07-02-2023, 09:33 AM | #97 |
|
في مسلسل شفته قبل فترة
إسمه إيقاع السحر وهو كوري أحس لازم البنات يشوفونه عشان يعرفون الفرق بين الطيب والخبيث وما ينخدعون المسلسل فيه شخص خبيث ومتحرش وكان يسوي نفسه طيب بس هدفه خبيث اللي أبي أقوله انتبهوا يالبنات ترا في ناس مثل هذا الشخص بالضبط لا تحسنون الظن بزيادة لأن مو كل حد طيب ونيته صافية أصلا بتحسون بشعور يقولكم أن هذا الشخص خبيث ومو طيب ف لا تتجاهلون هذا الشعور أنا قبل كنت أحسن الظن بزيادة وأحسب كل الناس مثل ما أتخيل لكن للاسف طلعو العكس والحين صرت أعرف أفرق والطيب راح يبين لأن بتكون شخصيته نفس شخصية الساحر اللي أنقذ البنت من المتحرش ومو استغلالي وبس والله .. حبيت أنبه لأني عارفة أن في بنات مثلي يحسنون الظن بزيادة=) |
|
11-24-2023, 01:58 PM | #98 |
|
يسعد مساكم
إن شاء الله الجميع بخير كان في موضوع أشارك فيه قبل لو تذكرونه كان فيه رابط للرسم وكنا نرسم فيه أشكال ووجوه من بعد هذا الموضوع صارت نفسيتي مو حلوة وما صرت أشارك وسبحان الله كل شي خيرة لأني بعدها بفترة اكتشفت شي ما كنت منتبه له اكتشفت بأنه لا يجوز رسم ذوات الأرواح وهالشي محرم *ذوات الأرواح يعني أي مخلوق له روح وطبعاً أكيد في ناس ما كانوا يعرفون مثلي ف حبيت أكتب هالمعلومة هنا عشان يعرفون أنه ما يجوز ومن باب حب لأخيك ما تحب لنفسك وعشان ما أكون كتمت علم ابحثوا عن موضوع ذوات الأرواح بنفسكم وتأكدوا لأنه مو شي عادي وبس والله |
|
05-31-2024, 10:54 AM | #99 |
|
رد: - سواليف روح
https://youtu.be/meoYJkYdVAg?si=9wKoGizsgJagvKiA
قصة كهف أفلاطون من القصص اللي تعجبني الناس غالباً يحاربون الشخص اللي يبي يعلمهم بالحقيقة ويرفضون حتى أنهم يسمعونه ويظنون أنه عدوهم مع أنه بس يبي ينقذهم من الأوهام فعلاً صادق اللي قال طريق الحقيقة محفوف بالمخاطر |
|
06-12-2024, 02:57 PM | #100 |
|
من فترة وأنا فاقدة الحماس للأشياء اللي كنت أسويها قبل اشتريت كتاب عن الرسم وقعدت أرسم بعدين فقدت الشغف بسرعة ومدري متى ناوي يرجع حماسي المهم خل أكتب اللي في خاطري مرات أحس بيني وبين المناصب عداوة ما أحبها ولا أرتاح لها أحب أكون في حالي بلا منصب ولا مسؤوليات خاصة بالمنتديات وإذا عطوني منصب أقول بشوف يعني ما أرفض على طول أعطي نفسي مجال للتجربة وأقول بجرب كيف الوضع وبعدين بقرر إذا أستمر ولا ويمكن أتعلم أشياء من هالتجربة لكن ما يعجبني الوضع وأحس بتعب وإرهاق ومرض وكل فترة متضايقة وأصير عصبية وأنفعل بسرعة مع أني لما أكون بالمنصب أحاول أطبق القوانين وأني ما أظلم أحد حتى في أعضاء يجوني لأن يقولون أنتِ ما تتحيزين لأحد بس سبحان الله ما تناسبني ولا أحبها وأخر شي أهرب منها وأبي أتركها صار عندي فوبيا من المناصب مدري في حد مثلي عنده فوبيا المناصب ولا وهذي حالة نادرة ! |
|
06-20-2024, 05:15 PM | #101 |
|
من الروايات اللي قرأتها قبل فترة " يون جيه " اللي في هالرواية يشبهني لكن الفرق بالقصة والظروف لكن ردود أفعاله نفسي وحتى صديقه اللي يعامله بقسوة نفس بعض الناس سواء بالواقع أو بالنت يعاملوني بنفس الطريقة وهم مو فاهميني صح صديقه عكسه وسريع الإنفعال وعصبي الرواية تتكلم عن " اللوزة الدماغية " وعلاقتها بردود الأفعال والأنفعالات وكذا طبعاً حطيت هالرواية هنا عشان الناس اللي ما يعرفون هالنوع من الشخصيات وعشان محد يظلمهم لأن صعب يفهمونهم بدون ما أحد يشرح لهم وبس متأكدة اللي يحبون يفهمون الشخصيات الصعبة أكيد راح يستفيدون من هالرواية خاصة الأمهات والأباء اللي عندهم مثل هالأطفال الصعبين ومو فاهمينهم |
|
الكلمات الدلالية (Tags) |
سواليف |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|