حكــاية قصيــرة ❥

من الاشياء اللي ممكن ما تعرفونها عني .. اني احب ارجع اقرا سوالفي القديمة ,,
احب اقارن الحالات اللي كنت فيها ,, بالحاله اللى انا عليها الان ,,
ادقق مررره على نفسيتي و على شخصيتي كيف تتغير ,,
قبل فتره كنت نشيطه في السوالف في مدونتي و اكتب عن مواضيع , بس الان احاول اكتب ما اعرف ,,
يمكن لان فيه شي شاغل بالي , ف اخذني من المواضيع و السوالف ..


كان عندي برنامج اسمه " قبْسٌ من نُور "
احبه كثير و لا بد ارجع اسويه من جديد .. و راح احدد له يوم خاص و نجهز المواضيع من بدري
هو بس اقرر اكتب عن شي و الكلام كله يجي عفوي ,, يعني اطلق العنان للكيبورد و الكتابه

اليوم اول يوم في اجازتي و قررت انه يكون يوم حر بدون ترتيب .. اي شي يطري على بالي اسويه ..
لكن بعدها لا راح اكتب جدول الاجازه عشان انجز و استمتع ..
عشاني اوقات كثير اكتب خططي و اهدافي .. ف يصير الايام اللي ما اكتب فيها شي احسني ضايعه

اهوه ,, محاولة لإستعادة السوالف

عَـبوْرَهہْ♥ ,.. إنسان ! ,شذى الهلالية و 12 آخرون معجبون بهذا

محال ,إمبراطورة البحر ,عبير ,رآنيا ,سمو المجد ,سُلْوَان ,ـآسلوـوب ,ابن الهيثم ,طقاقة أم عنبر ,طُليْطل ,Designer ,رايــق

" قبْسٌ من نُور "





أهلاً بالاصدقاء ,
محاولة للعودة , و استعادة طاقة الحكاوي و السواليف ,,
بسؤال انا انسألت عنه من فترة ,,



كيف اصير ايجابيه , او ايجابي ..؟








السؤال وصلني من فتره من انسانه حبيبة , و زي البلسم على قلبي ..
و ادري اني ما جاوبتها و ممكن انها تفكر اني طنشت او شي ,,
لكن السؤال دق في قلبي , و انتظر اللحظه اللي انا اكون فيها رايقه و احاول اجاوب عليه قدر المستطاع
احاول اني افيدك و افيدكم لو بشي بسيط ,





انك تكون ايجابي , لازم في المرتبة الاولى تكون راضي ,
انا يحصل لي كذا , بس انا راضي و عارف ان هذا الشي ما صار لي الا لحكمه ارادها الله
دايم فيه مسألة الرضا يجي في بالي حديث الرسول صلى الله عليه و سلم " واعلم أن ما أخطأك لم يكن ليصيبك، وما أصابك لم يكن ليخطئك"
قد ايش لهذي العبارة تأثير علي بشكل كبير , تخبرنا بأننا تحت رحمة الله فقط ,,
و لا شي في هذي الحياة ممكن يضرك لو الله ما اراد لك المضرة ..
الان انت سلمت امرك لله , رضيت , و كل الامور الحياتية راح تمشي قدامك و انت راضي ,,
كلنا نتعرض لامور تزعل و تضايق , و احزان و هموم .. لكن الرضا هو ما يهونها عليك ..
هو اللي يطمن قلبك و روحك ,,


انت الان رضيت و سلمت امرك لله و هو اعلم بتدبير امرك .. و عشت حياتك مطمئن ,,
امسكت بأول الخيط .. و يالله حارب في هذي الحياة ,,









