قالوا علامك صامت وقلت ياناس كثر الكلام يقل لاجله مقامي

[‏احساس غريب]

قالوا علامك صامت وقلت ياناس كثر الكلام يقل لاجله مقامي

قالوا علامك صامت وقلت ياناس كثر الكلام يقل لاجله مقامي




قالوا علامك صامت وقلت ياناس
كثر الكلام يقل لاجله مقامي


الصمت حكمه والحكي مصدر إفلاس
ولقيت في صمتي يزيد احترامي


الصمت له معنى وله ذوق وإحساس
مركب نجاتك في بحور الظلامـي


ترى الرجل صوره من الراس للساس
ثم يـتـبـين جوهره بالكلامي


إما نطق في كلـمة ترفع الرأس
تضفي على شكله جـديد الاسامي


وإلا يعـود معدنه مـعدن نحاس
يرميه سهمه بـعد ما كـان رامي


لا صار عندك من ثمينات الألماس
خله بـصدرك لـين وقت التمـامي


أخاف يطلعلك من الـناس بلاس
وإلاسفـيه ما يـرد الـسلامي


الله خلق خلقه على عدة أجـناس
وكلن يـسوقه مذهـبه للأمامي


والله خلق بالطـير قـمري وقرناس
و وقت الهدد ما ينـغزي بالحمامي


لا جال في صدرك من الهم هوجـاس
وعيـنك يحاربـها لـذيذ المـنامي


ونفسك عليله والفكر صار محتاس
اترك طمان الـقاع وارق السنامي


علـيك بالعالي ليا هب نـسناس
يبري الجروح الخافـيه والعظامي


و خلك لربعك دايم الدوم نـبراس
وخص القريب وخص ولد العمامي


خلك لهم في داجي اللـيل مقـباس
ولصاحب أصدق من حقوق الغمامي


ربعك ذراك ليا لحق راسك الباس
قدم لهم شربك ولو كنت ضامي


وخلك لثوب الطيب والعـز لباس
واتـرك دروبٍ تنـتهي بالحرامـي


وفعل الجميل و واجب الضيف نوماس
ومن لا نفع بالضيق نفـعه عدامي


بيت الكريم أبوابـه بـدون حـراس
وبـيت البخـيل يـعد مـثل الهدامي


كلٍ بها الدنـيا نصيـبه بمقياس
ياخذ نصيـبه لو جـفوه الأنامي


و سلامتكم

نقاء الورد ,رآنيا معجبون بهذا

الموضوع الأصلي: قالوا علامك صامت وقلت ياناس كثر الكلام يقل لاجله مقامي || الكاتب: احساس غريب || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

rhg,h ughl; whlj ,rgj dhkhs ;ev hg;ghl drg gh[gi lrhld lrhld hg;ghl dhkhs whlj ughl; ,rlm