رجيم قاسي

[sωєєτ ɢɪяℓ]

ربي يعطيكم العافيه ماقصرتو

[sωєєτ ɢɪяℓ]

انا محتاره بين الرجيم القاسي وبين اني اضل على اكلي نفسه ثلاث وجبات
العشا يوم فيه يوم مافيه واجمع مبلغ واشتري سير كهربائي وامشي عليه

شرايكم

[‏عآزفّ النّآي]

أخت ميرو ..
مآدامك متخذهـ قرار كثر الحكي مآراح يغير حاجه
بس حقول لك تجربتي :
اوقفت جميع أنواع الزيوت والدهون والسكر الأبيض والخبز الأبيض
واللحم أسلقه وابعد مويته وبعدها احمسه ببصل وطماط ورز ابيض
والباقي أوكل منه كيف مآبدي ونقصت 15 كيلو في 3 شهور وسلآمتـك
دمتِ بخير .

أمَوآج آلشَرقَيهہْ♥ ,محال ,ياسمينا معجبون بهذا

[محال]

.


مساء الخير ع الجميع
اخت ميرو
راح اختصر عليك كل شي وركزي معاي
أولاً : بدون تغذية سليمه وبدون رياضه ماراح ينزل وزنك
ثانيا: بدون إراده قوية وعزيمه دائمه راح يجيك إحباط
ثالثا: يجب عدم استعجال النتائج [خلي رؤيتك لمدى بعيد]
رابعا: اعتمدي نظام السعرات الحراريه وأخذي ثلثين احتياجك اليومي
خامساً: السكر الأبيض الشوكلاته المشروبات الغازيه ممنوع
سادسا: تأخير الوجبه الأولى مهم والوجبه الأخيره بدري و تكون خفيفه مره
سابعاً : كل خمسة أيام اليوم السادس زيدي الأكل شوي عن المعتاد وكرريها

عن تجربه اقطعي الخبز بجميع أنواعه وراح تلاحظين فرق كبير خلال اسبوعين واستمري لأطول فتره ممكنه
راح يتحسن الهضم وراح تتعدد خياراتك ف الأكل الصحي
أمر مهم لاتقطعين الكربوهيدرات نهائي لكن خليها قليله
ابتعدي عن الزيوت النباتية والمهدرجه وابتعدي قدر المستطاع عن الزيوت
واذا لابد خففي مره ويكون زيت زيتون او زيت حيواني
في كل بداية لابد من صعوبات لكن لازم نواجهها وماننهزم من بدري
ممكن يكون آلام في المفاصل واسفل الظهر وإرهاق لكن مع الوقت تنتهي
الرياضه ساعه ف اليوم قليل اذا تبين نزولك سريع شوي
اعتمدي رياضة المشي فقط خصوصا اول ٣ شهور
وخلي نومك ف الليل والنهار تكفيك ساعه ترتاحين فيها (غفوه)
امشي الفجر ساعه والعصر ساعه وخلي عشاك بين المغرب والعشاء
اعتمدي السلطات مع الوجبات وبين وجبة الإفطار والغداء
اعتمدي ٣ حبات تمر سناك ويوازن لك معدل الأنسولين
واكثري من شرب الماء بما لايقل عن ٣ لتر يومياً
انا اتكلم بناء على تجربتي مع الدايت الغير ممل
والنزول البطيء والمفيد والمستمر ومازلت مستمر ف الرياضه
ومهما انا راضي كثير عن نجاحي ماراح اترك رياضة المشي

اتمنى لك التوفيق والنجاح واعتذر عن الاطاله
تحياتي

زهرآء ,أمَوآج آلشَرقَيهہْ♥ ,صمتّ معجبون بهذا

[sωєєτ ɢɪяℓ]

بصراحه مصممه على الرجيم القاسي
الفطور بيضه
الغداء سلطه
العشا شوربه

وانشاءالله ينزل واحافظ عليه

ادعوا لي
ربي يعطيكم العافيه تعبتكم معي

[محال]

	المشاركة الأصلية كتبت بواسطة meroo

	بصراحه مصممه على الرجيم القاسي الفطور بيضه الغداء سلطه العشا شوربه وانشاءالله ينزل واحافظ عليه ادعوا لي ربي يعطيكم العافيه تعبتكم معي

هذا مايتجاوز ٣٠٠ سعره
ويصلح وجبه واحده مو ثلاث وجبات
واعتقد كذا بيتعكر مزاجك وممكن يطيح شعرك خلال أيام
وان شاءالله اكون غلطان

عموماً الله يكتب لك اللي فيه الخير
ويارب نتائج هالشي تعجبك وتفيدك وماتسبب أي ضرر
وبالتوفيق لك .. تحياتي وفي أمان الله

أمَوآج آلشَرقَيهہْ♥ ,زهرآء ,meroo و 1 آخرون معجبون بهذا

مشاري