ثاني نقطة:
هي اقتناعك بنفسك و قدراتك , تزداد ثقتك بنفسك , و ما تتأثر بكلام الناس ..
و هذا يساعدك انك تكون ايجابي ب امتياز ,, ليه ؟
لاننا احنا نعيش في وسط مجتمع مختلفين تماما عن بعض ,, يجمع كل الشخصيات ..
تخيل انت وسط ناس متشائمين متحلطمين .. راح تتأثر انت منهم شي طبيعي ..
لكن لما تحصن نفسك بالرضا اولا , و ثانياً بثقتك بنفسك و اقتناعك فيها ..
انت بتضل بنفس الايجابيه ,,
صحيح لما يكون المجتمع متذمر و متحلطم و انت بينهم ايجابي ,, راح تختنق منهم و تحس نفسك منضغط
و هذي الحاله انا جربتها ,, و عشت معها شهرين الى ان بدأ تأثيري ,,
لكم ان تتخيلون ايش الضغط اللي كنت اواجهه .. و بعض التعليقات السلبية تجي على الايجابيه
لكن انا كنت مستمرة و مقتنعه بنفسي ايش جالسه اسوي .. مقتنعه ب افكاري
شوي شوي الى ان بدت الامور تزين نوعاً ما ..









النقطة الثالثه و الاهم : الحب ,
لما تحب نفسك , تحب مجتمعك و الناس اللي حولك .. تشيل من قلبك الحقد و الكراهيه ,,
تصفي نيتك ,, لا تتوقع الشر , دايم خل في بالك الخير ,, لان هذي طبيعتنا الاساسيه ..
خلقنا من الخير و للخير ,, و الحياة هي اللي شكلتنا ,,
تمسك بطبيعتك الحلوه , و بروحك اللطيفه .. قدم الخير و توقع الخير ..








نقطه اخيرة بس بقولها :

انا لا اتحدث من برجي العاجي ,, انا بين الناس , فيني جانب خير و فيني جانب شر
فيه اشخاص انا ما احبهم لكني اتجاهلهم , في اشخاص زعلتهم و فيه اشخاص زعلوني
لكن انا سامحت و رضيت , و الله يسامحني


ان شاءالله وفقت في حلقة اليوم ,, كنت اتحدث بكل عفويه .. و احاول استجمع افكاري
و اطرح لكم المفيد منها ,, و ان شاءالله ما نسيت شي ..



كل الحب :lo2:

عَـبوْرَهہْ♥ ,.. إنسان ! ,شذى الهلالية و 8 آخرون معجبون بهذا

ابن الهيثم ,رايــق ,محال ,إمبراطورة البحر ,سمو المجد ,عبير ,رآنيا ,ـآسلوـوب

مودي اليوم افتح الاستديو و اصور،،

عَـبوْرَهہْ♥ ,.. إنسان ! ,شذى الهلالية و 7 آخرون معجبون بهذا

ابن الهيثم ,رايــق ,محال ,إمبراطورة البحر ,ـآسلوـوب ,سمو المجد ,عبير

http://g-lk.com/vb/showthread.php?t=13360



يلوموني فيك !!
لو كل الناس ما اهتمو بس انتي اهتميتي للموضوع انا اكون راضيه و مقتنعه انه وصل للناس اللي تحتاجه
سمو المجد من الشخصيات اللي تثير الاهتمام , و كان لها في نفسي صولات و جولات و تأملات ,,
ودي اتكلم عنك بس اعطيني الضوء الاخضر <- الظاهر فيه اشياء و اشياء خخخ
و توعديني ما تزعلين مني

عَـبوْرَهہْ♥ ,.. إنسان ! ,شذى الهلالية و 7 آخرون معجبون بهذا

ابن الهيثم ,رايــق ,ـآسلوـوب ,محال ,إمبراطورة البحر ,عبير ,سمو المجد

بعد جلسة التصوير الثانيه،، نتقهوى و نكافئ نفسنا بالكوكيز و السعرات
و قهوة من الباريستا اختي :507:
أهم شيء اسوي الكوكيز و امي تقول لمين قلت عشان اصوره،،
قالت و بعدين وين تودينه،، قلت لبطني خخخ


ودي احد عندي في البيت يحبه كثري،، عشان ياكل معي و تتوزع الدهون علينا

عَـبوْرَهہْ♥ ,.. إنسان ! ,شذى الهلالية و 6 آخرون معجبون بهذا

ابن الهيثم ,رايــق ,إمبراطورة البحر ,سمو المجد ,ـآسلوـوب ,محال

كذا انتهت طاقتي
بس ابي استرخاء و فلم درامي رومانسي الين انام

.. إنسان ! ,شذى الهلالية ,ابن الهيثم و 5 آخرون معجبون بهذا

رايــق ,إمبراطورة البحر ,سمو المجد ,ـآسلوـوب ,محال