كيكة التفاح عمايل ايديا وحياة عنياا😊

[نقاء الورد]

كيكة التفاح عمايل ايديا وحياة عنياا😊

مساكم نقاء ال غلاك🌷
يلا اسالوني وينك ي نقاء من الصبح!
رح احكيلكم كنت بعمل كيكة التفاح😋
وفجأه تذكرت اصور وانزللكم الطريقه🤔
اول خطوه
بجهز القالب وبدهنه زبده ورشة طحين بهالكشل





تاني خطوه
بحضر للكيكه


2 بيضه
م ص خل
م ص فانيلا
وبضرب منيح بالخلاط مدة دقيقه
بعدين بضيف
كوب وربع سكر او حسب الرغبه
وبرضه بضرب منيح
بعدين بضيف نص كوب زيت بالتدريج وبرضه بضرب منيح
هلاء برضه بضيف كوب حليب دافي بالتدريج وبضرب
بعدين بضيف 2 م ك لبن محرك منيح وبضرب
هلا بنخل كوبين طحين مع نص كوب نشا ورشة ملح و2 م ص باكنج باودر
وبضيف المكونين ع بعض بالتدريج وبضرب منيح منيح
وهيك بتكون النتيجه






هلاء رح اجهز تفاح واكرمله عشان احطه حشوه في الكيكه

بقطع تفاح قطع صغيره
وبحط عليهم رشة سكر ورشة قرفه

وبطبخهم ع الغاز ليصير التفاح شبه مستوي
بهالشكل




هلاء بحط نص كمية العجينه بقاع القالب بهالشكل






بعدين بوزع التفاح المكرمل بالنص متل حشوه يعني

بهالشكل






هلاء بضيف النص المتبقي من العجينه فوق الحشوه وبغطيها تماما
بهالشكل






هلاء بنيجي لاخر خطوه
بجيب 3 حبات تفاح حلوين هيك




بقشرهم بشكل رفيع وبحط عليهم قرفه وبحركهم منيح
هيك شكلهم قبل القرفه







وهيك بعد م حطيت عليهم معلقة قرفه كبيره وحركتهم




هلاء بوزع هاد التفاح ع وجه الكيكه بشكل متساوي
هيك
وممكن كمان ارش ع التفاح اللي ع الوجه رشة سكر خفيفه





وهلاااء واخيرا ع الفرن الحامي من قبل ع درجة 180
بالاول بشغل من تحت
ولما تستوي من تحت
بشغل من فوق لتتحمر
بتاخد حوالي ٤٠ او ٤٥ دقيقه بس

وهيك بعد ما استوت واتحمرت واخدت لون




وطبعا رح اقلبها عشان تشوفوها من تحت بلاش تفكروها انحرقت وتحكو عني ما بعرف اخبز


وهي الشكل النهائي
بس لازم اعمله صوص


بس ما صبروو وقطعوهاا واكلوو🥺
وبس
ارائكم
وتقييماتكم للشيف نقاء😊

KING ,اوتوماندي ,نسرين و 10 آخرون معجبون بهذا

أماريلس ,نبض غلاك ,الولهان عبدالله ,أمَوآج آلشَرقَيهہْ♥ ,زهرآء ,نايف ,همس الجواهر ,آلنـور ,رآنيا ,غاردينيا

الموضوع الأصلي: كيكة التفاح عمايل ايديا وحياة عنياا😊 || الكاتب: نقاء الورد || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

;d;m hgjthp ulhdg hd]dh ,pdhm ukdhh😊 hd]dh ulhdg ukdhh ,p]hj