بخصوص السوالف في المواضيع

[‏نايف]

	المشاركة الأصلية كتبت بواسطة نجمة

	القوانين حلوة وتنظم المنتدى والكل بيلتزم فيها دام انه يحترم المكان ويحبه بس احيانا السوالف تكون شوي ردين ثلاثة واحيانا خمسة مافي مشكلة لأنه الشات يحفظها والي يقلب فيه يلقى الكلام من طقطق للسلام عليكم والاغلب محد يحب ذا الشيء المشكلة مش هنا المشكلة اني اضيع المواضيع في اقسام داخلها اقسام وقسم الالعاب اضطر افررر بيدي ع الشاشة كم زحليقة عشان يطلع معي لولا انه مجتمع المدونين بالاحمر امامي والأ ما شفته غريب انه القسم كذا بعيد حتى يكون بعد قسم التقنية والمجلس العام ومدري وش ارفعوه لنا فوق عشان نعرف نسولف اعرف خبطت الحابل بالنابل بس ما عرفت وين اروح واقول كلمتي بوركت جهودكم ^^

هلا نجمه حياك
اولا : حتى كلمة قوانين والله ماودي اجيب طاريها
لانه احس حتى في نطقها تعطي انطباع
القيود والتكبيل والحصار

بس انه ياخوك فيه ناس تتضايق مثلا انه نفتح سالفه
بمواضيعهم وودهم يكون الموضوع للرد على
الموضوع وبس

ثانيا : الاسترسال في الردود مرات يشطح بين عضوين
بينهم حزازيه او اختلاف على تصرف ما ويقلب زعل

ثالثا : برضه السوالف تخلينا نشطح عن محتوى الموضوع
كليا وتصير المواضيع كل بوها تتشابه مجرد سوالف
تختلف في العناوين فقط

بالنسبه لسؤالك عن الموضوع تبع الشات هذا هو
https://g-lk.com/vb/showthread.php?t=21508&page=534
وماكنت اقصد صندوق المحادثات اللي قصدتيه

بعدين حبيت اوضح
جاني تقييم انه سبب فتح الموضوع مقصود
فيه فلان وفلان
لاوالله هذا مو من طبعي انه افتح موضوع كامل
عشان والله شخصين بس حطيتهم براسي
عادي اذا المشكله بشخصين اروح واكلمهم
بيني وبينهم وانتهى الموضوع
وانا اول شخص جبت طاري نفسي اني مشارك
بنفس الفعل والتصرف

واخيرا اللي حكيته اعتبروه رأي تنظيمي شفت انه
بيكون احسن لو اخذنا فيه
ولكم حرية ابداء ارائكم اذا شفتوا في كلامي اي خطأ
في الاول والاخير المنتدى منتداكم
وانتم اللي تساهمون في اشراقه او افوله
والكل له احقية ابداء رأيه من اجل الوصول الى
تكامل مشترك يؤدي لنجاح الجميع

وشكرا من القلب لابداء رأيك
ومرحبا بك مجددا ان رغبتي في ابداء اي ملاحظه اخرى

نجمة ,جوانا ,همس الجواهر معجبون بهذا