مُجرَّد تهيآت

[‏*** سُهيل ***]

مُجرَّد تهيآت

ودي بْرحيلك دون إبداء أسباب
ما ودي اْسمع مِنْك قصة حزينة

يا اللي مكانك بين جفنين واْهداب
ومكانتك خلف الحصون الحصينة

موقف حدث ما ينفعه طب واعشاب
لا قابِله عقلي ولا تقبلينه

سمعتِ اللي قال واْخطا ولا صاب
وانتِ تهزي راسك وتسمعينه

كمَّل كلامه وافترى ضدي اكذاب
وكان العشم يا غالية تحقرينه

والمشكلة جيتيني بحملة ارهاب
ونسيتِ الحب الكبير وسنينه

موقف .. ما ينفع فيه أعذار وعْتاب
لولا الصبر طقيت حزن وغبينة

يا كبرها لا قيل فيك العشم خاب
والله ما ظنيتك تخيبينه

فيني أنا صدقتِ إنسان كذاب ؟!
وش لون غيَّبتِ العقل يا رزينة

وش لون للحساد فكيتِ الباب
كان العشم من دونهم تقفلينه

أفضل لنا يا غالية نرجع أغراب
لا يعرفك قلبي ولا تعرفينه

قررت أنا واْعلنت عن حبك اِضراب
مَ ابي من الدنيا يَ غير السكينه

ضاع الوفا ما عاد له أهل واْصحاب
الغدر وصمة عار على جبينه



شاعر ..

أُنثى حآلِمة ,أمَوآج آلشَرقَيهہْ♥ ,شْعُور ..! و 7 آخرون معجبون بهذا

إيلاَن ,آلنـور ,محمد المحسن ,احساس غريب ,ورود الامل ,راما ,نايف

الموضوع الأصلي: مُجرَّد تهيآت || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

lE[v~Q] jidNj