#صومعة_توماس_العامرة

[توماس]

خيمة الحارة

هذي خيمة تم شراءها من قبل حريم الحارة على بند القطة:r-q-7:

وتم بناءها في برحة بين البيوت

يتعللن فيها ويسمرن ويحشن فينا نحن معشر الرجال ويقطعنا تقطيع

ويفضفضن فيها

ويتبادلن اخر ما توصل له فنون الكيد والدهاء والمكر

انا شخصيا شفت ابليس جالس جنب الخيمة مستمع ومذهول

ناديته قلت له يا ولد تعال معاي للاستراحة وش لك فيهن امهات قرون



قال لي لا يا رجال انتم تطقطقون علي هنا اتعلم منهن

جوانا ,White ,رآنيا معجبون بهذا

[توماس]

جاري العمل على المحموس

الشغالة انهبلت وطارت عيونها !!!!

الظاهر اول مرة يمر عليها ناس تاكل لحم على الصباح

يا خوفي تنحاش تخاف ناكلها


بعدين ياشماتة ابلة ام زكي فينا

جوانا ,White ,رآنيا معجبون بهذا

[توماس]

البارح انا الشيف بالاستراحة
الشباب كل شوي واحد منهم يدخل علي بالمطبخ يطلب شي

واحد يقول زيد الدهن فيها
وذاك يبيها حارة …وذاك يبيها فلفالية
وذاي يبي… وذاك يبي …..

كل واحد اعطيه على جوه واقول له ابشر اصلا انا ابيها كذا

وسويت اللي انا ابي

بس طلعت منتازة بالحيل

جوانا ,White ,رآنيا معجبون بهذا

[توماس]

اعترفت لي امي بشيء على غير العادة

تقول كنا نصلي التراويح

ووحدة من المصليات دق جوالها اثناء الصلاة

وهو تحاول تصمته لكن دون جدوى

طفح بها الكيل وعصبت على جوالها وهي تصبخه بالجدار

طبعا الجوال انكسر الى قطعتين او ثلاثة كان من الجوالات القديمة

لكن ما زال يرن وهو مكسور وبعيد عنها

تقول امي وانا يمسكني الضحك بالصلاة واللي بجنبي تدفني بكتفها يعني اسكتي وامي تضحك

تقول ما قدرت اسكت

حفظ الله لنا امهاتنا

جوانا ,White معجبون بهذا

[توماس]

من أمام الشاشة الكريستالية وباحضان الكنب الصيني وبجوار الطبيعة الصناعية

نرتشف كأس الشاي ونقول لكم مساء الخير

جوانا معجب بهذا

[توماس]

عندما تقترب نشعر بسخونة المكان

جوانا معجب بهذا