05-26-2022, 10:55 AM
|
#31 | |
|
رواية " قهوة قاتل "
لفت انتباهي عنوانها وقررت أشتريها هالرواية فيها درس مهم جداً والدرس هو أنك لا تتسرع أبداً ولا تحكم على الناس بناء على ظنون وأوهام أو أدلة يمكن ما تكون حقيقية بس عقلك هو اللي اخترعها وفكر أنها حقيقية ولا تروح تتصرف من نفسك و تقتل أي شخص أو تأذيه بدون ما تفكر لأن يمكن في أشياء ما انتبهت لها ويمكن في تفاصيل غابت عنك وما شفت الصورة كاملة هنا القاتل قتل إنسانة بريئة لأنه كان يظن أنها قاتلة وهو أصلاً إنسان زين مو قاتل بس تسرع و حكم عليها غلط وقرر يقتلها أرسل لها قاتل مأجور عشان يقتلها و في آخر لحظة اكتشف أنها بريئة وحاول ينقدها بس خلاص ماتت وطبعاً ندم لأنه تسرع وتصرف من نفسه ومشى ورى أوهام وظنون .. |
|
|
التعديل الأخير تم بواسطة رُوح ; 05-27-2022 الساعة 01:41 AM
|
|
05-29-2022, 06:25 PM
|
#32 | |
|
تدرون إني محتارة
مدري هل أحب الناس الحلوين ولا أحب اللي شخصيتهم حلوة الاختيار صعب لأن ما تفرق عندي يعني كلهم عادي لو أنه تفرق عندي بيكون الاختيار أسهل أفكر أسوي قرعة وأختار وأشوف شنو بيطلع لي أنا مؤمنة بالرسائل الكونية يعني إذا طلع لي الحلوين بختار الحلوين وإذا طلع لي اللي شخصيتهم حلوة بختار اللي شخصيتهم حلوة خلاص ترقبوا النتيجة .gif "Ff1 (149)") |
|
|
|
|
05-29-2022, 07:30 PM
|
#33 | |
|
سويت القرعة
ولما اخترت من أول مرة طلع لي اللي شخصيتهم حلوة بس لحظة أصلاً ليش أحط نفسي بين خيارين .gif "Ff1 (171)") ؟!بحط خيار ثالث على كيفي أحسن بختار اللي الحلوين وشخصيتهم حلوة يعني اثنين في واحد أكيد في حلوين وشخصيتهم حلوة خلاص اللي على كيفي أحلى |
|
|
|
|
05-30-2022, 01:09 AM
|
#34 | |
|
من الصُدف الجميلة اللي صارت لي هالفترة
كان عندي معلمة درستني رياضيات من زمان وقبل أكثر من عشر سنوات كانت طيبة معاي وتعاملني بأسلوب غير وأنا الناس اللي يعاملوني بأسلوب مُختلف ما أنساهم وكنت دايماً أتذكرها وما نسيتها ومن فترة لما رحنا نخطب لأخوي شفت معلمتي هذي هناك طلعت عمة البنت اللي كنا رايحين نشوفها سبحان الله كيف شفتها بعد كل هالسنين ! وترى بيتنا بعيد كثير عن بيتهم و من أول نظرة عرفتها مع أن شكلها تغير ولما قالت اسمها تأكدت وبس هي ما تتذكرني لكن قلت لها أنها كانت معلمتي بصراحة كثير استانست لما شفتها وحتى أهل البنت كلهم طيبين وأرتحت لهم أحب لما أفكر بناس وبعدين أشوفهم صدفة في قصة ثانية بعد حلوة يمكن بعدين أكتبها =) |
|
|
|
|
06-02-2022, 04:58 PM
|
#35 | |
|
الحين الواحد لما يشتغل فمكان
ويكرف ويتعب ويكون راتبه قليل وده أنهم يزيدون راتبه ويفرح إذا زادوه بس لما يروح السوق ويشوف أي سلعة زايد سعرها شوية يقلب الدنيا ويتحلطم مدري ليش ! انزين شو الفرق الحين الاثنين يبون فلوسهم تزيد ويفرحون إذا زادت محد أحسن من أحد ! أنا ضد إني أقاطع أي شي غالي إذا أقدر بشتري عادي وإذا ما أقدر خلاص أمد ريولي على قد لحافي واللي فلوسه قليلة ويروح يشتري شي غالي والله مشكلته هو ما يعرف يتصرف ولازم يغير نفسه الحين مو حرام لما الواحد يصنع منتج ويتعب عليه وآخر شي يبيعه بسعر رخيص وما يربح شي لو أي حد ف مكانه ما راح يعجبه لأن كذا مافي تقدير لمجهوده وتعبه وأصلاً هل المتحلطمين يقدرون يصنعون نفس المنتج ؟! وبعد وين اللي يحب لأخيه ما يحب لنفسه ! البخل شيييين :542: |
|
|
التعديل الأخير تم بواسطة رُوح ; 06-02-2022 الساعة 06:12 PM
|
|
06-03-2022, 10:21 PM
|
#36 | |
|
رد: - سواليف روح
تم اختيار مدونتك كمدونة ملكية لهذا الاسبوع يوم 3 يونيو 2022 إدارة مجتمع غلاك ~ |
|
|
|
 |
| الكلمات الدلالية (Tags) |
| سواليف |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 10:54 AM