حكــاية قصيــرة ❥

من مظاهر الحب

سمو المجد ,This Aziz ,alwafa و 8 آخرون معجبون بهذا

رايــق ,خفايآ روح~•• ,المعتفس ,عبير ,ابن الهيثم ,طقاقة أم عنبر ,رآنيا ,طُليْطل

اليوم تكلمت عن الحب و اهميته في حياتي و كيف صرت مطمئنه فيه،
حدث لي موقف الصباح،، اول ما وصلت الدوام جلست نص ساعه انتظر الحارس..
بس شفته جاي من بعيد بسرعه نزلت و خليت اختي تمشي لان وراها دوام..
و صدمني لما قالي الحارس انه ضيع مفتاح الفرع،، كيف كذا!!
اول شي سويته دقيت على المديرة ابيها تجي عشان معها مفتاح ثاني..
و ما ردت علي،، و ارسلت لها برضو ما ردت علي..


انا كنت وقتها مشبعه بالحب و بالطاقه الجميلة،
تقبلت الموضوع بصدر رحب و قلت للمراسله حقتنا يالله خلينا نمشي الين تجي المديرة،،
مافي حل ثاني الا اني اتقبل و احور الموضوع لصالحي،،
جلست امشي انا و البنت تقريبا نص ساعه.. نمشي و نسولف..
فجأة قلت لها انا عطشانه ابي مويه،، قالت في بقالة قريب
قلت يالله نروح للبقالة و نشتري مويه و شويه مفرحات..






زمان كان موقف زي كذا ممكن يقلب مزاجي،،
بس الحين لا،، عرفت كيف اتعامل مع الظروف
و كيف اخليها تصير لصالحي و كيف انبسط فيها..
استمتعت اليوم.. بداية من موضوعي عن الحب
و كيف انتهى يومي،،
و الاجمل من هذا كله صار اللي ابيه و صار لي مفتاح للفرع خاص فيني
يعني لو اجي قبل الحارس افتح الباب و ادخل

رجعت البيت و طلعت امشي ساعة.. قطعت فيها ٤ كيلو
يعني المزاج عال العال، و الحين انام و احلم احلام سعيدة..


تصبحون على يوم جميل،،

سمو المجد ,This Aziz ,alwafa و 7 آخرون معجبون بهذا

رايــق ,طُليْطل ,عبير ,خفايآ روح~•• ,المعتفس ,ابن الهيثم ,رآنيا

يسعد صباحكم ،
الصباح لا يكون مختلف الا اذا قررت ذلك ،
كل يوم هو هديه من الله ، نشكر الله عليها
كيف يخلق من روحنا الميته روح تنتعش و تحب الحياه من جديد ،،


مهما نمت متأخر ، ساعتي البيولوجيه تصحيني من بدري ،،
بين اني احاول انام ، او اطلع امشي كنت مرره محتاره
جسمي يقولي انتي تعبانه و سهرانه ارجعي نامي ، و عقلي يقولي الجو زين اطلعي امشي و استمتعي
ساعة و نص و جسمي و عقلي يتهاوشون ،، في الاخير فاز عقلي و طلعت امشي ،،
صراحة مشي الصباح مختلف ، و تقطع نفس المسافة بس جسمك متقبلها و ما يتعب
قد التعب اللي اتعبه بالمشي العصر بعد الدوام ،،

الشي اللي خلاني اتحمس للمشي لمسافات طويله ، صرت بدال ما اسمع اغاني
اسمع بودكاست من ساوندكلاود ، لناس ملهمه تقول اللي نفسك تقوله و تعزز افكارك ،،

و لا يخلو الامر من التقاط بعض الصور
و حبيت اشارككم فيها ،،












و بس هذا صباحي

المعتفس ,سمو المجد ,خفايآ روح~•• و 7 آخرون معجبون بهذا

This Aziz ,alwafa ,ابن الهيثم ,رايــق ,عبير ,رآنيا ,طُليْطل

فيني هدوء لدرجه مابي اداوم :ff1g (12):
بس ما اقول الله يجعله يوم هادي و رايق لي و لكم


و صباحكم خير
:النور:

رآنيا ,المعتفس ,سمو المجد و 6 آخرون معجبون بهذا

خفايآ روح~•• ,عبير ,ابن الهيثم ,رايــق ,طُليْطل ,alwafa

^


داومنا و كان يوم هادي زي ما تمنينا و حبينا





" قَبْسٌ مِن نُور "




اليوم بنتكلم عن التركيز ،،
التركيز شيء مهم و ممكن ان يرسم يومك على اساس ما ركزت عليه ،،
مو شرط في يوم ،، ممكن في نفسك و صحتك ،،

يعني انت بين ركز و لا تركز <- كيف ي حلوه :ff1g (12):

