعمي الدبل بتاع شنو دا صديقي دكتور عبد الرحيم قال عاوز يتزوج من السودان وانا اخترت له زهرة وقلت له بس انا ماعارفها تزوجت ولا لسع والحمدلله انها ماتزوجت خلاص انا بخلي سعاد وحليمة يدخلن فيها هن نساء يعرفوا بعض اكتر مننا ؟ وفي اليوم التاني جات سعاد وحليمة واعلننا موافقة زهرة بس عندها شرط وهو انها تزوج ولكن لا تسافر الان الي مصر ؟ وهنا يقول الدكتور عبد الرحيم وانا نفسي مش حاروح من السودان ما خلاص مصر فيها محمد يبقى انا ابقى هنا ويضحك الجميع ؟ وفي المساء يتقدم محمد الي عمه عبد الله ويطلب يد كريمه زهرة الي صديقه الدكتور عبدالرحيم ويقول ليهو كمان هو اخو زوجتي يا عم عبدالله ؟ ويقول عمه عبد الله مبروك الفيها خير ربنا يسويها بس الاهم رايها هي زهرة ؟ ويقول محمد الحمدلله هي موافقة ؟ ويسال محمدعبد الرحيم ايه بقى حترسل لعم محمدين ولا ايه ؟ يرد عبد الرحيم ما انت عارف الوضع هناك مافي طريقة يحضروا والحمدلله انت في وهي كمان سعاد يبقى انا ما ناقص حاجة بس اعمل معروف وتقدم اوراقي لوزارة الصحة عندكم هنا ؟ ويرد محمد ان شاء الله بكرة نسافر نمشي البلد وناخذ كم يوم ونجي للعرس وبعدها انا بقدم اوراقك ايه رايك ؟ ويرد عبد الرحيم واكي ؟ وبعد قضاء اسبوع في البلد يعودو الي الابيض ويشرع محمد فى التجهيز للعرس وتذهب حليمة وسعاد ومعهم زهرة وامها لشراء ماتحتاجه العروسة ؟ وكان دكتور عبد الرحيم جايب معه الشبكة من مصر مشترياها امه وتم الزواج ؟ وسافر العريسين ومعهم محمد وسعاد الي اركويت مصيف العرسان في السودان وتركوا الصغيرة عائشة مع اولاد عمه وكان هذا احلي اسبوعين ؟ وعادا وقدم محمد شهادات دكتور عبد الرحيم لمستشفى الابيض وفعلاً كانو في حوجة لجراح وتم الموافقة من الخرطوم واكمل تعينه طبيب جراح بالمستشفى ؟ وسافر محمد عائد الي مصر لمواصلة رسالة الدكتوراة وبعد سنتين اكمل محمد ونال الدكتوراة في جراحة الاعصاب وتم تعينه طبيب بمستشفى القاهرة المركزي ولكنه رفض طالب العودة للسودان من اجل والديه ولكنه وعدهم بانه سوف يحضر كل ثلاثة شهور لعلاج الحالات الصعبة ؟ وفي السودان رزق دكتور عبدالرحيم بتوأم ولد وبنت وترقتة زوجته الي مفتشة تعليم بدرجة وكيل وزارة وعاشوا في سعادة الجميع وان شاء الله لو كان في العمر بقية نلتقى في رواية جديدة
تاليفي
لا احلل نقلها إلا بعد كتابة منقول
الاخوه الاعضاء الافاضل
اتمنى ان تكون نالت اعجابكم الرواية والي اللقاء
في روايات آخري ان شاء الله لو كان في العمر بقية
كل الود والاحترام
العرض العادي
