|
01-02-2023 | #1 |
|
رد: ): عفستي (:
كان صباحا جميلا
بذرت بذرة قبل ثلاثة أيام ومن حينها وأنا أترقب بداية ظهور ساقها بس انفجعت صراحة وقد ماانفجعت انبسطت على طول طلعت من البذرة بووووم وردة بدون حتى مراحل نمو حتى اني استحيت ومدري ليش استحيت يمكن لني يوم بذرتها كنت فتحدي مع نفسي والدعوى ماتستاهل بس الزراااااعة شي جميل لكن ماعاد بازرع نوعية هالبذور واصلن ماحب الورد v]: ): utsjd (: |
|
01-03-2023 | #2 |
|
رد: ): عفستي (:
ياربي لك الحمد حتى ترضى
|
التعديل الأخير تم بواسطة المعتفس ; 01-03-2023 الساعة 03:18 AM
|
01-03-2023 | #3 |
|
رد: ): عفستي (:
هذا موقف ماانساه والله
على طريق الرياض مكه قبل حلبان فمطعم نسيت اسمه ملحوس بس شخصيه ومو مبين عليه يوم جابوا له النص شوايه مع الرز سوى زحمة وصجه يقول ان الدجاجه تتحرك في الصحن يعني باقي حيه لدرجة فيه عاملين ٢ من كثر مالحس مخهم جلسوا يراقبون الدجاجه تتحرك صدق والا لا مدري وش صار عليه انا اول ماشبعت ونويت اقوم اغسل شفته وسمعت صجته كان جالس قريب مني..وقمت غسلت وطلعت وهو باقي مسوي صجه ماكان عندي وقت ورايح اعزي بس كل ماشوف دجاجه والا نص فصحن يطري علي الله يسعده ويرفع عنه ابتلاءه |
التعديل الأخير تم بواسطة المعتفس ; 01-03-2023 الساعة 03:34 PM
|
01-04-2023 | #4 |
|
رد: ): عفستي (:
الحب والعشق كذبة دنيئة إن لم يخالطهم رحمة أمومة وأبوة
فيه قصتين خلتني أطلع بهذا الاستنتاج الغير قابل للنقاش القصة الأولى أعرف صاحبها معرفة شخصية أخذ وحده عن حب وكان صاحب منصب ومال لكن قدر الله إنه يصير عليه حادث ويتشوه ويتعوق..زوجته ماصبرت عليه أكثر من سنة ..صارت تعامله بكره ..يقول لي والله اني اشوف فعيونها انها تتمنى موتي .. ومالومها لو تقرفت مني بس تقدر تتقرف مني بدون تسمعني كلام مو زين أخينا بعد ماخسر منصبه حب يتمسك فيها باللي باقي له من مال ..الين صار ياخذ مصروفه منها ببخل ..وتهاوشه بعد عليه حتى اذا صرفه فشي ضروري رغم انه مابقت دولة في العالم قبل يتعوق الا وسفرها وعمره ماقصر معها فشي وكان معيشها ملكة وهي كان معروفه قبل يتعوق بحبها الجنوني له قال جنوني قااااال في الطرف المقابل برضو زوجة تشوه زوجها بعد حادثه وخسر وظيفته وهذا مااعرفه ..بس اعرف ناس يعرفونه معرفة شخصية يقولون هي اللي تدخله الحمام وتغسل له وتركبه بجهد السيارة وتعامله برحمة الام والأب لولدهم المعوق فالسؤال ياصديقي العاشق ياللي حبيبتك غزاله ومدري كيف عيونها وخصرها ورقبتها لو احترق وجهها وتشوه كل جسمها وتعوقت هل باقي بتحبها نفس الحب والا لا ونفس الشي يالعاشقة ..حبيبك اللي شفته حمرا وعارضه كنه صابغة بصبغة جزم من سواده وزود وسامته هل اذا تشوه وتعوق وخسر ماله باقي بتكتبين فيه وتحبينه ؟ خصوصا اذا عرفتي انه صارمايقدر يتحكم في البول والبراز؟ الله لايبلانا ويرفع بلاءه عن كل مبتلى كلامي هذا طبعا يعم كل المحبين حتى اللي مو متزوجين |
التعديل الأخير تم بواسطة المعتفس ; 01-04-2023 الساعة 04:38 AM
|
01-04-2023 | #5 |
|
رد: ): عفستي (:
صحيت على أحلى بشارة
يارب لك الحمد |
|
01-05-2023 | #6 |
|
رد: ): عفستي (:
الرجل او المرأة ماينعرف معدنهم الحقيقي الا اذا وقع الطرف الثاني في مصيبة ، وخصوصا في حال المرض والفقر
^ كلام سليم رانيا |
|
الكلمات الدلالية (Tags) |
عفستي |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|