رجيم قاسي

رجيم قاسي

السلام عليكم ورحمة الله وبركاته

نفسي اسوي رجيم قاسي الفطور بيضه وحده والغدا سلطه والعشاء شوربه لكن خايفه

مااتحمل الجوع بعدها اخبص بالأكل

لان اخوي يجهز شقته احتمال يخطب وانا ابي اخلص بسرعه كان ١١٠.٦ الان ١٠٤.٠
ابي أنجز خلال شهرين بس

وامشي نص ساعه كل يوم واشرب ٨ اكواب ماي

ممكن تساعدوني على قراري
والا قراري غلط

انا متحمسه وعندي الاراده لكن خايفه
لكن مصره اجرب

وانشالله انجح

محال ,أماريلس ,زهرآء معجبون بهذا

الموضوع الأصلي: رجيم قاسي || الكاتب: sωєєτ ɢɪяℓ || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

v[dl rhsd

الهدف من وزن من ١١٠.٦ إلى ٦٠ كيلو غرام

-

و عليكم السلام ورحمة الله و بركاته

خطوه جداً ممتازه عيوني
.
بس غيري عادات الاكل افضل
وقطعي السكريات بشكل كامل وخفيفي النشويات وقطعي المعجنات
بتشوفي وزنش ينزل بتدريج او اعملي حمية كيتوه
..
هذا النظامش الغدائي مايكفي حاجت الجسم للبروتين،
الجسم يحتاج للبروتين 70غرام فاليوم
بكون عندش نقص فيتامينات و معادن
والرجيم لي يعتمد عل الحرمان يرجع فيه الوزن بسرعه

.
والي يعمل رجيم قاسي فتره طويله ويحرم جسمه من البروتين يساعد عل
تكوين حصوات فالمراره
فالافضل تنزلي وزنك بتدريج..
..
فٌ بقول لك تجربتي:-

بدون خجل عندي زيادة وزن بكم كيلو>بدون دكر الوزن
طبعا عندي السكر التراكمي مرتفع يعني شوي ويجيني السكر هنا
عزمت انزل الوزن
ونزلته بتدريج اعتمدت عل البروتين + السلطات + احتياجي للماء
ونزل وزني 6 كيلو
حرمت نفسي من الاشياء الي ذكرتها وبذات السكر طبعاً
السكر من تركته جاني تعب ودوخه ، بعدين راح هذ الشي
السبب الانه جسمي متعود عل السكريات …
بس الحمدلله تخطيت ،،
و الاهم الخرابيط مثل الشبسات
وكيكات و الجلي و البسكويات تبتعدي عنها
و الحلويات بكل انواعها
الشاي و القهوه بدون سكر
….
واهم شي مثل م ذكرتي الرياضه تمشي نص ساعه
وان شاء الله امورك بتكون تمام
وبتقولي قالت زهوره
وزنك بينزل بتدريج
اهم شي الاصرار و العزيمه حبيبتي
،،
وان شاء الله قدرت افيدك

أمَوآج آلشَرقَيهہْ♥ ,محال ,أماريلس و 1 آخرون معجبون بهذا

meroo

يعطيك العافيه ماقصرتي

لكني متحمسه للي قلته انا

نفسي اجرب
وانشاالله مايرجع بسرعه

زهرآء معجب بهذا

أحس إنه خاطرك أحد يشجعك ، بس لا
النقصان الكبير دفعة وحدة ما مفيد
ويرجع الوزن مثل ما هو وربما زيادة
لذلك كما قالت لك زهراء على مهل وتجنبي الأشياء اللي ما منها فايدة
+ افحصي الغدة الدرقية وفيتامين د، لأنها أحيانا تسبب زيادة وزن بدون إرادتك
ومعالجتها قد تنقص الوزن وتُحسّن النفسية
لا تستعجلي وتحرمي نفسك وربما تسببي لها ضرر!

الله يقويك

أمَوآج آلشَرقَيهہْ♥ ,محال ,meroo معجبون بهذا

السلام عليكمم

ما شاء الله عليك
اول شيي احيي فيك ارادتك وعزيمتك
وان شاء الله انتي قادرة تحققي هدفك

بقولها لك بصراحه
تنزلي من 110 الى 60 خلال شهرين ماتقدري
الوزن بينزل بس يحتاج صبر وثبات وعزيمه واستمرارية

البنات م قصرو اعطوك نصائحهم وتجاربهم
وانا بعطيك شوي من خبرتي بس بالنهاية
كل جسم يحتلف عن الثاني ونسبة الحرب بكل جسم مختلفه عن الاخر

المهم
اول شي لازم تفحصين وتشوفين اسباب السمنه مع نسبة احتياجك من المعادن وكميتها بجسم
اذ بامكانك تشتركين بجيم واخصائية غذائية يكون ممتاز
اذ مو بامكانك ف انا نصيحتي لك :
لا تحرمي حالك من شي ابدا بس خففي خففي خففي
لحدما يتعود جسمك خففي بالتدريج
اعتمدي ع الاكل الصحين الغني بالبروتين والمعادن اللي محتاجها جسمك
الرياضة مارسي الرياضة وتحركي وامشي اقل شي 40 دقيقة يوميا
اعملي الصيام المتقطع وفي شروحات كثيرة عنه وبامكانك التدرج فيه
الحرمان ماراح يعطيك نتيجة ابدا
والمهم والاهم الرز والمعجنات ابتعدي عنهم قدر الامكان
واذا اشتهيتي خذي شي بسيط وكثري سلطات
اشربي ماء اقل شي 2 لتر
اشربي شاي اخضر 3 اكواب باليوم
اشربي قرفه مع كل وجبة
ابدي صباحك بعصير ليمون وكركم ، بس اذا حسيتي بحموضة المعدة توقفي عنه
ولا تنصين الصوم له فوائد بالتخسيس اتبعيها
ثم الدعاء لرب العالمين

أمَوآج آلشَرقَيهہْ♥ ,محال ,meroo معجبون بهذا