موضوع الأسبوع الأول : الجن وقصص ما وراء الطبيعة ..~

[رآنيا]

	المشاركة الأصلية كتبت بواسطة أوديت

	،. الله أحلى لمّه .. يعطيك العافيه حبيبتي رانيا وقصص الجن تجذب وشيّقه مع انو يُقال لا طريناهم ،، يجون 👀 ،. الجمعه عالأغلب بكون معكم هنا آخر اللّيل عالفجر أهم شي ما تفوتني لمتكم الحلوه ،. مره لما كنت واخواني صغار ،، كنا نلعب بغرفه في بيت جدي كانت شبه مهجوره وضبطها عمي وسكن فيها وكنا نلعب فرحانين ،، طفينا النور ونلعب ونصارخ وننطط ،، فجأه كان في واحد واقف في النّص ،، كنا نحسبه اخوي .. بس باين الثوب ،، هو اصغر مني واكلمه ومايرد..؟!! بعدها انتبهت انوا مو هو هذا اطول واضخم خفنا وع طول شغلنا النور وماشفناه وهربنا وللحين ما ننساها .. نستاهل نطامر بالظلما في مكان مهجور أزعجناه

ياهلا اوديت
بسم الله عليكم
ياويلي منكم فيه احد يناقز بالظلام !
الاطفال خصوصا هم اللي غالبًا يشوفو اشياء
احيانا ما نصدقهم نظن انه يتهيء لهم من الخوف
لكن لو نرجع لطفولتنا نتاكد ان كل واحد فينا شاف شي هو صغير
انا اذكر كنت اجلس مع بنات خالتي ويقال مسوين فيها اقوياء
ونطفي النور ونبدأ نقرا سورة الجن ع اساس نحضرهم ~> مدري مين الفالح اللي اقنعنا بالفكرة
المهم ما حسينا بشي ولا شفنا شي الصراحة لكن كل وحدة قامت تكذب وتقول انها حست بأحد جنبها وهي نصابة كبيرة
بس الصدق احس لو سويناها في بيت اهلي كان شفنا شي ثاني
لان البيت كان فعلا جدًا ثقيل وكم مرة نشوف اشياء مو بس انا الا الكل في البيت كان يشوف
مرة شفت اخوي دخل لغرفة وانتظره يطلع ولا طلع بالاخير اكتشف انه ماكان في البيت اساسا
واخوي هذا نفسه كان في بدايات التزامه وبدأ يقرأ ع الناس وأول يوم له في البيت لوحده الا احد يسحبه بدون ما يحس بوجود يد لكن شي سحبه بقوة للحمام الله يكرمك
وينتهي من يومها مشروع الرقية
عاد القصص تكثر بس بيجينا بعد شوي نايف يسكتنا

ننتظرك تشاركينا قصة ثانية واضح ان في جعبتك الكثير من القصص المرعبة

~

روح ,زهرآء ,الولهان عبدالله و 2 آخرون معجبون بهذا

شهد الروح ,أوديت