احساس غريب

[‏احساس غريب]

السلام على انتم ياقوم كيف انتم ياقوم اخبار انتم ياقوم
المهم بما انو من زمان عن بيتي المغبر ذا قلنا نجي نعرج على هو
و ننفض غبارة اي غبار الحين غبار و اعشاش عناكب و صقيع و مطر
كلهم تجمعو في ذا كويس انو بيتي جديد ما استخدمته كثير و الا كان
الان السقف طايح من المطر هع
المهم ما علينا خليني اسوي قولي قصة لحق انتم بما انو من زمان
عن القصص و القرقر من فترة كذة تذكرت قصة سمعتها من امي لما كنت
صغيرة بوقتها كانت صايرة و يسولفون عنها و انا كنت قاعده عندهم و اسمع
المهم القصة قديمة و حقيقية كانت صايرة بوقت الهذا
المهم القصة صارت لمعلمة كان عندها عيال صغار و بما انها تشتغل
و زوجها يشتغل فكان عندهم خدامة تجلس بالبيت مع العيال و برضو تشوف
شغل البيت المهم في يوم من الايام و كالعادة راحو الشغل هي و الاب
الصباح بس اللي صار انو المعلمة تعبت كذة بنص الدوام فـ اظطرت انها
تستأذن و ترجع البيت تريح وكذ يعني عرفتو المهم ارجعت البيت دخلت
وكان البيت هادي وعيالها مو موجودين قالت يمكن بالغرفة او نايمين
اللي هي راحت غرفتها فسخت عبايتها و بعدها راحت الحمام الله يكرمكم
علشان تغسل وكذة اول ما ادخلت الا تشوف القران مفتوح و محطوط كذة
بوضعيه معينه في الحمام طبعاً اي انسان مسلم عاقل يعرف انو القران
له حرمته و قدسيته و ما ينحط بذا المكان على طول راح يرفع القران و يشيله
ويطلعه بره الحمام و فعلاً هذا الشيء اللي سوته طلعته من الحمام
و استغربت اساس القران ايش يسوي هنا و مين اللي حاطه هنا
المهم بعدها راحت تشوف عيالها مع الخدامه علشان تتطمن عليهم
و تروح تفتش البيت كله عياله مع الخدامه مالهم اثر كان الارض انشقت و ابلعتهم
و تخاف و تدق عل زوجها ويجي الزوج و يصيرون يدورون عيالهم و لا لهم اثر
بعد فترة تتذكر الام كلام كانت تسمعه من ولدها لكنها ما كانت تصدقه
و تقول انو ولدها اكيد يمزح او يخترع كلام من راسه لكن تذكرت هذا الكلام
ولدها كان يقولها ماما كل يوم اذا انتِ و بابا طلعتو من البيت الخدامه
تودينا ديرتها و تلعبنا هناك و بعدين ترجعنا قبل لا ترجعين البيت كل يوم
تطلعون نروح نلعب و نستانس طبعاً الكلام هذا مو منطقي ابد و لا احد راح يصدقه
و برضو تذكرت انو عياله احياناً كانو يتكلمون بينهم انو اليوم لعبنا كذة
و سوينا كذة و انا فزت عليك و العب الفلانيه بكرة نلعبها و من ذا الكلام
و هي ما تصدق و تقول انهم يخترعون القصص و السوالف من عندهم
و اللي يخليها ما تصدق الشيء هذا انهم ما يطلعون من البيت لما هي
و ابوهم مو موجودين هم يقفلون عليهم هم و الخدامه الى ان يرجعون
البيت فذا شيء مستحيل يصير المهم قالت ذا الكلام للاب و استغرب
و ما صدق لكنها تذكرت كلام عيالها اللي دايم بين فترة و فترة يقولونه
و تذكرت القران اللي شافته مفتوح في الحمام و ليش هو محطوط بالحمام
