10-31-2022, 01:36 PM
|
#73 | |
|
ليش في ناس لما يسوون دايت ينجحون ويستمرون عليه
وفي ناس يفشلون وكل مرة يخربون الدايت ؟! السبب في نوعين من الجوع الأول : جوع عادي وهنا الإنسان ياكل الكمية اللي يحتاجها فقط الثاني : جوع عاطفي هنا الإنسان ياكل أكثر من الكمية اللي يحتاجها وصعب يتحكم أو يسيطر وهالشي له علاقة بالمشاعر والعواطف مثل الخوف والقلق والتوتر و الضغط النفسي و الصدمات وهكذا .. وطبعاً هنا الإنسان راح يفقد الشعور بالأمان ولما يفقد الشعور بالأمان يرجع ل " المرحلة الجنينية " يعني نفس لما كان ف بطن أمه كيف كان يحس بالأمان ؟ طبعاً بالأكل والنوم ف لما يفقد الشعور بالأمان يصير ياكل كثير أو ينام كثير أو الإثنين معاً حتى لو ما يبي ولو ما حل مشكلة العواطف والمشاعر صعب يلتزم بالدايت وحتى الرياضة كل مرة يحاول يلتزم بيرجع يخرب النظام مرة ثانية .. وهكذا خاصة اللي مو متعودين على الدايت والرياضة منذ الصغر تذكرت زمان وأنا صغيرة شفت مسلسل إسمه سارة ل حنان ترك هو مصري وقصته حلوة وإنسانية وهي كذا رجعت للمرحلة الجنينية وكانت نايمة لفترة طويلة بس كان الوضع أصعب وبس والله |
|
|
|
11-02-2022, 10:05 PM
|
#74 | |
|
قبل فترة كنت أقول
ودي أشوف وحدة نفس تفكيري ونفس اهتماماتي وكنت أتخيل وحدة تكون بالصفات اللي تعجبني وشكلي لقيتها كأنها هي بس مو هالمنتدى ومن أول مشاركة لها على طول تقبلتها والله مدري كيف بس شعور غير كأني أعرفها وبعد حسيت كأن في شي يشدني ويخليني أبي أعرفها أكثر صرت أتابع ردودها وأحسها تشبهني وردودها تمثلني ومرات كأنها تكتب اللي فخاطري وبعدين حتى هي قالت نفس الكلام وأنها تتابع ردودي وبعد قالت " تشبهيني وكأنك أنا " ما أعرف ل أي درجة أشبهها الصراحة هي مشاركاتها ف أقسام الترفيه وأحسها حذرة جداً ودي تكون عندها مدونة عشان أعرفها بس شكلها ما تحب المدونات وهناك المدونات عامة مو خاصة المهم الحين أنا مدري ليش مترددة أسولف معها وما أعرف أبادر وأتعرف مع أني أحس أنها نفس اللي كنت أتخيلها محتارة الصراحة > دايماً محتارة  خلاص بنتظر وبشوف شنو يصير =) |
|
|
|
|
11-05-2022, 01:06 PM
|
#75 | |
|
ودي أعرف سالي كيف كانت مستحملة
وما ترد على اللي يضايقونها حتى الرسول كيف كان مستحمل اللي يأذونه صدق الصبر على الأذية مو شي سهل كل مرة يكون باقي شوي وأفقد أعصابي بس أتعوذ من الشيطان الرجيم وأسكت وأقول صيري أحسن منهم من أيام حلمت أنه فيه بقع حمراء منتشرة ع الصدر بالكامل نفس الحروق ومو بس فالحلم حتى بالواقع أحس فيها كل ما تضايقت يزيد الشي مع تشتت ولما أكون مستانسة يخف وما أعرف شنو هذا ! بس شكله من كثر ما أسكت وأكتم أفكر أجرب طريقة الكتابة على الورقة وبعدين أقطع الورقة يقولون يفيد بس بعدي ما جربت أهم شي أمسك أعصابي وما أتهور > والله أحس جهاد .gif "Ff1 (149)") |
|
|
|
|
11-08-2022, 10:31 AM
|
#76 | |
|
