اهدي بيت شعر. للي في بالك. ،،!

[أمل]

اما اهتديت لراي امضى من السيف
ولا عرف هدي النجوم الدليله

على الاقل تصك باب التحاسيف
لا تقتفي حمى العتاب المليله

الشك لا غثرب عدود المواليف
الاكتفاء بالماضي افضل وسيله

أوديت ,عاقل المجانين معجبون بهذا

[علي]

لنا على قولة سهالات منوال
ويمرّنا حشد الخطا ويتعدّى

الله خلقنا من وقار وسعة بال
حتّى مع اللي نكرمه ويتردّى .!

- سند الهليّل

[أمل]

الحزن يصنع من المألوف وجهٍ غريب
‏و أخاف لا شفتك أسأل وين شفتك قبل؟

[مسترٍيَحٍ آلُبآلُ]

وليفة الروح .. يا خشف الغزال النحيل
يا فتنةٍ .. تتعب أفكاري .. بتصويرها

وش حلوة الجوف عندك ، وزعبل والنخيل؟
والمارد .. اللي تمرد .. عن مواكيرها ؟!

صوتك من الريح .. وإلا من غريد الهديل؟
وإلا من المغفرة .. صوتك .. وتكفيرها ؟!

ريقك من الشهد .. وإلا منبعه سلسبيل ؟
وإلا من الغيم .. يقطر مع .. تباشيرها ؟!

رمشك طبيعي من الله .. انخلق لك كحيل ؟
وإلا بكحلك .. وزاد العين .. تكبيرها ؟!

شعرك من الليل .. يسدل فوق ظهرك جديل ؟
وإلا خصاله .. من السدرة ، مظافيرها ؟!

وجهك جميل .. ووجه اللي يشوفك جميل
مثل القمر .. لا سطع يجلي دياجيرها !

خصرك قصيدة غزل .. معنى ووزنٍ ثقيل
وأنا وشعري .. غدينا .. من جماهيرها !

وردوفك .. الويل والموت الحمر .. والدليل
تقضي علي .. مثل ما تقضي مشاويرها !

يا ويل حالي .. ليا مرت .. وهبّ العليل
تضيع كل البصاير .. في مداويرها !

وعز الله إني .. بحبك صرت حي وقتيل
لو مابيدينك .. حياتي مع مقاديرها !

والحسن ماله حدود .. ووصفك المستحيل
عجّز حروفي .. وتاهت في تعابيرها !

علي معجب بهذا

[علي]

[أمل]

كبرت عمري على شان اتفادى الذنوب
وصراحه ان عمري العقلي ثمانين عام

وان قلتو الغطرسه باب الجهل والرسوب
قلت الجهل لا جهل قدرك صغير المقام