اقرب مثال الحين ، انا مصدعه
ولو جلست اركز على الصداع ،، بحس انه قاعد يزيد
و بيزعجني هالشعور اكيد و كان ممكن اني ما اكتب موضوع اليوم بسبب الصداع ،،
متخيلين نايمه مصدعه و صاحية مصدعه ،، اكيد انه شعور مزعج ،،
بعدين الصداع عندي شر لابد منه

اللي يصير ، انا ما اجلس اعطي نفسي اشارات و كلام يحسسها اني متضايقه من هذا الصداع ،
اتجاهله زي ما اتجاهل اي شي مزعج في حياتي ،،

بتقولون لي كيف نتجاهله و هو شي فيك في راسك ،، المه واضح ،،
الطريقه بإختصار لا تفكر فيه ،، لا تركز عليه ،،

صحيح الموضوع مو سهل مره ،، و يبيلك تحاول ،،
ممكن تجلس تكلم نفسك بصوت ،، تقول انا مو مصدع ،، تقول انا اقدر اتجاوز هذا الصداع ،،
و انت تعطي نفسك هالايحاءات و هالكلام اجلس راقب نفسك ،، و بتشوف كيف تحس بالصداع من بعيد ،،

اي شي في الحياة مزعج لنا ، ممكن بهذي الطريقه انت تتجاوزه ،،
و لا تفكر انه بيروح على طول ،، لان لو فكرت هذا التفكير انت خربت على نفسك و رجعت لنقطة الصفر ،،


و شوفوني تجاهلت الصداع ، و طلعت منه فكره اكتبها ،، و الا انا كنت ناويه اتكلم عن موضوع ثاني ،،
و لان الموضوع الثاني يحتاج مني طاقه اكبر و هي ما هي موجوده الان لاني منشغله اني ابعد الصداع :ff1g (12):

و لو انسقت ورا الصداع ،، ما تكلمت خير شر ،،

و بالمقابل العكس ،، ممكن اي طبع جميل او عادة سعيدة ودك تكون فيك
انت تركز عليها تعطيها اهتمامك ،، و تفكر فيها باستمرار ،، راح تكون موجودة فيك
ممكن في البدايه تتقمص الدور و تمثلها حتى تتعود عليها و تكون طبع لك و اسلوب حياتك



على فكره صحيت الصباح و نزلت اجهز فطوري ،، و اقول في نفسي اليوم الاثنين ،، لازم اكتب عن موضوع
و كيف اكتب و انا مصدعه بهذا الشكر ،، شكلي اعتذر منهم اليوم ،،

بعدها طرا لي اتكلم عن التركيز ،، و كيف انت تقدر انك ما تركز على الصداع حتى لا يكبر راسه
و فعلا انا ما احس بالصداع الحين قد ما حسيت فيه اول ما صحيت من النوم ،،

من اول ما بديت اكتب و انا استجمع افكار و اركز ع الفكره الين ما بديت ما احس في الصداع
لكن هو موجود ترا ،،





صباحكم جميل ، بعيد عن كل ما يزعجكم ،،
صباحكم سعيد

رآنيا ,رايــق ,عبير و 6 آخرون معجبون بهذا

alwafa ,طُليْطل ,المعتفس ,ابن الهيثم ,سمو المجد ,خفايآ روح~••

عشان تعرفون ان التركيز مهم ف حياتنا، و انك تجذب الامور حسب تركيزك و تفكيرك فيها..
انا في فرع نادراً تجيني عميلة تعرضت للاحتيال،،.
جاتني عميلة،، تعرضت لموضوع زي كذا.. و طبعاً هي مو فاهمه او تستهبل مدري وش سالفتها،،
و انا اتكلم معها في داخلي جالسه اتحلطم.. انه العميلة مو فاهمه شي،،
جالسه تقول اشياء ما تدخل العقل.. انا كان كل تركيزي معها و كيف افهمها و كيف احل المشكلة..
ما كان عاجبني الوضع للامانه و كان احساسي تجاهها سلبي،،
قامت من هنا،، و جلست وراها وحده نفس الشي،،

قلت يادين الله انا ما راح انتهي منهم خخخ
المشكلة لو هم فاهمين يختصرون علي المشوار
بس هم مو فاهمين و انا اجلس اشرح لهم و اوعيهم



هنا تركيزي كان سلبي بالتالي نكبني ما فادني خخخ
يعني ي طلابي الاعزاء فكرو و ركزو بشكل ايجابي




اعطيكم الدرس و اعطيكم النتيجه بنفس الوقت

رآنيا ,ابن الهيثم ,سمو المجد و 6 آخرون معجبون بهذا

رايــق ,Stranger ,عبير ,alwafa ,خفايآ روح~•• ,المعتفس