الناس لما يسافرون يشترون أشياء تذكارية
وأنا أروح المكتبة وأشتري دفاتر وأقلام ومقلمات مدري ليش بس تجذبني أشكالها خاصة الدفاتر والأقلام هذا اللي اشتريته آخر مرة  خواتي لما يشوفون الألوان اللي أختارها يقولون ما توقعنا هذا ذوقج يحسسوني أني كئيبة بس أصلاً العكس أحب الالوان جداً لولا الكسل اللي مسيطر علي هالفترة كنت بنسق ردودي وبخليها كلها ألوان نفس كراستي أيام المدرسة كلها ألوان وأذكر كان في أقلام مميزة وتعجبني الحين أدور نفسها بس مافي كان ملمس الأقلام نفس المخمل وحتى لما أكتب الحروف تصير كأنها مخملية وفيها لمعة يعني ملونة ولماعية نفس الكريستال كنت أحس دفتري كأنه محل مجوهرات > طبعاً محد يشوفه محل مجوهرات غيري بس والله الألوان حلوة أحس أي شي فيه ألوان فيه روح وفيه حياة وأي شي مافيه ألوان باهت كأن مافيه روح ولا حياة |
|
|
|
|
11-09-2022, 12:11 AM
|
#77 | ||||||||||||||||||||||
|
تذكرت كلامي هذا اللي كتبته قبل
كنت متوقعة البنت اللي عرفتها من فترة واللي أقول فيها شبه مني أن نمطها intp طبعاً intp يعني " المنطقي " وحلمت فيها وكان فالحلم هذا نمطها ومتأكدة حتى لأنها تذكرني ف البنت اللي أعرفها من قبل كثير بينهم شبه وأحسها فاهمتها طبعاً البنت اللي قبل هذي كانت شاعرة وما تعرف تجامل وصريحة ودايماً تقول رايها ف الشعر وكانوا يعصبون منها يقولون مسوية نفسها أستاذة علينا بس لما كنت أركز ف كلامها أحس أنها صح صدق في شعر يكون فيها أخطاء أنا مو شاعرة بس لما أقرأ أحس في شي مو مضبوط يعني الأبيات مثلاً مو على نفس اللحن > مخي يتلخبط لما أقرأ أو في كلمات مو مناسبة وأحس لازم يختارون غيرها عشان يصير في ترتيب وتناسق وهكذا .. حتى هذي البنت نفس الشي صريحة وما تعرف تجامل بس أحس أتقبل أسلوبها وعادي الفرق بيني وبينها أن هي حدسية وأنا حسية الحدسين أحسهم ينتبهون لأشياء ما أنتبه لها وحذرين بزيادة ل درجة الوسوسة أنا مو دايماً أتبع حدسي مرات لازم أجرب بعدين أفهم الأشياء صح يعني أتعلم من الأخطاء والتجارب والصدمات وهكذا =) |
||||||||||||||||||||||
|
|
|||||||||||||||||||||||
|
11-09-2022, 01:29 AM
|
#78 | |
|
بعض العلاقات تكون عميقة
حتى لو ما حسينا بدرجة العمق المواقف تبين هالشي مثل علاقة الأخوة لما حد منهم يمرض أو يتعب بسرعة أتأثر وأحس بنفس شعورهم أذكر مرة أختي اللي متزوجة كانت ف المستشفى وما قالت لنا بهذيك الليلة أنا ما عرفت أنام كل شوي أشوف أحلام مو حلوة وفيها أختي وكان فيني قلق اليوم الثاني عرفت أنها ف المستشفى وبذاك اليوم كان ميلاد لولو الصغيرة وطبعاً الحلوة جاية قبل ما تكمل تسع شهور كلنا تفاجأنا لما أرسلت لنا صورتها اليوم بعد لما أختي الصغيرة تعبت أنا أحس تقريباً بنفس الأعراض اللي فيها > مدري كيف أتأثر هالكثر ! |
|
|
|
 |
| الكلمات الدلالية (Tags) |
| سواليف |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 07:08 PM