ملعون قافٍ ما يخليك تبكين

[‏احساس غريب]

ملعون قافٍ ما يخليك تبكين

ملعون قافٍ ما يخليك تبكين





تبطين والله ما تقولين مسكين
لا أنتي ولا مليون مثلك وشرواك

من مثل شكلك لو بغينا ملايين
الجنس جنسك و الحلايا حلاياك

صدمة مشاعر صافحت هاجس البين
وطعنة خفوقي تنتشي عند طرياك

غلطة عمر عانيت منها الامرين
قبل ارسمك ملهوف و اكتبك و اقراك

صدق الغلا ماهو حكايه وتخمين
بين المواجع والملامه ولقياك

يا شاعره واللي خلقنا من الطين
انك بدون احساس والزيف مبداك

يوم الشعر يرسم ورود البساتين
و فجأه كتبتي الشعر بكفوف يمناك

بإحساس غيرك تحتوين المضامين
و بشعور غيرك صارت الناس تقراك

مدام والله ما تخطين حرفين
ليه الشعر مكسور خاطر بلا ماك

هاذي حقيقه قلتها لو تموتين
لخلي كل الناس يا بنت تجفاك

دام الوفا عندك مجرد عناوين
و صابك غرور و ظلك التيه و اغواك

كان الامل يستوطن الخاطر الزين
و ملامحي يطغى عليها خطاياك

لو الصبر عبره و الايام سكين
و احساسي الصادق ضحية نواياك

يا ما تجاهلت الخطايا من سنين
كسر الخواطر مالها غير فرقاك

ماني من اللي مثل ما تريدين
حرا" ولد حرا" ولا ظن يخافاك

ولاني من اللي بالمواقف تهزين
و لأني من اللي لا زعلتي ترجاك

من لا يراني بعين ماراه بالعين
وكرامتي تسوى غرامك و تسواك

ملعون قافٍ ما يخليك تبكين
و ملعون حرفٍ ما يجيبك من اقصاك


و سلامتكم

الموضوع الأصلي: ملعون قافٍ ما يخليك تبكين || الكاتب: احساس غريب || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

lgu,k rhtS lh dogd; jf;dk jf;dk dogd;

[‏عآزفّ النّآي]

أختيارموفق أخت أحساس انتظآر جديد ذائقتك
دمتي بخيـــر،,

[نقاء الورد]

اختيار جميل احساسو
دمتِ بخير وسعاده

[رآنيا]

اختياراتك دائمّا جميلة ومميزة
سلمت احساس ويعطيك العافية

~