وقت للتصحيح

[‏*** سُهيل ***]

وقت للتصحيح

تظن اللي رفع يدَّه يبي تلويح
أبد كان الهدف (إبقى) على شاني


أنا ما عندي القدرة على التجريح
ولا قادر أغامر بك وتنساني


تبين بحبنا تمشين عكس الريح
إذا يمديك أنا والله ما امداني


أنا يا ابن النَّفل عاشق جمال الشيح
ولا غير الخزامى يوم أغراني


أحبك ذي مشاعر ما تبي توضيح
مشاعر قلب ترجمها على لساني


تَرى بعض المواقف ما يبي تمليح
يا تبغاني يا قول إنك ما تبغاني


أنا محتاج مِنْك اليوم للتصريح
عشان أعرف أواجه عمري الثاني


أنا لازال عندي وقت للتصحيح
لِأبدا من جديد إنْ ربي أحياني




سُهيل

رآنيا ,ابن الهيثم ,أوديت و 1 آخرون معجبون بهذا

مسترٍيَحٍ آلُبآلُ

الموضوع الأصلي: وقت للتصحيح || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

,rj ggjwpdp

[مسترٍيَحٍ آلُبآلُ]

صح لسانك شاعرنا الراقي

*** سُهيل *** معجب بهذا

[‏عآزفّ النّآي]

صح لسانك أخ سُهيل
أبيآت جميله من شآعر مبدع أتحفتنآ بهآ
دآئماً في أنتظآر ما تجود فيه قريحنك من عذب بوحك
دمت في حفظ الرحمن ،’

*** سُهيل *** معجب بهذا

[رسم]

،.

الله
كلمات عطره فيها عذوبة حب وتلميح
وانتهت بترجمة مشاعر ومُصارحه أنيقه


ما شاء الله
رائعه
صحّ نبضك شاعرنا
سُهيل
ودام لنا بوحك الفريد

سلمت

*** سُهيل *** معجب بهذا

[نقاء الورد]

أحبك ذي مشاعر ما تبي توضيح
مشاعر قلب ترجمها على لساني


تَرى بعض المواقف ما يبي تمليح
يا تبغاني يا قول إنك ما تبغاني

م في اجمل من الصراحه
خاصه في المشاعر
ابدعت سهيل كالعاده
مشاعر دافئه دائما تصلنا من خلال سطورك
دمت بكل ود وسعاده

*** سُهيل *** معجب بهذا

[‏*** سُهيل ***]

	المشاركة الأصلية كتبت بواسطة مسترٍيَحٍ آلُبآلُ

	صح لسانك شاعرنا الراقي

مرحبا بالعزيز مستريح البال
طبت وطاب إحساسك
ربي يسعدك
تقديري وامتناني

مسترٍيَحٍ آلُبآلُ معجب بهذا