مجتمع غلاك - ملعون قافٍ ما يخليك تبكين

ملعون قافٍ ما يخليك تبكين

https://play-lh.googleusercontent.co...Kx9IcYHiGil1Ww

تبطين والله ما تقولين مسكين
لا أنتي ولا مليون مثلك وشرواك

من مثل شكلك لو بغينا ملايين
الجنس جنسك و الحلايا حلاياك

صدمة مشاعر صافحت هاجس البين
وطعنة خفوقي تنتشي عند طرياك

غلطة عمر عانيت منها الامرين
قبل ارسمك ملهوف و اكتبك و اقراك

صدق الغلا ماهو حكايه وتخمين
بين المواجع والملامه ولقياك

يا شاعره واللي خلقنا من الطين
انك بدون احساس والزيف مبداك

يوم الشعر يرسم ورود البساتين
و فجأه كتبتي الشعر بكفوف يمناك

بإحساس غيرك تحتوين المضامين
و بشعور غيرك صارت الناس تقراك

مدام والله ما تخطين حرفين
ليه الشعر مكسور خاطر بلا ماك

هاذي حقيقه قلتها لو تموتين
لخلي كل الناس يا بنت تجفاك

دام الوفا عندك مجرد عناوين
و صابك غرور و ظلك التيه و اغواك

كان الامل يستوطن الخاطر الزين
و ملامحي يطغى عليها خطاياك

لو الصبر عبره و الايام سكين
و احساسي الصادق ضحية نواياك

يا ما تجاهلت الخطايا من سنين
كسر الخواطر مالها غير فرقاك

ماني من اللي مثل ما تريدين
حرا" ولد حرا" ولا ظن يخافاك

ولاني من اللي بالمواقف تهزين
و لأني من اللي لا زعلتي ترجاك

من لا يراني بعين ماراه بالعين
وكرامتي تسوى غرامك و تسواك

ملعون قافٍ ما يخليك تبكين
و ملعون حرفٍ ما يجيبك من اقصاك

و سلامتكم