موضوع الأسبوع الأول : الجن وقصص ما وراء الطبيعة ..~

[‏نايف]

	المشاركة الأصلية كتبت بواسطة رآنيا

	يا الهي جاء اتريق علينا وراح ~

دام خاشين جو الجن والعفاريت راح اشاركم القصه ذي
كنا مره منتدبين وساكنين في مبنى مكون من سبع ادوار
و مهجور طول السنه ويتم تشغيله فقط في فترة الحج
وطلعنا بنص السنه تقريبا عشان ننفذ فيه شبكه
وبرامج حاسب
كنا مجموعه من 8 شباب جايين من كذا مدينه
اغلبنا مانعرف بعض الا بذيك الفتره
المهم في ليله طلعنا وتعشينا وشفنا مباراه ورجعنا السكن
وكل اثنين على غرفتهم كنا كلنا ساكنين في الدور الاول
انا جلست اتقلب ولا جاني نوم
قمت طلعت وجلست في الصاله الخارجيه قدام المصاعد
وقعدت اقلب بجوالي على الساعه 2:30 الفجر سمعت التنبيه
حق المصعد في الدور الارضي .. بسم الله
من ذا اللي يستخدم المصعد بذا الوقت
الشباب كلهم نايمين والمبنى مافي غيرنا منو ذا طيب
بعدين تناسيت الموضوع
شوي والا فتح المصعد قدامي في الدور الاول
وطلع منه واحد من الشباب اللي تعرفت عليه
يادوب بذاك الانتداب
طالعت فيه واقلو غريبه مو انت نايم متى طلعت
ومن وين جاي ذا الوقت
طالع فيني كذا يادوب التفاته خفيفه وصد
وأشر بيده اشارة اللي كنو يقول كنت ادوج زي كذا
وراح في السيب ناحية غرف السكن
وانا كملت للساعه 3 تقريبا ورجعت الغرفه
الا خويي في الغرفه يقول لي وشفيك مانمت
ووشفيك صافق باب الثلاجه من شوي فجعتني من نومي
قلت بسم الله انا لي ساعه يمكن ماجيت الغرفه
بس يمكن خوينا عبدالله الفلاني من شوي مر فيني
وانا جالس برا في الصاله يمكن جاء اخذ شي من الثلاجه
وخلاص انتهت السالفه ونمنا
ثاني يوم جالسين نفطر ونسولف الا خويي يقول لعبدالله ذا
انت وشفيك البارح خرشتني بعز نومي
وصفقت باب الثلاجه كذا كن بينك وبينها عداوه
الا يقول له اي صفقت واي ثلاجه وش بيجيبني لثلاجتكم
انا نايم من بعد مارجعنا البارح من برا
وانط انا واقله كيف نايم وانت طالع علي الساعه 2:30
من المصعد .. ويطالع فيني مستغرب
ياولد انت صاحي اي مصعد واي 2:30 والله اني
ماتعديت سريري ويقوم خويه بالغرفه ويصك يمين
انه كان سهران على جواله لأربعه الفجر
وعبدالله ذا نايم جنبه ويشخر بعد
بسم الله الرحمن الرحيم وبعدها تأكدت
انه الجميل ذاك اللي طلع لي من المصعد
كان من اخواننا الرهيبين في العالم الموازي
وبركه انه كان عاقل وذوق معي ومااخذ عقلي معه

رآنيا ,عاقل المجانين ,أوديت معجبون بهذا