طبعاً الاشياء هذة ما صارت في يوم و ليله لا صارو يدورون عيالهم
ايام و اسابيع و اشهر و حالتهم حاله صدمه على تعجب على خوف
على اشياء ما تدخل العقل لكن بعد ما تذكرت كلام عيالها قررت هي
و الاب انهم يستفسرون عند شيخ عن ذا الامر و فعلاً قالت له
عن اللي صار و انهم دورو على عيالهم و ماحصلوهم و اللي صار لها
من ذاك اليوم اللي رجعت البيت وهم مختفين و كيف حصلت القران
مفتوح بالحمام و كل الكلام اللي صار فقالها الشيخ انو ما راح تحصلين
عيالك ابد خلاص عيالك و الخدامه ماعاد يرجعون لك لانك قفلتي الباب
او قطعتي حبل الوصل او قفلتي الطريق اللي كان بمثابة تذكرة الذهاب
و العودة لهم لما اخذتي القران و قفلتي و شلتي انتِ هنا قطعتي الطريق
عليهم و ما عاد يرجعون لك نهائياً هم كان يروحون و يجون عن طريق
القران يروحون بوقت و يرجعون بوقت لما قفلتي القران و شلتيه خلاص
خربتي كل شيء لو ما شلتيه في لحظتها كان راح يرجعون بوقتهم
بس الان ما عاد يرجعون طبعاً الام و الاب ما استسلمو و راحو لديرة
الخدامه و دورو على عيالهم و الخدامه و ما حصلوهم ابد
طبعاً انا لما كنت صغيرة و سمعت القصة قلت في نفسي انو كيف
القصة حقيقية و استغربت انو كيف لكن من كم يوم لما تذكرتها
ما استغربت ابد و صدقت فعلاً انو ذا الشيء يصير لما تذكرت
قصة نبي الله سليمان لما طلب احد يجيب عرش بلقيس
وكلنا نعرف القصة كيف انو عرش كبير و ضخم تم نقله من
مكان الى اخر في وقت بسيط و قصير جداً جداً جداً
لانو اذا في حاجة احن نشك فيها او ما نصدقها و نحط عليها الف علامة و علامة من التعجب
نعرضها على كتاب ربي و سنة رسوله و هذا اللي صار
الشيء هذا مذكور في كتاب ربي في سورة النمل
مع نبي الله سليمان و الجن و عرش بلقيس فصدقت
فما استغرب انو العيال و الخدامة يتم نقلهم من الى
سبحان الله نحن البشر عندنا و سائل نقل نستخدمها
معروفة منها الطائرات القطارات السفن السيارات و غيرها و غيرها
وكيف نستخدمها برضو معروف لكن العالم الاخر
نحن لا نعرف كيف يتم الاشياء هذة
لكن الخدامه باين انو عندها القدرة على التواصل مع
احد منهم عن طريق السحر و الاشياء الثانية اللي ما اعرف
عنها كيف بس اكيد انو شيء قوي مو اي كلام
تخيلو انو الخدامه لو كانت شريرة او تكره او تبي تضر
اهل البيت اللي تشتغل عندهم ايش راح تسوي
لكن ربي ستر انو كانت تأخذ عيالهم تلعبهم و ترجعهم
بس ما تسوي لهم شيء ثاني هذة لو فيها شر كان
علوم و هوايل على العموم كانت هذة قصتنا لليوم
اتمنى انو تكون القصة نالت على اعجابكم و استمتعتو
بالقراءة هو في كلام كثير و تعليق لكن حاولت اختصر
لاني طولت كثير بالكلام بس في الاخير سبحان ربي
الخالق المبدع ما اعظمه خلق ما نعلم و ما لانعلم
و انو العوالم الاخرى و اسرارها و خبايها مو الكل يقدر يكتشفها
و يعرف عنها و مهما عرف يبقى الكثير و الكثير منها مخفي
كنت في ذا احساس غريب
و سلامتكم

شـ♞♜♕ـطرنـج ,رآنيا معجبون بهذا