): عفستي (:

هذا موقف ماانساه والله

على طريق الرياض مكه قبل حلبان فمطعم نسيت اسمه
ملحوس بس شخصيه ومو مبين عليه
يوم جابوا له النص شوايه مع الرز
سوى زحمة وصجه يقول ان الدجاجه تتحرك في الصحن
يعني باقي حيه
لدرجة فيه عاملين ٢ من كثر مالحس مخهم جلسوا يراقبون الدجاجه تتحرك صدق والا لا
مدري وش صار عليه
انا اول ماشبعت ونويت اقوم اغسل شفته وسمعت صجته كان جالس قريب مني..وقمت غسلت وطلعت وهو باقي مسوي صجه
ماكان عندي وقت ورايح اعزي
بس كل ماشوف دجاجه والا نص فصحن يطري علي

الله يسعده ويرفع عنه ابتلاءه

ابن الهيثم ,طُليْطل ,لمعة الماسه معجبون بهذا

الحب والعشق كذبة دنيئة إن لم يخالطهم رحمة أمومة وأبوة

فيه قصتين خلتني أطلع بهذا الاستنتاج الغير قابل للنقاش
القصة الأولى أعرف صاحبها معرفة شخصية
أخذ وحده عن حب وكان صاحب منصب ومال لكن قدر الله
إنه يصير عليه حادث ويتشوه ويتعوق..زوجته ماصبرت عليه أكثر من سنة ..صارت تعامله بكره ..يقول لي والله اني اشوف فعيونها انها تتمنى موتي .. ومالومها لو تقرفت مني بس تقدر تتقرف مني بدون تسمعني كلام مو زين
أخينا بعد ماخسر منصبه حب يتمسك فيها باللي باقي له
من مال ..الين صار ياخذ مصروفه منها ببخل ..وتهاوشه بعد عليه حتى اذا صرفه فشي ضروري
رغم انه مابقت دولة في العالم قبل يتعوق الا وسفرها
وعمره ماقصر معها فشي وكان معيشها ملكة
وهي كان معروفه قبل يتعوق بحبها الجنوني له
قال جنوني قااااال

في الطرف المقابل
برضو زوجة تشوه زوجها بعد حادثه وخسر وظيفته
وهذا مااعرفه ..بس اعرف ناس يعرفونه معرفة شخصية
يقولون هي اللي تدخله الحمام وتغسل له وتركبه بجهد السيارة
وتعامله برحمة الام والأب لولدهم المعوق

فالسؤال ياصديقي العاشق ياللي حبيبتك غزاله ومدري كيف عيونها وخصرها ورقبتها
لو احترق وجهها وتشوه كل جسمها وتعوقت هل باقي بتحبها نفس الحب والا لا
ونفس الشي يالعاشقة ..حبيبك اللي شفته حمرا وعارضه كنه صابغة بصبغة جزم من سواده وزود وسامته
هل اذا تشوه وتعوق وخسر ماله باقي بتكتبين فيه وتحبينه ؟
خصوصا اذا عرفتي انه صارمايقدر يتحكم في البول والبراز؟
الله لايبلانا ويرفع بلاءه عن كل مبتلى

كلامي هذا طبعا يعم كل المحبين حتى اللي مو متزوجين

ابن الهيثم ,وحداني ,لمعة الماسه معجبون بهذا

صحيت على أحلى بشارة

يارب لك الحمد

ابن الهيثم ,وحداني ,مشاري و 3 آخرون معجبون بهذا

عآزفّ النّآي ,لمعة الماسه ,طُليْطل

الرجل او المرأة ماينعرف معدنهم الحقيقي الا اذا وقع الطرف الثاني في مصيبة ، وخصوصا في حال المرض والفقر


^

كلام سليم رانيا

ابن الهيثم ,وحداني ,لمعة الماسه و 2 آخرون معجبون بهذا

عآزفّ النّآي ,مَيس

اعجبني سداح العتيبي
لما أخذ شطر بندر بن سرور اللي يقول
قولة هلا لمن لايودك مهونه
ضمن هالشطر من ضمن قصيدته وقال بعده

أنا على المغرور طايش ومغرور
يظف وجهه واقفل الباب دونه
لو علته تصعب على كل دكتور
عندي دوا يصلح لشكله ولونه

بالضبط

سداح شاعر كلاسيكي خطير

هو اللي قال
الادمي لا سرق قلب آدمي ثاني
هو من هل النار والا من هل الجنه ؟


وهو القائل

من ليلة البارح وحابسني الضيق
عسى صباح اليوم يطلق سراحي

وايضا

قامت تمون عيونك السود
ومابيني وبينك ميانه
هالبيت حكااااااااايه
ايه وش بعد
اييييييه

تفضلي من غير مطرود
القلب مغلق للصيانه


و
قضينا وباحكام القضا تقنع العقال
وكلن عن الثاني سحب روحه بروحه
ومدري وش يقول

وبعدين يقول
ولي عين مستوره ولي عين مفضوحه


وانتي تقولين جده غير
وانتي بعد غير عن جده

وسداحياته الجميلة أكثر واكثر

ابن الهيثم ,وحداني ,لمعة الماسه و 3 آخرون معجبون بهذا

مَيس ,مشاري ,عآزفّ النّآي

.جَل من يسلخ من الليل النهار
............لاضعفت بْخالق الكون استجرت

كلِّ ماقلبي إلى الماضي استدار
........... طاح صبري من عيوني وانهمرت

يا ...أنوثه... يارجوله.. ياحِصار
................ياخفوق ٍ به ترعرعت وْكبرت

لو فشرع الله.. يجوز الانتحار
...............كان في ليلة وداعك انتحرت


المعتفس

ابن الهيثم ,وحداني ,لمعة الماسه و 1 آخرون معجبون بهذا

مَيس