وصفة ( كيكة الرمل الاسفنجيه )

وصفة ( كيكة الرمل الاسفنجيه )

السلام عليكم ورحمة الله وبركاته
اسعد الله اوقاتكم جميعا ،
كيكة ( الرمل الاسفنجيه ) ممكن انكم تعرفونها
و ممكن لا ، لذيذه الى ابعد الدرجات
يعني كيكه ما تملون انكم تصلحونها بين فتره وفتره
وهذه طريقتها ان شاء الله تنال اعجابكم

المكونات :
2 كوب طحين.
حبتين بيض .
1 علبة دبادي.
كوب زيت .
كوب سكر .
ملعقه وسط فانيلا.
ملعقه كبيره باكنج بودر.

الطريقه :
نضع في الخلاط ،
( السكر + الزبادي + الزيت + البيض + ملعقه فانيلا )
ونخليها تخلط لمدة دقيقتين .

بعدها نضع الخليط في ( باديه ) عاد مدري وش تسمونها ههههه

ونجيب الطحين ونخلط معاها الباكنج بودر ، قبل وضعه على الخليط
واذا بدينا نخلط ، تصبون شوي طحين وتخلطون ، شويو طحين وتخلطون
الين تخلص الكميه ويكون القوام وسط لا ثقيل مره ولا خفيف .

وبعدها ندهن الصينيه بشوي زيت ونصب الخليط .

وعلى الفرن او الميكرويف اللى يريحكم ،
تشغلون من تحت اول حاجه على درجه حراره (170 الى 180 )
لمدة 40 دقيقه
واذا شفتوها بدت تحمر من الجوانب ومن تحت شغلوا اللى فوق

ولتزين :
فيما انها تضبط الكيكه
حمصوا سميد ، الين يصير لونه ذهبي

الكيكه هنا صارت جاهزه ،
نجيب نستله ( حليب مكثف ) ونصبها عليها
بس خفيف ، انا جبت العيد وكثر حبتين ،

وبعدها نرش السميد عليها وبالعافيه عليكم
وعادي تناكل مع قهوه او شاهي اللى تبغون ،

الشكل النهائي :

وبس والله
اتمنى اني افدتكم بشوي ولا بكثير
وامله ان تعجبكم ، وترقبوني في طبخه اخرى
او حلا ثاني ، الان للامانه ما احب اشوي كثير اكلات
تخصصي دايم الحلا سوا البارد او الحار،

رايــق ,كيان الشعور ,.. إنسان ! و 10 آخرون معجبون بهذا

مۘڛۜٺـڕڀـحۡ ا̍ڸبٱ̍ڷ ,alwafa ,لوران ,غــرآم ـالــورد ,آلنـور ,عبير ,جنرال ,أمَوآج آلشَرقَيهہْ♥ ,رآنيا ,نبض الغلا

الموضوع الأصلي: وصفة ( كيكة الرمل الاسفنجيه ) || الكاتب: عتب خرساء• || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

,wtm ( ;d;m hgvlg hghstk[di ) ;d;m hgvlg hghstk[di