حكــاية قصيــرة ❥

اوقات يكون عندك شعور ودك تتكلم عنه..
و تحتاج ناس ما تطبطب عليك، كثر ما تحتاجهم يبثون فيك احساس القوة..
و بدون تفكير تعرف مين ذول الناس.. تعرف انك اذا كلمتهم و قلت لهم هذا الشعور..
بينتهي من داخلك و كأنه لم يكن..
ناس تعرف ترد عليك و تعطيك رايها بصراحه و بقوة تحسسك انك انت قوي و هم استمدوا قوتهم منك..
و بالاساس انه هذول الناس لهم تأثير قوي عليك، و لهم الفضل في تغيير شخصيتي للافضل، بعد ما كنت في لحظة اشعر بالتخاذل..
ناس كانت تقولي اني قوية، و انا كنت في فترة مكسورة من الداخل و محد حاس..
كانت تعزز شعور القوة بداخلي،، الين ما صرت افضل،،

هذي الانسانه ما انسى فضلها علي بعد الله
و فوق هذا الدعم اللي قدمته لي.. لازالت توصلي شعور اني انا القوية و انا اللي اثرت فيها..

صاحبتي و صديقتي و اختي و مديرتي في يوم من الايام
اليوم وقت ما حسيت اني بتراجع لو نص خطوة لوراء
كلمتها و عززت فيني شعور القوة و المسؤوليه..


احلى شي فيها و كثير ما يتقبلون طبعها عليها ردود جامدة ما يتقبلها الا انسان يبي فعلاً يتغير..

انا ممتنه لله، ثم لها و لليوم اللي عرفتها فيه من 13 سنه..

alwafa ,خفايآ روح~•• ,This Aziz و 6 آخرون معجبون بهذا

الحر الأشقر ,سمو المجد ,رايــق ,ابن الهيثم ,رآنيا ,مستحيل

شعوري اليوم ذكرني بشعور صار لي قبل فترة..
ممكن انها سنه،،
مرره انظلمت في شغلة .. و مهما اتكلم، تتسكر بوجهي من كل جهة..
للصدق جالسه احاول اتذكر الموقف ناسيته بس اتذكر نصر الله لي
ذاك الليلة نمت و انا مغبوونه من الموقف، و كيف اللي حولك حملوك الغلط و انت مالك دخل فيه
و انا نايمة كنت كل شوي اصحى و اقول حسبي الله و نعم الوكيل
الغريب في الموضوع.. اذا صحيت ما يجي ف بالي الموقف عشان يخليني اتحسب.. كذا من الله..
عدت الايام و ربي اظهر نصري بدون لا حول و لا قوة مني،،


هالموقف رجع لي الحين لما غمضت عيني.. و قلت حسبي الله و نعم الوكيل..
بس هالمره انا مطمئنة، مو زي زعلي المرة اللي فاتت..
طبعاً المواقف مختلفه،، بس حبيت شعور الهدوء بداخلي،،
و هذا الهدوء، يعلمني قد ايش انا تغيرت و ما تزعلني المواقف و صرت ابحث عن الحلول قبل ازعل..

هذا بفضل الله اكيد :507:
الله يجعلنا دوم نشكر فضله و نحمده على انعامه الفضيله :507:

alwafa ,خفايآ روح~•• ,This Aziz و 6 آخرون معجبون بهذا

الحر الأشقر ,سمو المجد ,رايــق ,ابن الهيثم ,رآنيا ,مستحيل

احب ابشركم ان الله عوضني بالراحة
عسا الله يبارك لي ف الايام الجاية

alwafa ,ابن الهيثم ,خفايآ روح~•• و 5 آخرون معجبون بهذا

رايــق ,This Aziz ,الحر الأشقر ,رآنيا ,سمو المجد

صباح الاطمئنان ،

صباح اللحظات الجميلة اللي صارت و اللي نتخيلها قبل تصير ،،





حزينه و مطمئنه و راضيه بنفس الوقت ،

الشهرين اللي راحو كانو من اصعب الشهور علي ، ما قد واجهت ضغط عمل بهذا الشكل ،

و لا قد واجهت مشاكل بهذا الشكل ،، لكن انحطيت في موقف صعب و كنت اركض ركض حتى يتم الشغل على اكمل وجه
مكان على كثر ما هو متعب بس اني ما تمنيت اطلع منه بهذي السرعه ،،

غير كذا انا حزينه على اللي بتجي مكاني ، قلت لها لو بيدي ما اخليك تجين مكاني ،

كلمتها و اعطيتها نصايح ، طبعاً نصايحي روحانيه اكثر من انها عمليه ،
تمنيت ما اخلي لها معلقات بس الشكوى لله

شغلنا كله معلقات ،،

و اكثر شي ما يخليني افرح بقوة ، هي .
. البنت اعرفها و اعرف رقتها بس المكان ما يبي له الا وحده حمشه خخ
مافيها قصور وشاطره ، بس انا مشكلتي احزن ع الناس
ياليتها وحده ثانيه عشان تكتمل فرحتي بالنقل




بس المرحله الجايه مرحلة جديدة و مختلفه كلياً ،

من اكبر التحديات اني بكون مقابلة لمديرة المنطقة و نائبتها
الغلطة و التفويته محسوبة علي




لكن انا مستعدة ،،:507:

سمو المجد ,alwafa ,نور الصبايا و 4 آخرون معجبون بهذا

ابن الهيثم ,خفايآ روح~•• ,رايــق ,This Aziz

صباح الجمال ، صباح الهدوء الروحي رغم الضجيج حولي

امس كان يوم جميل ، مع مجموعه من صديقاتي ،، كسرت حاجز الخوف و طلعت اجتمع معهم

" كورونا تعبتنا "



عندي صديقات كثير الحمدلله ، و كلهم احبهم و يحبوني <- اهم شي الثقه
طلعه معهم عن الدنيا كلها ،،

بعد كسر الحاجز ،، قررت اسوي جدول لباقي الصديقات ،، و اجتمع معم

بقولكم سر ،، بعض صديقاتي ما يحبون بعض و اعرف هالشي ، و هم يعرفون اني صديقه الكل و عادي الحياة حلوه



cb7:

سمو المجد ,خفايآ روح~•• ,رايــق و 3 آخرون معجبون بهذا

ابن الهيثم ,alwafa ,نور الصبايا

في مراحل او تجارب ف حياتك تتمنى انك ما مريت فيه،
لكن لسبب ما الله كتبها لك، ممكن عشان تتعرف على اشخاص لطيفين.
او تتعرف على مشاعر جديدة و تجربها و تجرب تأثيرها عليك..


لما يقولون لك هذا مو مكانك،، بس حطيناك فيه لحاجة معينة..
تكون انت وقتها حبيت المكان و الاشخاص، رغم مرارة الايام..
و جالسه الحين احاول اتخلى عن شعور التعلق،،

و احاول احب المكان الجديد، و اتعلق فيه،،
عندي مشكلة ازلية مع التعلق بالاماكن،،

روح المكان تأسرني،

سمو المجد ,ابن الهيثم ,خفايآ روح~•• معجبون بهذا