موضوع الأسبوع الثاني : العقاب ..~

[شهد الروح]

يسعد مساكم وكل اوقاتكم
وجمعتكم مباركة يا رب

ح تقلبي عليي المواجع هههههههه
هلا العقاب شي مؤذي بنظري دائما ولا بعمره كان مرتبط بموقف طريف او اي شي
بحس ماما كانت دائما من النوع المسيطر والعصبي والقاسي
بعكس بابا حبيبي تماما اللي ما بحياته لجأ لاي نوع من العقاب
اكتر شي كنت ماما تصرخ عليي مشانهه بطفولتي
لما اوسخ فستان العيد بالبوظة والشوكولاتة
وانا عندي الصراخ اقسى من اي نوع عقاب
لاني حساسة جدا من يومي وما بتحمل ابدا حد يصرخ عليي
اما الضرب ياما سلختني بالشبشب
لانو كنت اعض خواتي وانا صغيرة ومز شعرهم ههههههههه

خلصنا مرحلة الطفولة والمراهقة عدت ع خير
لحد ما بعيد ميلادي ال30 ضربتني كف ع وجهي
اللي آلمني يومها انو ما كانت حقانية وقتا بضربي وعقابيى
بس هي دائما بتوقف بصف خواتي بدون ما تعرف سبب المشكلة ومين اللي تسبب فيها .عندها دائما الحق عليي للاسف
حاليا العقاب اللي بتلجأ اله هي وخواتي
انو بتقعد بالايام ما بتحكيني لو بدر مني اي غلط صغير
قبل شهر صار مشكل تافه بيني وبين اختي
ووقتها قعدت 12يوم بالزبط ما تكلمني ولا هي ولا اي واحدة من خواتي
العقاب شيء مؤذي بشكل كبير
اخر حادثة مع انها بتتكرر دائما بس أثرت ع نفسيتي بشكل كبير
لدرجة أنوبفكر دائما ب حلين لا تالت الهم
يا اتركلهم البيت يا انتحر
صعب كتير تعيشي بمكان وانتي منبوذة ووحيدة طول الوقت
بس الشي اللي يخليني أتراجع دائما حنية بابا وخوفه عليي ووجوده
الله يخليلي اياه

بالمدرسة كنت دائما متفوقة والأولى ع صصفي وهادئة جدا
كنت طالبة مثالية دايما وم ا بحياتي اتعاقبت

قلبت لموضوع دراما مع اخراج هندي هههههههه
بعتذر

رآنيا ,على مزاجي ,سما معجبون بهذا