لحظة عمر اتمناها من كل قلبي

[فـهـد]

ما تدرين وين الخيرةة فيه
بعدين لسى صغيرة

عسى ربي يرزقك بالزوج الصالح

[‏متأمل]

ً
ً
راح ارد برد عفوي واقول :

من حقك تخافين وتقلقين
ومن حقك تتساءلين وتنتظرين الاجابات

امر الزواج او الارتباط مو امر عادي
بالعكس كلنا نشوفه حلم المستقبل
وكلنا نحلم بالشريك اللي راح يسعدنا
ونحلم بالذرية وكلمة بابا ماما
لاننا مخلوقين ومفطورين على كذا
ولان الزواج سنة كونية
ولاننا نميل الى السكن والمودة
ولان فينا غريزة التكاثر والمتعة
والاعفاف والابتعاد عن مزالق الشيطان
فطبيعي كلنا نحلم بهالشي

ولانك انسانة طبيعية وسوية
ولانك تطلبين الحلال
كان القلق والخوف رفيقك
ولو كنتي انسانة لعوبة
ما همك زواج ولا غيره
لان كل شي اليوم اصبح مفتوح
وطريق الشر والغواية اسهل ما يكون
لكن من فضل الله عليك
انك تطلبين طريق الخير والطهر

وبعد هذا كله اقول لك :
انما الاعمال بالنيات
ودام نيتك نية خير وعفاف
راح تتيسر امورك وراح تتحق رغبتك
وباذن الله تفرحين وتتزوجين

كلامي مو طبطبة ولا تخدير
لكن حقيقة وابشري بالخير

عمرك مثل ما قال الاخوان
باقي صغير ومو يعني انتظري
لكن لا تخافين لانك ما وصلتي لعمر متقدم
ومع هذا فمن حقك تتساءلين وتقلقين
والمهم لا تناظرين للي تزوجوا في نفس سنك
او اقل من سنك مهما كان
او ترخين اذنك لخبر فلانه تزوجت
وباكر زواج فلانه
او تتحسسين من الملاقيف
اللي يقولون وراك ما تزوجتي ‏..!
ما عليك منهم ولا تهتمين فيهم
لان مافي احد تزوج بكيفه
مثل ما قلت لك هو نصيب
وما احد يدري متى نصيبه وكيف
ولانه نصيب والنصيب قدر مكتوب
ومالك ولا لاي احد اي صلاحية في تغييره

لذلك اوصيك اولاً وقبل كل شيء
احسان الظن بالله
لان الله عند ظن عبده
فاذا ظننتي بانه راح يقدر لك الزواج
راح يصير لك اللي ظنيتي
وان ظننتي غير ذلك راح يكون
فانتبهي لهالنقطة المهمة

الامر الثاني :
ادعي في كل سجود
وفي كل اوقات الاجابة
بان يرزقك الله الزوج الصالح
وتصدقي بنية تحقيق هذا الشيء
واذا دعتي كوني موقنة بالاجابة
مو تدعين من باب التجربة
او تدعين وفي قلبك شك
لا لا ادعي بيقين وثقة
لان الله مطلع ويشوف ويسمع
ومافي شي يعجزه مهما كان
المهم كوني ملحه ولا تنقطعي عن الدعاء
وقولي يارب اطلبك شي يرضيك
ابي العفاف والستر والحلال
وانجاب ذرية تصلي لك وتصوم
وتعبدك وتوحدك وتنصر الاسلام

ادعي باللي تبين بس لا تنقطعين
او يجيك يأس او قنوط

وتأكدي بان في كل تأخيره خيره


عموماً الكلام يطول
وما ابي اطول عليك

وبالتوفيق لك
اسال الله ان يرزقك الزوج الصالح
اللي يسعدك وتسعدينه ‏..


تقديري

ِ

نبض غلاك معجب بهذا

[نبض غلاك]

لاتخلي الزواج من اهتمامتك عيشي حياتك بكل بساطه وراحه بال
المكتوب بتاخذيه في دنيتك والزواج ماله عمر محدد وقت ماربي يريد راح تتزوجي
اهم شي تكوني قنوعه وصبوره وشوفي ايش عندك مواهب بحياتك
مارسيه وانشغلي فيها.
الله يرزقك اضعاف ماتتمني

[ملامح يوسفيه]

وعليكم السلام والرحمة
جعلها اخر المشاكل يشيخه :ff1 (62):
فاتك القطار
وخيتي على كل الاشياء الموجوده بالحياه
بدون تحديد سواء زواج او غيره
مافيه قطار بيفوتك عليها
تدرين ليش
لان احنا القبطان
ولكل شخص فينا له وجهته و طريقته و توقيته
اللي ما يجي اليوم يجي بكره
اصبري على نصيبك افضل من تركبين قطار ينافي مقاسك
وقتها لا تقدرين تكملين و لا تتراجعين

المعتفس معجب بهذا