هل يمكن للإنسان أن يحمل ولاءين متعارضين دون أن يخون أحدهما؟

[رآنيا]

اسعد الله اوقاتك بكل خير

الحقيقة انحطيت في هالموقف كثير في حياتي الواقعية
يمكن كان اسوء موقف كنت فيه مو بين صديقين الا بين اقرباء من الدرجة الاولى والثانية
لكن في العالم الافتراضي فأنا ماني من النوع اللي يتدخل بين اثنين
يعني خلينا نقول لو حصلت مشكلة بين شخصين أعزهم
اكيد جميعهم يهموني وماراح اقدر اوقف في وجه احد ضد الثاني خصوصا اذا كانت مشكلة شخصية وماكنت انا بداخل المشكلة او محد طلب مني التدخل
لما اتخيل الموقف واحلله نفسيًا اشوف اني اذا حاولت اخذ موقف واوقف في النص راح اجرح احد الطرفين بدون ما احس
واعتقد اني انحطيت بموقف سابقًا مع صديقتين كنت عارفة مين المخطئ ومين لا
لكن اسلوبي ما تغير مع احد فيهم ولا اظهرت اي شي لا بقول ولا بفعل ، بقيت مثل ما انا كما يعرفوني
بالنهاية المشكلة بسيطة والخلاف ماراح يستمر وان استمر وانتهى بانهاء العلاقة ف ادعائي بإني شخص محايد ووقوفي في المنتصف قد يضعني في موضع لم يطلبه أحد مني لكن انا تدخلت واخذت هالمكان
ومثل هالموقف راح يحطك في موقف أصعب بدون ما تحس
لان مع الوقت تكتشف ان وقوفك بالنص بحد ذاته صار موقف
كل واحد فيهم بيصير ينتظر منك شيء حتى لو ما قالها لكن كلامك المحايد يخليه يحاول يعرف مكانتك عنده وينتظر ولاء منك
ولو ما تكلمت بيفسر صمتك بطريقته حتى لو انت مقتنع انك محايد
والحقيقة ان داخلك غالبًا فيه ميل بسيط لأحد الطرفين
حتى لو ما ظهر منك بشكل واضح
لكن هذا الشي ممكن يبين في تعاملك بدون ما تقصد
وهنا تبدأ المشكلة
وقتها راح تحس نفسك مطالب ترضي الجميع
وفي نفس الوقت مو قادر تكون واضح مع أحد
وعشان لا تجرح الطرف الاول راح تضطر تجرح الثاني حتى لو بدون قصد
عشان كذا اشوف مو لازم تدخل في كل خلاف
خصوصًا لو كان بسيط او ما احد طلب رأيك
وممكن يكون من الأفضل انك تبدي رأيك او تحاول تصلح
لكن مع ذلك الموضوع كله يعتمد على الموقف
وعلى قدرتك ومعرفتك متى تتكلم ومتى تسكت ومتى تتدخل في الموضوع خصوصًا اذا اصبح فيه ظلم كبير وتعدي على الحقوق وما الى ذلك

~

نايف معجب بهذا