حكــاية قصيــرة ❥

اريد ان اختبيء هنا ..!
من يبحث عني ، اخبروهم ، بأني فقد الجزء المهم من روحي ، ضعف سمعي و باتت الرؤيه مشوشه
و فقدت جزء من عقلي حتى يكاد يصيبني الجنون ،

اخبروهم بأنني سافرت الى اللاوجود ، تلاشت معالم الحياة امامي ،
و اني احاول ان اعقد هدنه مع الحياة ،

و اخبروهم ، بأنني سأعود بروح جديدة ،

طُليْطل ,سحابة صيف ,رايــق و 6 آخرون معجبون بهذا

عبير ,خفايآ روح~•• ,طقاقة أم عنبر ,ابن الهيثم ,الحر الأشقر ,رآنيا

" قَبْسٌ مِن نُور "




بعض الاشخاص في الحياة نكديين بطبعهم ،، و المشكله العظمى يكون هالشخص مرتبط فيك ،،
يعني شخص لصيق بك ،، تربطك فيه علاقة زواج ، اخوة ، صداقة .. من هؤلاء ..!
يعني مهما تسوي لهم ، يضلون متذمرين و يكسرون مجاديفك ،،
يخلونك تتراجع عن اي خطوة حلوه انت جالس تصنعها لنفسك ،،
يحدثون شرخ كبير في روحك من ناحيتك ، بعدها الحياة معهم تصبح مستحيله و انت ما تقدر تنفك عنهم ،،

نصيحتي و كلامي ممكن يكون غريب شوي ،، بس هو مجرب من ناحيتي ، و مجرب على بعض الصديقات ،،

الا و هو " الاستهبال " :ff1g (12):



ترا الاستهبال فن عظيم لا يجيده الا العظماء <- ترقع لنفسها

تقولون لي كيف الاستهبال : بحاول اشرح لكم و ان شاءالله اني اقدر اوصلكم الفكره ،،

ذولا النكدين لما تسوي شي حلو ، او تقدم لهم شي ،، على طول عباراتهم لك سيئه ،،

مثلاً : فرحانه بنفسك ! ، من زين وجهك ! ماخذه مقلب بنفسك !
اتوقع وصلت لكم الردود السيئه ! ردود تخليك تقول في نفسك انا وش خلاني اسوي لهم كذا
تخليك تندم على الشيء اللي سويته لهم ،،
فيه فئة من الناس ردودهم اقوى شوي ،، بس الحمدلله ان ما عندي احد بهالنوعيه

بس الاستهبال بيعالج المشكله ،،

يعني خل ردك لهم يكون فيه لطافه فيه مزح ، ضحك لكن بنفس الوقت تكون مبتسم و تبين له انك على نياتك
الموضوع في نوع من الخباثه شوي ،، بس خباثه لطيفه خخخ

مدري كيف اعطيكم امثله ،،

مثلاً بقولكم
لما اخواتي اسوي شي و اجي فرحانه اوريهم و يبدون يكسرون مجاديفي ،، اوقات من باب المزح
بس لها تأثير ترا ،، مثلا يقولون لي فرحانه بنفس انتي !

اقولهم و الله اني اهبل ،، يازيني بس ،، ابدأ امدح نفسي ببراءة و استهبال ،،
تخلي الموضوع يقلب مزح و ضحك ،،
و ما اتوب و اجي اوريهم من باب ان رايهم مهم عندي ،،
لابد تجي بعض الردود اللي مالها داعي بس تكون اخف من المره اللي قبلها ..
و بعض المرات انا استهبل و اسوي نفسي مو فاهمه عشان اكبر من رايهم شوي و يكون فيه حديث استفيد منه
يقومون يعطوني رايهم بشي ،،



ترا الاستهبال مو يعني تكون اهبل و ردودك دفشه ،،
تسوي نفسك مو فاهم ، و تحسسهم انهم نبهوك على شي مهم و انت عارفه اصلا

و ممكن بعض الناس ما يفيد معم هالاسلوب ،، يبيلهم تزيد عيار الاستهبال شوي خخخ


سبحان الله شوي شوي انتم بتبدون ترقعون لبعض ،، و تسلك الامور ،،
و ممكن الطرف الثاني يفهم اسلوبك و يبدأ هو يسويه ،،
الين تصير الحياه هبله <- و الله من الراس الاهبل خخخ


لا بجد اتكلم ،، ترا الحياه حلوه ما تحتاج اننا نضايق بعض ،،
بس التغيير يبدأ من انفسنا ،،



و اتمنى لكم استهبالاً لطيفاً



و يومكم سعيد

الحر الأشقر ,سحابة صيف ,رآنيا و 4 آخرون معجبون بهذا

ابن الهيثم ,رايــق ,خفايآ روح~•• ,عبير

اعترف اني عندي تشتت , ماني قادرة اركز على شي محدد ,, على اني اعرف وش ابي بس ماني قادرة ارتب افكاري ,
عندي افكار كثييير ودي احد يدخل عقلي و يرتبها لي ,

و انا اعرف ليه مو مرتبه ,, لان ببساطه غرفتي مو مرتبه خخ
اذا انحاست الغرفه تلقائي القى نفسي احوس معها
و من زمان ما غيرت ترتيب الاثاث ,,

و حاجه ثانيه من زمان ما مسكت ورقه و قلم و خططت ,,




شي مهم الواحد يخطط و يكتب اولوياته و الا ايامه تروح و ما يستفيد منها ,,
و هذا اللي صاير معي هالفتره ,, لي شهر و انا على ذا الحال يمر الويكند و ما استفدت شي


يالله ارجع اعيد الهيكله و نرتب الاولويات ,,


و صباحكم سعيد \\ :531::

الحر الأشقر ,المعتفس ,سحابة صيف و 5 آخرون معجبون بهذا

رآنيا ,ابن الهيثم ,عبير ,رايــق ,خفايآ روح~••

اهتم بنفسك كثيراً، و كثيراً جداً
لان الجميع يذهبون و تبقى انت تواجه الحياة..

صباحكم سعيد، و يومكم جميل

رايــق ,الحر الأشقر ,طُليْطل و 6 آخرون معجبون بهذا

خفايآ روح~•• ,المعتفس ,سحابة صيف ,رآنيا ,ابن الهيثم ,عبير

ما اتوقع فيه احد يداوم قبل دوامه ب ثلاث ساعات..
اوقات اطلع من البيت و انا ما انتبهت انه بدري مررره

صرت انزعج لو عندي شغل كثير و مو قادرة انجزه،،
ف اضطر اجي بدري و اشتغل برواقه..

صباحكم سعيد..
و يومكم جميل

رايــق ,رآنيا ,الحر الأشقر و 5 آخرون معجبون بهذا

ابن الهيثم ,طُليْطل ,خفايآ روح~•• ,المعتفس ,عبير

من مهاراتي... لف السمبوسة،،
استمتع فيه بشكل

الف بطريقه مرتبه و بسرعه هائلة بسم الله علي
يعني في ساعتين سويت ٢٠٠ حبه و في جلسه وحده
بس بموت من ظهري
و عندي اشياء مخططه اسويها بس امي كانت مجهزه حشوة السمبوسة تنتظرني
يالله لجل عين تكرم مدينه اجلت اشغالي عشان امي و السمبوسة


تدرون وش نفسي فيه.. نفسي اكل و انا منسدحه خخخ

مۘڛۜٺـڕڀـحۡ ا̍ڸبٱ̍ڷ ,رايــق ,الحر الأشقر و 3 آخرون معجبون بهذا

عبير ,رآنيا ,ابن الهيثم