![]() |
#11 |
![]() ![]() |
![]()
ياقرادة الحظ
![]() اليوم امي الله يحفظها ارسلتني ايكيا اخذلها غرض البدايه عند رجل الامن اشوف توكلنا لو سمحت اوك حبيبنا هاك .. اوك حياك الله تفضل بسم الله تفضلنا ويادوب دخلت ويتعكرف ذاك الورع الا هو منطرح بين رجولي ويالله يالله بتفاداه لا اطيح فوقه والا اتوطاه برجولي قشعت في امه مع كتفها يالله بداية خير . واتل الورع مع يده اقومه واعتذر والام فطست ضحك وتعتذر بعد هي .🙁 يلا الحمدلله ماصار شي .. وواصلت طريقي عاد تعرفون ايكيا عليهم حلفه الا يلففوك كل الاقسام من ورا خشمك وحسب المسار اللي حاطينه وادرعم مع العالم ذي .. 😁 وانا بقسم طاولات الطعام ويجيني ذاك المتعافي بظهره قاعد يصور ويرجع لورا عشان ياخذ المنظر كامل ويصكني بظهره في طريقه .. بغيت اطيح الا شوي وسلامات وآسف .. اوك حصل خير وزوجته افطست ولفت وجهها عنا 😅 وادربي راسي واواصل طريقي ووصلت مستودعهم على خير واخذ غرضي وقلت الحمدلله الى المحاسبين واجي الا ذاك الطابور ماشاءالله وكل واحد معبي العربيه يلا انشب الحين وحنا واقفين الا ذاك الموظف وقف قدامنا بيني وبينه بنت قال تعالوا هنا محاسب فاضي والبنت ديورت بعربيتها وانا من الفرحه وراها واصك الموظف بالعربيه مع رجلووو 🥴🥴 قال اححح ياولد انتبه بغيت تحرولتي التفت عليه وانا ماشي اعتذر واقلو معليش والله خذتني فرحة الفكه من الزحمه واصك البنت اللي قدامي بالعربيه مع رجولها 😩😩 ولا سمعت الا احححح حاسب ![]() ياضيعة الوجه والموظف فاطس ويقلها انتي اللي حاسبي ذا شكله راعي حوادث ![]() قلت معليش اختي والله لهيت مع ذا الادمي اعتذر منه سويت معه حادث قبلك ![]() قالت وتقولون الحريم مايعرفون يسووقون ![]() قلت لاوالله اليوم اقتنعت انه احنا اللي مانعرف نسوق 😝 الحمدلله مر الموقف بسلام وبعدها حاولت احافظ على المسافه الآمنه بيني وبينها لمين حاسبت وحاسبت وراها وطلعت .. ولمحت الكوفي حقهم قلت وجبت القهوه يبيلنا كوب قهوه يعدل المزاج بعد هالحوادث 😁 خذت كوب قهوه وطلعت ادف عربيتي بيد وماسك كوبي بيد سالت موظف الامن برا.. اقدر آخذ اغراضي بالعربيه للسياره بالمواقف والا لازم اجيب سيارتي هنا قال لا عادي خذها امش مع الشبك بنهايته تقدر تطلع بالعربيه اوك تمام الله يعطيك العافيه بنهاية الشبك فيه نزله حقت كراسي المعاقين الله يشفيهم وانزل العربيه معها ولاني ماسكها بيد وحده وكوب القهوه باليد الثانيه روحت العربيه من يدي والحق ماتلحق ويالله لحقتها وفي خضم الاحداث طار كوب القهوه وصك في العربيه ورجع كمل علي وعلى ملابسي انا اللي هالمره جربت الأححححححح 😂😂😂 والكل يتفرج اللي يتبسم واللي يصد ويتبسم واللي يقول اسلم عسى ماانحرقت .. الله ياخذ ذا الكيف اللي ماجاني الا بذي اللحظه المهم حاولت مااخذ واعطي كثير مع الجمهور ![]() نظرا لضيعة الوجه والحاله المزريه اللي كنت فيها وادف عربيتي للسياره واخذ مناديل وامسح مايمكن مسحه واحمل اغراضي وسيده عالبيت🙁 واجي احب على راس امي وانا مبقع بقهوتي وهي تطالع وشفيك وش صار لك ![]() قلت ابد ماصار شي يمه بس طلبتك لعاد ترسليني ايكيا لمدة سنه لين يمدي الناس اللي هناك تنسى شكلي ![]() كانت ليله مررررره نايس 😅😅 وسلامتكم ![]() |
![]() |
الكلمات الدلالية (Tags) |
لِيتْ, الشّوَارعْ, اثْنِينْ, تِجْمعْ, صُدفَهْ |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|